ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

विषय : भूत बाधा व दृष्टी बाधा विचार

संकलक : ज्योतिष मित्र मिलिंद

संदर्भ ग्रंथ : संतान दीपिका, प्रश्न कुंडली विचार

नमस्कार,

हे सारे विश्वच समतोल तत्वावर आधारलेले आहे. ऊन तिथे सावली, दिवस तिथे रात्र, प्रकाश तिथे अंधार, आनंद तिथे दु:ख, यश तिथे अपयश, आशीर्वाद तिथे शाप, देव तिथे दानव, सदिच्छा तिथे क्रूर इच्छा, वासना, दैवी तिथे अमानवी गोष्टी या येणारच, भूत बाधा, दृष्ट, पछाडने ई. त्याचाच परिपाक.  

ज्योतिष मार्गदर्शन करताना अनेक जातक असे प्रश्न घेऊन येतात की, कोणीतरी कारणी केली आहे, भूत बाधा झाली आहे, दृष्ट लागली आहे यावर काही उपाय आहे का. खर्र तर हा एक खूप मोठा तांत्रिक विषय आहे, तरी या विषयासंदर्भात काही साधारण माहिती व कुंडलीत आढळून येणारे काही या संदर्भातील कुयोग यांची थोडक्यात माहिती देत आहे.

बाधा, झपाटणे, अंगात येणे, बळी घेणे, अनैसर्गिक संभोग इच्छा असे विविध प्रकारे मानवजातीला त्रास देणाऱ्या ग्रहांची संख्या २७ आहे. या वाईट शक्ती वा देवतांना शक्तींना ग्रह असे म्हणतात. दक्ष प्रजापतीच्या यज्ञाचा नाश करताना भगवान रुद्राच्या कोपामुळे येथे सांगितलेले ग्रह आणि इतर अनेक लघु ग्रह निर्माण झाले.

या २७ त्या ग्रहांची १८ महाकष्टे आणि ९ लघु ग्रह अशी विभागणी केलेली आहे.

१८ महाग्रह या प्रमाणे आहेत :

१) अमर (देव)

२) असुर

३) नागा

४) यक्ष

५) गंधर्व

६) राक्षस

७) हेद्रक

८) चाल (कश्मल)

९) नष्टेज

१०) भस्मक

११) पितर

१२) कृष

१३) विनायक

१४) प्रलाप

१५) पिशाच

१६) अंत्यज

१७) योनिज

१८) भूत

९ लघु ग्रह या प्रमाणे आहेत :

१) अपस्मार

२) द्विज

३) ब्रह्मराक्षस

४) अवनिभुक

५) वैश्य

६) वृषाल

७) नीच

८) चांडाल

९) व्यंतर

सर्व ग्रह ३ प्रकारचे मानले जातात –

१) ज्यांना बळीची इच्छा आहे : काही ग्रह किंवा देव जे यज्ञ किंवा पूजा साहित्य व बळी याचे भोग इच्छितात ते या प्रकारात येतात. ज्यांना बळीचा उपभोग घ्यायचा आहे, ते उपभोग घेतल्यानंतर त्या व्यक्तीला सोडून जातात.

२) ज्यांना रमणची इच्छा आहे : काही ग्रह किंवा देव ज्यांना पुरुष किंवा स्त्रीला वश करायचे आहे व भोगाच्या इच्छेने ते बाधा करतात, या प्रकारात येतात. ज्या ग्रह देवतांना रमण ची इच्छा आहे, ते शंभर वेळा उपभोग घेतला, तरीही त्या व्यक्तीचा पिच्छा सोडत नाहीत.

३) ज्यांना मारण्याची इच्छा आहे. : काही देव किंवा ग्रह ज्यांना मारण्याची इच्छा ठेवून ते बाधा करतात. ते या प्रकारात येतात. ज्या ग्रहांना मारण्याची इच्छा असते ते ग्रह माणसाला  मारल्याशिवाय रहात नाहीत.

अशाप्रकारे हे सर्व ग्रह सौम्य स्वभाव आणि क्रूर स्वभावाच्या भेदाने २ प्रकारचे आहेत. ग्रह आणि त्यांची स्थिती यांच्यातील फरकावरून हे फरक जाणून घेतले पाहिजेत.

सार संग्रह ग्रंथ असे विषद करतो, की सूर्याचे रुद्रगण म्हणजेच भगवान शिवाचे गण, उग्रदेव म्हणजेच भूत, इत्यादी आणि नागराज, चंद्राचे किन्नर, यक्ष इत्यादी ग्रह, नाग मंगळाचे, देव, दानव ग्रह, भूत आणि भैरव बुध आणि बृहस्पतिच्या गणेशाच्या पोटमाळ्यात राहणारे किन्नर हे देव, देवी, शुभ सर्प ई. विविध ग्रह आहेत.

शनीचे यक्षिणी, मातृका गण आणि सर्प नावाचे अशुभ ग्रह, शुक्राचे भस्मक, रुक्ष, पिशाच, चाल आणि नष्टेज नावाचे अशुभ ग्रह, राहूचे साप, पिशाच, नाग इत्यादि आणि केतूचे भूत आहेत असे म्हटले जाते.

संतान दीपिका ग्रंथामध्ये असे म्हटले आहे-

अशुभ स्थानी स्थित सूर्य व इतर ग्रह व इतर पूरक ग्रहस्थितीमुळे हे ग्रह कुप्रभाव किंवा रोगांमुळे सर्व जीवांना दुःख देतात. 

१) सूर्य बाधक स्थानात असल्यास शिव, गण, भूत इत्यादींच्या क्रोधाने रोग होतात.

२)चंद्र बाधक स्थानात असल्यास दुर्गेचा क्रोध किंवा धर्मदेवाच्या क्रोधामुळे हा रोग होतो.

३) मंगळ बाधक स्थानात असेल तर स्कंध, भैरवा इत्यादींच्या प्रकोपामुळे वेदना होतात.

४) बुध बाधक स्थानात असेल तर गंधर्व, यक्ष इत्यादी प्रतलात वास करणाऱ्या ग्रहांच्या प्रकोपामुळे रोग होतात.

५) गुरु बाधक स्थानात असल्यास ब्राह्मणाच्या शापाने व देवांच्या कोपाने दुःख होते.

६) शुक्र बाधक स्थानात असल्यास यक्षांच्या क्रोधामुळे रोग आणि ब्रह्मराक्षसामुळे वेदना होतात.

७) शनि बाधक स्थानात असेल तर भूतांचा अधिपती भगवान शंकराचा कोप होतो.

८) राहु बाधक स्थानात असेल तर सापाच्या क्रोधामुळे रोग होतो

९)) केतू बाधक स्थानात असल्यास चांडाळ इत्यादी देवांच्या कोपामुळे रोग होतो.

१०) जन्मस्थानी गुलिक किंवा मांदी बाधक स्थानात असल्यास भूतकोपामुळे हा रोग होतो

बाधा आणणारी स्थाने आणि राशि :

१) लग्नी चर राशी असेल, तर ११ वे स्थानी असलेली राशी बाधक आहे.

२) लग्नी स्थिर राशी असेल, तर ९ वे स्थानी असलेली राशी बाधक आहे.

३) लग्नी द्विस्वभाव राशी असेल, तर ७ वे स्थानी असलेली राशी बाधक आहे.

दृष्टी बाधा योग :

१) बाधक स्थानाचा स्वामी जर लग्ना स्थानी किंवा लाग्नेशाकडे पूर्ण दृष्टीने पाहत असेल, तर त्या वेळी दृष्य बाधा होते. येथे, बाधकेशची त्रिदश, त्रिकोण आणि चतुर्भुज दृष्टी म्हणजे शनि, गुरू आणि मंगळ यांची पूर्ण दृष्टी अनुक्रमे ३, १०, ५, ९ आणि ४, ८ स्थानांवर पडणे दृष्टी बाधा निर्माण करते.

२) जर सप्तम स्थानाचा स्वामी बाधक स्थानी स्थित असेल किंवा सप्तमेश आणि बाधकेश यांच्यात परस्पर संयोग किंवा दृष्टी संबंध असेल, तर दृष्य बाधा होते.

जर सप्तमस्थानात लग्नेश आणि मंगळ असेल आणि लग्ना स्थानी अशुभ ग्रह असेल, तर दृष्टिदोष संबंधी आजार होतात.

३) अशुभ ग्रह चढ्या भावात, शनि सातव्या भावात आणि चंद्र अशुभ ग्रहांनी स्थित असतील, तर पिशाच्च दिसल्याने रोग होतात.

४) बाधक स्थानात स्थित ग्रह शुक्र राशीत स्थित असेल किंवा शुक्रापासून गोचर असेल तर पती-पत्नीच्या मिलनात दृष्ट लावल्याने क्लेश, बाधा येतात. 

बाधा देणारी स्थळे :

बाधा निर्माण करणारा विशिष्ट प्रदेश किंवा स्थान बाधा स्थानावर असलेल्या राशीवरून ठरवावे. हे ग्रह त्या त्या ठिकाणी आपल्या असुरी इच्छा पूर्ण होण्यासाठी सावज हेरायला दबा धरून बसलेले असतात.  

१) मेष : सोने, चांदी, जस्त इत्यादी धातू व रत्ने मिळविण्याची ठिकाणे, लहान कालवे असलेली जमीन, सापाची घरटी आणि पूर्वेकडील देश ही मेष राशीची स्थाने आहेत.

२) वृषभ : शेतकऱ्यांची शेतं, बागा आणि आनंददायी जमिनीची ठिकाणे ओळखली पाहिजेत.

३) मिथुन : बागा, मंदिरे, रत्नजडित जमीन आणि सुंदर ठिकाणे ही मिथुन राशीची ठिकाणे आहेत.

४) कर्क : अप्सरांचे निवासस्थान, सुंदर तलाव आणि पाण्याजवळचे क्षेत्र कर्क राशीची ठिकाणे माहीत असावीत.

५) सिंह : पर्वत शिखरे, गोठा, शेते, देवाची मंदिरे आणि ब्राह्मणांची निवासस्थाने ही सिंह राशीची ठिकाणे आहेत.

६) कन्या राशीची मंदिरे, घोड्यांचे शेड, हत्ती राहत असलेली ठिकाणे आणि समुद्राजवळची ठिकाणे जाणून घ्यावीत.

७) तूळ : रस्त्यावरील बाजार आणि जंगलात,

८) वृश्चिक : तलाव, बाग, छावणी आणि रणांगणात वास्तव्य आहे असे म्हटले जाते

९) धनु : किल्ल्याच्या तटबंदीत राहते असे म्हटले जाते.

१०) मकर व कुंभ : नद्यांची मुखे, जंगले आणि निषादांची राहण्याची ठिकाणे, भिल्लांची वस्ती इत्यादी मकर राशीची आहेत आणि तीच ठिकाणे कुंभ राशीची आहेत असे म्हणतात.

११) मीन : तलाव, तलाव, जलाशय आणि देव मंदिरांमध्ये राहतात.

अशा प्रकारे पुवार्चारी ऋषींनी मेषादि राशींचे निवासस्थान मानले आहे. जन्मकुंडलीत बाधा दिसत असेल, तर संबंधित ठिकाणी जाणे टाळणे हितावह असेल.

विशेष सूचना : येथे या विषयाची थोडक्यात माहिती दिली आहे. हा विषय खूप विस्तृत व सखोल अभ्यासाचा व अनुभवाचा आहे. दिलेल्या लक्षणांव्यतिरिक्त अनेक गोष्टी व पीडित जातकाचे वागणे त्याचेत दिसणारी लक्षणे या सर्वाचा सारासार विचार करावा लागतो. तेव्हा अर्धवट समज करून घेऊन कोणाला पीडित ठरवू नये अथवा उपाय करू नयेत. काही अशा प्रकारची शंका येत असल्यास जाणकार व अधिकारी व्यक्तीच्या सल्ल्यानेच निष्कर्षावर यावे.

ज्योतिष मित्र मिलिंद (पुणे)
ज्योतिर्विंदया वाचस्पती
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

विषय : रेवती नक्षत्र विचार

संकलक : ज्योतिष मित्र मिलिंद

संदर्भ ग्रंथ : नक्षत्र ज्योतिष

नमस्कार,

आज आपण रेवती नक्षत्राबद्दल माहिती घेणार आहोत.

रेवती नक्षत्र हे नक्षत्र चक्रातील २७ वे नक्षत्र असून इंग्रजीत या नक्षत्राला ‘म्युपिशियम’ किंवा ‘झीटापेशियम’ म्हणतात. रेवती नक्षत्रामध्ये एकूण ३२ तारे असून ते अतिशय मंद व फिक्कट आहेत. आकृती मृदुंगासारखी आहे. रेवती नक्षत्राच्या आजूबाजूला जरा प्रखर व तेजस्वी तारे असल्याने उदा. उत्तरेला देवयानी, दक्षिणेला जटायू, पूर्वेला आश्विनी म्हणून या प्रखर ताऱ्यांपुढे ही फिक्कट वाटते. तारे पांढऱ्या रंगाचे असून हे नक्षत्र सत्त्वगुणी व सौम्य आहे.

रेवती नक्षत्राचे ४ ही चरण मीन राशीत येत असल्यामुळे हे नक्षत्र चतुष्पाद आहे. याच्या ४ चरणांवर अनुक्रमे गुरु, शनी, शनी व गुरु यांचे अधिपत्य आहे. रेवती नक्षत्राचा स्वामी बुध, राशीस्वामी गुरु व दैवत ‘पूषा’ नावाची देवता (जल) आहे. त्यामुळे रेवती नक्षत्रात बुधाची बुद्धीमत्ता, गुरुची भूतदया, उदारपणा, मानवता व पूषा देवतेचा थंड व शीतलपणा यांचा मिलाफ आढळतो. तसेच हे नक्षत्र तिर्यङ्क मुख, मृदु, मैत्रगणी व अंधलोचनी आहे. रेवती हे नक्षत्र नक्षत्र गंडातर तारा योगातील आहे. कारण या ठिकाणी सर्व १२ राशी व २७ नक्षत्रे संपतात.

हे नक्षत्र शुभ व देवगणी असल्याने अतिशय शुभ व सत्वगुणधर्मी आहे. तसेच ते थोडे नशिबवान व ऐश्वर्य भोगणारे आहे.

रेवती नक्षत्री जन्मणारे जातक सत्यप्रिय, शीतल, बुद्धीमान, विद्वान, चतुर पंडित, सत्कर्मी, न्यायी, परोपकारी, दयाळू धार्मिक, सदाचारी व कायदयाची जाण असणारे व पालन करणारे आढळतात. देवधर्माला भिऊन वागणारे, दुसऱ्याशी जुळवून घेऊन सामोपचाराने वागणारे असतात. हे नक्षत्र शुभ गुण व ऐश्वर्य देणारे असले, तरी दुसर्याचे सहाय्याने प्रगती करतात. या नक्षत्रामध्ये सौंदर्य, बुद्धी व धन यांचा सुंदर मिलाप झालेला दिसतो. शारीरिकदृष्ट्या मात्र हे नक्षत्र जरा अशक्त आहे.

रेवती नक्षत्र जातक पुरुषांना हे नक्षत्र साधारण आहे. या नक्षत्रावर जन्मणाऱ्या पुरुषांचा बांधा मध्यम, उंच, जरासा ठेंगू पण आडवा, अवयव गोलाकार, फुगीर, चेहरा जरा नाजूक पण सुंदर, शरीरात रक्त व मांस बरे पण हाडापेराने साधारण. जीवन ऊर्जा व रोग प्रतिकारक शक्ती कमी. नाजूक, स्वभाव शांत, आनंदी, ममताळू, दयाळू, भावनाशील, विकारवश व भिडस्त असतो, मात्र सत्वगुणी व सदाचारी असतात. थोडा  सुस्तपणा आढळतो. आहे यात समाधान, मानण्याची प्रवृत्ती असते. थोडे घरकोंबडे असतात. चैन, मजा, विलास, छानछोकीपणा यांची बरीच आवड असते. बुद्धीमत्ता पण बरी असते. पण विद्येसाठी फारसे परिश्रम घेण्याची तयारी नसते. म्हणून शिक्षणाला मध्यम.

रेवती नक्षत्र जातक स्त्रियांना हे नक्षत्र शुभ व अनुकूल आहे. सौंदर्य, बुद्धी, वैवाहिक सौख्याच्या दृष्टीने उत्तमच आहे. कारण स्त्रियांना लागणारे विनयशीलपणा, लज्जा, वात्सल्य, प्रणयलीला, संसाराची आसक्ती, संगोपणाची आवड, परावलंबीत्व, माया, लाजाळूपणा, हळूवारवृत्ती हे सर्व गुणधर्म या नक्षत्रात आहेत. या नक्षत्रावर जन्मणाऱ्या स्त्रियांचा बांधा मध्यम, आडवा, थोडा भरलेला, गोलाकार, मांसल पण वातूळ शरीर, त्वचा नितळ व मृदू असते. कपाळ भव्य व चेहरा गोल असतो. बांधेसूदपणा कमी असतो. चेहरा सुंदर, आनंदी, गोड व नाजूक भासतो. रेवतींच्या स्त्रीचे सौंदर्य तिच्या शांत व प्रसत्र चेहऱ्यात आहे. त्या हौशी, रसिक, आनंदी व कलाप्रिय असल्या तरी कलावंत नाहीत. नृत्य करण्यापेक्षा, संगीत वाजवण्यापेक्षा किंवा गाणे गाण्यापेक्षा या सर्व गोष्टी पाहण्यात व ऐकण्यातच तिला मजा वाटते व आरामप्रिय असतात. झोप, वाहनसौख्य फार प्रिय असते. व्यवस्थितपणा, नीटनेटकेपणा अथवा सुबकपणा साधारण असतो. फारशा फॅशनेबल नसल्या, तरी वागण्यात व पोषाखात नाविन्य आढळते. भिडस्त व भावनाप्रधान व विकारवश होतात व बऱ्याचेळा फसल्या जातात. बुद्धी साधारण असते, फार किचकट विषयापेक्षा साधे, सरळ, सोपे विषय घेऊन त्या शिक्षण पूर्ण करतात. मनावर विचारांचा पगडा जास्त असतो. घरकाम व संसाराची आवड असली तरी त्यांच्या हातून हे काम कमीच होते. चित्रपट, टी.व्ही., नाटके, वाहन यांची फार आवड असते. मात्र उदासही लवकर होतात.

रेवती नक्षत्राखाली येणारा वर्ग हा जास्त करून समाजातील सुशिक्षित पण जरा सुखवस्तु व बुद्धीवान असतो. फार गरीब तसेच फार श्रीमंत वर्ग याखाली येत नाही. या नक्षत्राखाली येणारा वर्ग बँका, सरकारी वर्ग, रेल्वे, पोर्टट्रस्ट, विमा कंपनी, प्रवासी कंपन्या, खाजगी औद्योगिक क्षेत्रातील बुद्धीचे काम करणारा वर्ग, फिरते एजंट, दलाल, विक्रेते, सेल्स टॅक्स व इन्कमटॅक्स कन्सल्टंट, खेड्यातील बाग-बगीचे किंवा मळेवाले अथवा लहान प्रमाणात हिरे, माणके, मोती, अलंकार, उंची वस्त्र, अत्तरे, सुवासिक पदार्थ, शीतपेय विक्रेते, फळे, भाजीपाला, दूध विक्रेते, एअर होस्टेस, ब्यूटी पार्लर चालवणाऱ्या स्त्रिया, तसेच हे नक्षत्र कायद्याला फार चांगले असल्याचे वकील, बॅरिस्टर्स, न्यायाधीश हा वर्ग याखाली जास्त येतो. शारीरिक व अंगमेहनतीची कामे करणारा व अंमलबजावणी खात्यातील वर्ग कमी आढळतो.

रेवती नक्षत्री रवी शरीर प्रकृतीच्या दृष्टीने मध्यम. धन व प्रतिष्ठेच्या दृष्टीने बरा. जातक विद्वान, देशभक्त, सज्जन व खर्चिक असतो.

रेवती नक्षत्री चंद्र असणे फारच चांगले. तो सौंदर्य, धन व सुखाच्या दृष्टीने उत्तम. बांधा भरलेला, पुष्ट, मांसल, गरगरीत असतो. चेहरा सुंदर, आकर्षक व गोल असतो. फार हौशी, चैनी विलासी व आनंदी असतात. धन व सुख भरपूर मिळते. जरा भावनाप्रधान व विकारवश पण आनंदी असतो.

रेवती नक्षत्री मंगळ साधारण असतो. स्त्रीत्व थोडे कमी प्रतीचे असते. बांधा आडवा व फोफसा असतो. जरा उतावळा व उदास असतो. धन व बुद्धीला कमीच.

रेवती नक्षत्री बुध स्वत:चे नक्षत्र असल्याने बरे असते. बुद्धीला ठीक, पण शरीर थोडे अप्रमाणबद्ध,  जरा वातुळ पण बुद्धीवान, धनवान, लेखक, वक्ता, ग्रंथकार, भाषांतर करणारा व कायदे जाणणारा विलासी व ऐश्वर्य भोगणारा असतो.

रेवती नक्षत्री गुरू शरीर, बुद्धी व धन अशा सर्व दृष्टीने उत्तम आढळतो. गुरु असता शरीर पुष्ट, मांसल, भरलेले, भरदस्त, कपाळ विशाल, चेहरा भव्य पण सुंदर व सात्विक असतो. उतार वयात टक्कल पडते. स्वभावाने शांत व आनंदी व भोगी वृत्तीचा असतो. बराच बुद्धीमान असतो. कायदेशास्त्र, भाषा, व्याकरण, जमाखर्च तसेच वकिली व न्यायाधीश यांना चांगला. थोडासा विलासी व रंगेलपणा असतो. बराच श्रीमंत व सुखवस्तू असतो.

रेवती नक्षत्री शुक्र फारच अनुकूल व भाग्याचे लक्षण आहे. सुंदर शरीर, धन, ऐश्वर्य व भोग मिळतात. शरीर भरलेले, पुष्ट, मांसल व गुबगुबीत असून त्वचा साबणासारखी (लक्स) नितळ असते. गाल फुगीर व चेहरा भव्य असतो. डोळे काळेभोर व पाणीदार असतात. चेहऱ्यावर सौंदर्य व उंची तेज, श्रीमंती तेज दिसते. मात्र शरीराला सुडौलपणा व आकार कमी असून त्या उतारवयात अंगाने सुटलेल्या व बेढब दिसतात. त्या बऱ्याच चैनी, विलासी, ख्याली खुशालीत दंग असलेल्या व सुस्त, आळशी असतात. उंची राहणीची आवड असते. मात्र बहुधा या व्यक्ती श्रीमंत व सुबत्तावान असतात. बुद्धी व कला यांना मात्र तो जरा कमी असतो.

रेवती नक्षत्री शनी हा शरीरप्रकृतीच्या दृष्टीने मध्यम, पण बुद्धीला बरा. विशेषतः कायदेशास्त्र, पंडित, वकील, बॅरिस्टर यांना चांगला. घनही बरे देतो.

रेवती नक्षत्री राहू फारसा साधारण असतो. बेढब बांधा, जरा रोगी, अशक्त व बुद्धी आणि धनाला कमी.

रेवती नक्षत्री केतु शरीर प्रकृतीला खराब, गॅसेस फार होतात. बांधा बेढब तर धार्मिक, दैविक, आध्यात्मिक व पारमार्थिक विधेला बरा.

रेवती नक्षत्र हर्षलला मध्यम. शरीर मध्यम उंच व आडवे असते. बुद्धी बरी पण प्रेम, प्रणय, शृंगारिकपणा, विलास याकडे जास्त लक्ष असते. धन व कला कमी.

रेवती नक्षत्र नेपच्यूनला चांगले आढळते, बांधा मध्यम उंच व जरा भरलेला पुष्ट. चेहऱ्यावर सात्विक तेज असून तो भव्य व प्रसन्न असतो. तो अंतःस्फूर्ती, ध्यानधारणा, दुसऱ्याच्या मनातील विचार जाणण्याची शक्ती, संगीत, तंतुवाद्य, थिऑसॉफी, भाषण यांना चांगला. लोकांना मोहित करण्याचे सामर्थ्य असते.

रेवती नक्षत्रावर होणारे आजार फारसे क्रूर किंवा दाहक नसले, तरी मोठे व बराच काळ रेंगाळणारे असतात. यांना बारीक बारीक व किरकिऱ्या रोगांनीही बराच त्रास होतो. शीताधिक्याचे आजार फार होतात. विशेषतः अतिशय थंडी, मुरणारी सर्दी, नाक वाहणे, कफ, थंडी ताप, जलोदर, साथीजन्य कावीळ, जलत्वाचे असल्याचे साथीचे जंतू लवकर पकडते. तसेच चंद्र शनी युनी असता मुडदूस (रिकेटस्) आकडी वगैरे येणे, पोट साफ नसणे, आतड्याचे विकार, शौचाच्या तक्रारी, मंगळ असता रक्तन्यूनता, रक्तदोष, रक्ताचा कॅन्सर तसेच गुरु असता वाताधिक्य, मधुमेह, चरबी साठणे. चंद्र – शनी युती असता दमा, कफ, क्षय, पायाचे विकार, पायाला चिखल्या होणे, हत्तीपाय असे विकार जास्त होतात. पंगूपणा व पक्षघाताची भीती असते. तसेच या व्यक्ती जरा मलीन, अस्वच्छ व आळशीही असल्याने पचन होत नाही व साथीजन्य विकार होतात. यांनी नेहमी स्वच्छ राहून नियमित थोडा व्यायाम घ्यावा. हे गंडातर तारा योगातले नक्षत्र असल्याने सामुदायिक अपघाताचाही संभव असतो.

रेवती नक्षत्री या नक्षत्रावर जन्मणाऱ्या व्यक्तींचे हस्ताक्षर मोठे, टपोरे, गोल व सुंदर असते. व, ब, क, ग, न अशा पोकळी बरोबर गोल असतात. नक्षत्र अंधलोचनी असल्याचे या नक्षत्रावर वस्तू हरवल्यास ती पूर्व दिशेला सापडू शकते. गुरुचा पुष्कराज किंवा शुक्राचा हिरा लाभदायक ठरतो, या नक्षत्रावर ५ किंवा ६ या अंकाचे वर्चस्व वाढते.

मुहूर्तशास्त्रात रेवती नक्षत्र शुभकार्याला फार चांगले आहे. मौंजी, विवाह, चौल करणे, नवीन वस्त्र किंवा अलंकार धारण करणे, गायनारंभ, नाक कान टोचणे अन्नप्राशन, जमीन नांगरणे, प्रयाण, प्रथम स्त्रीसंग, गलबत पाण्यात सोडणे, जनावरे घेणे, औषध घेणे, औषधी वृक्ष लावणे, बी पेरणे, नृत्यारंभ, राज्याभिषेक, राजदर्शन, पुंसवन, मंचकारोहण, घर बांधणे, पाया घालणे यांना फार चांगले.

ज्योतिष मित्र मिलिंद (पुणे)
ज्योतिर्विंदया वाचस्पती
संपर्क : 7058115947
(सशुल्क कुंडली मार्गदर्शन)

विषय : उत्तरा भाद्रपदा नक्षत्र विचार

संकलक : ज्योतिष मित्र मिलिंद

संदर्भ : नक्षत्र ज्योतिष

नमस्कार,

आज आपण उत्तरा भाद्रपदा नक्षत्राबद्दल माहिती घेणार आहोत.

उत्तरा भाद्रपदा नक्षत्र हे नक्षत्र चक्रातील २६ वे नक्षत्र असून इंग्रजी नाव ‘आल्जेनबि’ असे आहे.

उत्तरा भाद्रपदा नक्षत्राचे २ तारे असून त्याच्या उत्तर पूर्वेकडील ताऱ्यामधून ३ तेजस्वी व प्रखर पण सुंदर ताऱ्यांची रांग गेलेली आढळते. तिला देवयानी म्हणतात. या देवयानीच्या पुंजक्यात आपल्या सूर्यमालेच्या बाहेरची प्रचंड दीर्घिका आहे. त्याच्या उत्तरेस ययातीचे धनुष्य व उत्तरेला शर्मिष्ठा असे बरेच ठळक व तेजस्वी तारे असल्याने हे नक्षत्र ओळखण्यास सोपे आहे. भाद्रपदा पुंजातील ‘उत्तरा भाद्रपदा’ हे शुभ व कल्याणकारी नक्षत्र आहे. उत्तरा भाद्रपदा म्हणजे उत्तर आयुष्यात कल्याण किंवा भद्र करणारे, पूर्वार्धातील कष्टाचे, धडपडीचे व श्रमाचे फल उत्तर आयुष्यात मिळते.

उत्तरा भाद्रपदा नक्षत्राचे ४ ही चरण मीन राशीत येत असल्यामुळे हे नक्षत्र चतुष्पादी आहे व या ४ चरणांवर अनुक्रमे रवी, बुध, शुक्र व मंगळ यांचे अधिपत्य आहे. नक्षत्र स्वामी शनी, राशिस्वामी गुरु व दैवत अहिर्बुध्य नावाची देवता आहे. त्यामुळे उत्तरा भाद्रपदा नक्षत्रात शनीची चिकाटी, निश्चय, धीमेपणा, गुरुचा न्यायी व उदारपणा, शहाणपणा यांचा सुरेख मिलाफ झालेला आढळून येतो, तसेच हे नक्षत्र ऊर्ध्वमात्र, ध्रुव स्थिर व सुलोचनी आहे. तारे तेजस्वी पण पांढरे असून थोडी निळसर झाक आहे.

उत्तरा भाद्रपदा नक्षत्र मनुष्यगणी असले तरी बरेच शुभ आहे. यात सत्वगुणधर्म जास्त आढळून येतात. हे साधारण बलवान व लक्ष्मीप्रद आहे. या नक्षत्रावर जन्मणारे जातक विद्वान, स्थिर बुद्धी, नम्र, सेवावृत्तीचे, धाडसी, कर्तृत्ववान, कर्तबगार, निश्चयी, विद्याव्यासंगी, व्यवहारकुशल, मिळून मिसळून वागणारे, समाजप्रिय, समाजकार्याची आवड असणारे, मेहनती, कष्टाळू श्रमिक, सदाचरणी, धार्मिक, महत्त्वाकांक्षी, ध्येयवादी थोडेसे’

मानी व कायद्याच्या चाकोरीतील आढळतात. हे नक्षत्र उच्च अधिकार अथवा मोठेपणासाठी व धनाच्या दृष्टीने साधारण आहे. या नक्षत्रात बुद्धी, गुण व रूप यांचा संगम झाला आहे.

उत्तरा भाद्रपदा पुरुषांना हे नक्षत्र जास्त अनुकूल आहे. धाडस, कर्तव्य, पराक्रम, स्वावलंबीत्व, कठोरपणा, धडाडी, महत्त्वाकांक्षा हे गुणधर्म चांगले आढळतात. उत्तरा भाद्रपदा नक्षत्र शारीरिक ऊर्जा, बुद्धी व अधिकारयोग अशा सर्व दृष्टीने अनुकूल आहे. उत्तरा भाद्रपदा नक्षत्रावर जन्मणाऱ्या जातकांचा बांधा उंचसर (मध्यम) थोडा आडवा, काटक, चौरस बांधा, कपाळ भव्य, चेहरा चौरस व भव्य असतो. चेहरा सुस्वरूप असतो. चेहऱ्यावर बौद्धिक व सात्विक तेज आढळते. शारीरिक जीवन व रोग प्रतिकारशक्ती बरी असते. सत्वगुणी, नम्न, विनयशील, सदाचारी, बुद्धीमान, विद्याव्यासंगी व सेवावृत्तीचे आढळतात. फारशी व्यसने नसतात. करारी, कर्तबगार व कर्तृत्ववान असतात. देवधर्माची आवड असते., सदाचारी वृत्ती आढळते.

उत्तरा भाद्रपदा स्त्रियांनाही हे नक्षत्र रूप व बुद्धीच्या दृष्टीने अनुकूल आहे. बांधा प्रमाणबद्ध, नीटनेटका असतो. अवयव भरलेले व साधारण फुगीर असतात. चेहरा चौरस व छाप पाडणारा असतो. चेहरा विद्वान, उच्च कुळातला व जरा सुशील दिसतो. गंभीर असला तरी थोडी हास्याची झाक असते. साधारण स्त्रिया बुद्धीवान, हुशार व संसारी असतात. टापटीप, व्यवस्थितपणा, नीटनेटकेपणा व सुबक मांडणीची आवड असते. यांची घरातील वस्तूंची मांडणी आकर्षक असते. त्या बऱ्याच हौशी, रसिक व कलाप्रिय असतात. अगदी भारी नाही तरी किमती व सुंदर वस्त्रांची आवड असते. अधूनमधून वेणी, गजरे व दागिनेही घालतील. पण वागण्यात समतोलपणा व विवेक आढळून येईल. त्या बऱ्याच शिकलेल्याही आढळतात.

उत्तरा भाद्रपदा नक्षत्राखाली येणारा वर्ग बराचसा बुद्धीजीवी, मध्यमवर्गीय असतो. सरकारी कार्यालये, बँका, विमा कंपन्या, न्याय खाते, रेल्वे, पोर्ट, ट्रस्ट, प्रवासी कंपन्या, खाजगी कंपन्यातील हिशोबनीस तसेच ऑडीट खात्यात काम करणारा वर्ग या नक्षत्राखाली येतो. त्याचप्रमाणे वकील, बॅरिस्टर्स, चार्टर्ड अकाउन्ट, सेक्रेटरी, शिक्षक व प्रोफेसर हा वर्गही येतो. खेडेगावातील मध्यम शेतकरी तसेच बातमीदार, प्रकाशक, छपाई खात्यात काम करणारा वर्गही येतो. काही वेळा दलाल व फिरते एजंटही येऊ शकतात.

उत्तरा भाद्रपदा नक्षत्री रवी शरीरप्रकृती व अधिकाराच्या योगाच्या दृष्टीने साधारण असतो. अधिकार मिळतात. कर्तव्य कर्तबगारी येते. तब्येत उत्तम असते.

उत्तरा भाद्रपदा नक्षत्री चंद्र असता सुडौल बांधा, देखणा, आनंदी, प्रसन्न, धनी, कुशल, शोधक, विद्वान, कायदेपंडित, पुराण व शास्त्रे जाणणारा, व्यवस्थित व नीटनेटकेपणे वागणारा असतो.

उत्तरा भाद्रपदा नक्षत्री मंगळाला साधारण फळ आहे. रक्तन्यूनता, रक्तदोष, अशक्तपणा फार असतो.

उत्तरा भाद्रपदा नक्षत्री बुध बुद्धीच्या मानाने साधारण असतो. थोडा अधिर बुद्धीचा, शोधक, उतावळा, विद्या व बुद्धी मध्यम व रोगट असतो.

उत्तरा भाद्रपदा नक्षत्री गुरु असता सशक्त, अंगाने भरलेला, चेहरा सुंदर पण जरा ढिला असतो. उत्तरा भाद्रपदा नक्षत्री शुक्र सुखवस्तुपणाकडे जास्त कल देतो. हौशी, रसिक, लोकप्रिय, शृंगाराची आवड व थोडा बुद्धीमान असतो. रूप व धन यांना बरा ठरतो.

उत्तरा भाद्रपदा नक्षत्री शनीला बुद्धीमत्ता व शिक्षण यांच्या दृष्टीने अनुकूल असते. प्रकृती मध्यम व बरी असते. हे जातक बुद्धीवान, खोलवर विचार करणारे, व्यासंगी, चिकित्सक, चौकस, अभ्यासू असतात.

उत्तरा भाद्रपदा नक्षत्री राहू शरीरप्रकृतीला प्रतिकूल, पण बुद्धीला बरा असतो.

उत्तरा भाद्रपदा नक्षत्री केतु हा आध्यात्मिक, पारमार्थिक, धार्मिक व तत्वज्ञान अशा गोष्टींना उत्तम. पण शरीर बांधा अप्रमानबद्ध व जरा आजारग्रस्त असतो.

उत्तरा भाद्रपदा नक्षत्री हर्षल साधारण असतो. शरीरप्रकृती साधारण व बुद्धी आणि विद्याही मध्यम. या जातकांना नखरेलपणा, चैन, मजा यांची फार आवड आढळते.

उत्तरा भाद्रपदा नक्षत्री नेपच्यूनला बर्यापैकी अनुकूल आहे. शरीरप्रकृती बरी असते. चेहरा देखणा, भव्य पण उदासीनपणाची छटा जास्त असते. अंतर्ज्ञान, अंतःस्फूर्ती, आध्यात्मिक वेद, धार्मिक अध्ययन, तत्त्वज्ञान यांना फारच चांगला. पण समाधान, हर्षितपणा व प्रसन्नता कमी आढळते.

उत्तरा भाद्रपदा नक्षत्री नक्षत्रावर होणारे आजार फारसे दाहक नसले तरी बराच काळ टिकणारे व रेंगाळणारे असतात. थंडी, सर्दी, शीतविकार, हातापायाच्या तळव्यांना मुंग्या व घाम येणे, पोटाचे विकार, अपचन, केतू असता पोटात गॅसेस व वातशूळ होणे. शनी असता शैब्य व थंडी असता रक्तदोष, रक्तन्यूनता, रक्ताशय, राहू असता त्वचेचे रोग यांचा फार त्रास होतो. चंद्र-शनी युती असता दमा, कफ, रक्तदाबाचे विकार यांचा त्रास असतो.

उत्तरा भाद्रपदा नक्षत्री जन्मणाऱ्या जातकांचे हस्ताक्षर मोठे पण वेडेवाकडे, फराटे जास्त असणारे असते. वळण कमी असते. नक्षत्र सुलोचनी असल्याने या नक्षत्रावर वस्तू हरवल्यास ती उत्तरेला गेलेली असते व कितीही प्रयत्न केला तरी सापडत नाही. रत्न गुरूचा पुष्कराज किंवा शनीचा नीलमणी योग्य. या नक्षत्रावर ८ किवा ३ अंकाचे वर्चस्व आढळते.

मुहूर्त शास्त्रात उत्तरा भाद्रपदा नक्षत्र सर्व शुभ कार्याला उत्तम आहे. या नक्षत्रावर घरे व देवळे बांधणे, राज्याभिषेक, नगर प्रवेश, बी पेरणे, नांगरणे, बाग करणे, शांतिकर्म, नवीन वस्त्र धारण करणे, अन्नप्राशन, उष्टावण, विवाह, अग्निहोत्रादी क्रिया, योगमुक्ती स्नान, औषधी वृक्ष लावणे, विहिर खणणे, द्रव्य देणे, ठेवणे. बारसे, नाक टोचणे, विद्यारंभ, घराचा पाया घालणे, खणणे, वधूप्रवेश, शेतकामास आरंभ यांना फारच चांगले.

ज्योतिष मित्र मिलिंद (पुणे)
ज्योतिर्विंदया वाचस्पती
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

प्रभू श्रीराम नामाचा जागर

राम… या नावातच एक मूर्तिमंत चैतन्य आहे. किंबहुना राम हेच एक चैतन्य आहे. पूर्वी लोक एकमेकांना भेटले की, नमस्कार करत व नकळत शब्द फुटत असत “राम राम”. म्हणजे तू ही “राम आणि मी ही राम”. आयुष्यात अनुत्साह भरला की सहज बोललं जाई की, आयुष्यात आता काही राम राहिला नाही. कशाची भीती वाटली तर नकळत राम राम राम राम हा जप सुरु होत असे.

हिंदू संस्कृतीत रामनवमी चा उत्सव मोठ्या दिमाखात साजरा केला जातो. कारण या दिवशी विष्णूचा सातवा अवतार मर्यादापुरुषोत्तम श्रीराम यांचा जन्म झाला. तसेच दरवर्षी विजया दशमीच्या शुभ मुहूर्तावर प्रभू श्रीरामांच्या लंकेवरील विजयाच्या स्मरणार्थ दुष्टाचे प्रतीक असलेले रावणाचे दहन केले जाते आणि दसरा साजरा केला जातो. राम आणि रावण यांच्यात भयंकर युद्ध झाले. हे युद्ध पाहून देव आणि दानव हे सर्व आश्चर्यचकित झाले. सर्वांना माहित आहे की राम शिवभक्त होते. श्रीरामांनी युद्धाच्या अगोदर शिवाची पूजा केली. रामेश्वरम याचा पुरावा आहे. अशा या प्रभू श्रीरामांचे नाव प्रत्येक हिंदुच्या हृदयात वसलेले आहे. आणि याचे अगदी अलीकडच्या काळातील बोलके उदाहरण म्हणजे जेव्हा रामायण ही टि.व्ही. वर मालिका सुरु होताच रस्त्यावर चिटपाखरू सुद्धा दिसायचे नाही. सर्वजन रामायण बघण्यात दंग. अशा या लोकप्रसिद्ध महापराक्रमी, मर्यादापुरुषोत्तम प्रभू श्रीरामांचे ज्योतिष अभ्यासकांनी कुंडली विश्लेषण केले नसते तरच नवल.

प्रभू श्रीरामाच्या प्रचलित कुंडलीनुसार श्री रामाचे कर्क लग्न उदीत असून कर्क चंद्र रास आहे. जन्मकुंडलीत गुरु लग्न स्थानी आहे. ही स्थिती जातकास न्याय्य आणि क्षमाशील बनवते. गुरु लग्न स्थानी चंद्रासमवेत आहे. कर्क राशीतील ज्ञानाचा कारक गुरु उच्च मानला जातो. ही स्थिती जातकास भावनिक आणि विद्वान आणि विवेकी स्वभाव देते. अशा जातकांना सभ्य जीवन जगणे आवडते. प्रभू श्रीरामांतही हे गुण होते. म्हणूनच एक पत्नी मर्यादापुरुषोत्तम व महाविव्दान म्हणून प्रभू श्रीराम प्रसिद्ध आहेत. मंगळ मकर राशीत आहे. ज्योतिषशास्त्रात, मकर राशीत मंगळ उच्च मानला जातो. मंगळ हा सामर्थ्य, शोर्य, निर्भयता, योद्धा याचा कारक ग्रह आहे. सहाजिकच श्रीराम हे पराक्रमी होते. प्रभू श्रीरामांच्या कुंडलीत मंगळ सातव्या म्हणजे वैवाहिक जोडीदाराच्या स्थानात आहे. व १० वे स्थानात मंगळाची मेष राशी आहे. जे लाभ स्थानाचे व्यय स्थान आहे. त्यामुळे सीतेच्या सहवासास पारखा झाला. ज्योतिषशास्त्रात शुक्र हा वैवाहिक सौख्याचा कारक ग्रह मानला जातो. हा शुक्र ९ वे स्थानात गुरुच्या राशीत केतू बरोबर आहे, जो गुरु ६ वे व ९ वे स्थानाचा स्वामी आहे, ९ वे स्थान अनोळखी ठिकाणी प्रवास दाखवतो. ६ वे स्थान शत्रू स्थान असून ७ वे स्थानाचे व्यय स्थान असल्याने. प्रभू श्रीरामांच्या नशीबी वनवासात आला असताना रावणाव्दारे सीतेचे अपहरण व वियोग दिसतो. तसेच ७ वे स्थानाचा स्वामी शनी सुख स्थानात उच्च असूनही ८ या मृत्यू स्थानाचा पण स्वामी असल्याने जोडीदाराचा विरह व दु:ख वाट्यास आले. अशा प्रकारचे विविध विश्लेषण आपल्या ज्योतिष विद्वानांनी केले असेल या बद्दल खात्री आहे.

असे हे प्रभू श्रीराम सूर्य वंशीय होते. सूर्य म्हणजेच साक्षात अग्नी तत्व. मंत्र शास्त्राप्रमाणे “रं” हे अग्नी बीज आहे. या अग्नी बीजाचा जप केला असता अग्नी निर्माण करता येतो. या करता हे बीज सिद्ध करावे लागते. या मंत्राचा प्रभावी वापर करून पूर्वजांनी अनेक शक्ती प्राप्त केल्या. पूर्वीच्या काळी अग्नी अस्त्र या सामर्थ्याने निर्माण केले जायचे. या बीज मंत्राच्या जपाने सूक्ष्म देह शुद्ध होतो. कालांतराने मंत्रातील तेज व शक्ती ग्रहण करण्यासाठी जे मनोबल लागते, ते कमी झाले. माणसे मानसिकरीत्या दुर्बल होऊ लागली. जे लोक खूपच अपवित्र आणि दुष्ट विचारांनी भरलेले असतात, त्यांनी या बीजाक्षराचा जप केला असता त्यांच्या अंगाची आग होऊ लागते. यामुळे तत्कालीन ऋषींनी “रं” या बीजमंत्राला सौम्य करून “राम” या नाममंत्रात रुपांतर केले व राम नामाचा प्रसार होऊन ते सर्वतोमुखी झाले.

अशा ईश्वरी अवतार प्रभू श्रीराम यांच्या जन्मकुंडलीत सूर्य साक्षात कर्म स्थानी मेष राशीत उच्चीचा आहे. तसेच मेष व सूर्याची सिंह ही या धर्म त्रिकोणातील म्हणजेच अग्नी तत्वाच्या राशी आहेत. अशा या प्रभू श्रीरामांचे कर्म धार्मिक व उच्चकोटीचे आहे व त्या तेजस्वी प्रभू  श्रीरामांचे हिंदू संस्कृतीत अनन्य साधारण महत्व आहे. हे सर्व लिहित असताना अजून एक गोष्ट डोक्यात आली ती, म्हणजे जेव्हापासून भा.ज.प. ची स्थापना झाली व भारतभर हिंदुत्वाचा व रामलल्लाचा नारा सगळीकडे दुमदुमू लागला, तेव्हा अग्नीतत्व व धर्म तत्व प्रभावी होणे स्वाभाविक होते. या पक्षाची स्थापना ६ एप्रिल, १९८० रोजी झाली. या पक्षाच्या काळातील तुम्ही घटनांकडे नजर टाकली तर हेच आढळून येईल की, अग्निबाण, क्षेपणास्त्रे, मंगळ यान, सर्जिकल स्ट्राईक, हिंदुत्व, धार्मिकता, अयोध्या राम मंदिर, प्राण प्रतिष्ठा ई. अगदी या आठवड्यातील बातमी म्हणजे सूर्याचे आपण घेतेलेले फोटो अशा अनेक घटना तुम्हाला हेच सुचवतील की अग्नीतत्व प्रभू श्रीरामांच्या कृपेने प्रखर झाले आहे. स्वतंत्र भारताच्या जन्म कुंडलीत जन्म लग्न नक्षत्र व चंद्र नक्षत्र हे सूर्याचेच असून सूर्य पराक्रम स्थानी स्थित आहे. व भारत देश जागतिक राजकारणातील एक प्रभावी व तेजस्वी तारा बनला आहे. उत्सुकता म्हणून भा.ज.प. ची जन्म कुंडली तपासली असता लक्षात आले की, या कुंडलीचे मिथुन लग्न असून कर्म स्थानात सूर्य व पराक्रम स्थानात सिंह रास आहे. मंगळ देखील पराक्रम स्थानात असून मेष रास लाभ स्थानी आहे. व नवांश कुंडलीकडे लक्ष दिले असता. मेष नवांशात राहू व मंगळ आहेत. म्हणजे साक्षात “रा म” अवतरले आहेत. माझ्या बाळबोध बुद्धीने हा अर्थ काढला की, या पक्षाचे हिंदुत्ववादी धोरण, रामाप्रती असलेले प्रेम, राम मंदिर निर्माण त्यांना अग्नितत्वाचे तेज, पराक्रम, प्रखरता बहाल करणार नाही काय. ही तर साक्षात प्रभू श्रीरामांचीच कृपा, ज्या योगे आपला हिंदुस्थान जगात अव्वल असणार आहे.

जय श्रीराम !!!   

ज्योतिष मित्र मिलिंद (पुणे)
ज्योतिष विद्या वाचस्पती, ज्योतिष समुपदेशक
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)