19. काळ्या कुत्र्याला पोळी खाऊ घालणे, पाळणे, त्याची सेवा केल्याने लाभ होईल.
20. घराच्या शेवटी अंधार कोठी शुभ असेल.
21. मास्यांना दाणा किंवा तांदूळ टाकणे लाभदायक असते.
22. तांदूळ किंवा बदाम वाहत्या पाण्यात टाकल्याने लाभ होईल.
23. दारू, मांस, अंडे खाणे अत्यंत सकतीने टाळा.
24. मशिनरी आणि शनी संबंधित अन्य वस्तुंनी लाभ होईल.
25. प्रतिदिन कावळ्याला पोळी खाऊ घाला.
26. दात, नाक, कान नेहमी साफ़ ठेवा
27. आंधळ्या, दिव्यांग, सेवक आणि सफाई कामगारांसोबत चांगला व्यवहार ठेवा.
28. छाया पात्र दान करा म्हणजे एक वाटी किंवा अन्य पात्रात सरसोचे तेल घेऊन आपला चेहरा पाहून शनी मंदिरात आपल्या पापांची क्षमा मागून ठेऊन या.
29.भुऱया रंगाची म्हैस ठेवणे लाभकारी असेल.
30. मजुर, म्हैस आणि माश्यांच्या सेवेने लाभ होईल.
शनिची अनिष्टे निवारणारे अनुभवसिद्ध उपाय-
१) घरात लोखंडी फर्निचर वापरावे. जेवणात काळी मिरी व काळ्या मिठाचा उपयोग करावा.
२) साडेसाती दूर करण्यासाठी रोज जेवणापूर्वी वाढलेल्या ताटातून सर्व पदार्थ थोडे-थोडे बाजूला काढून ते कावळ्याला खावयास द्यावेत.
३) मोहरी व तिळाचे तेल दान करावे.
४) चतुर्थ स्थानी शनि जातकाने रात्री दूध पिऊ नये. ते विषवत होऊन शनिचा त्रास वाढेल. काळ्या सापाला दूध, म्हशीला चारा, मजुरांना जेवण, विहिरीत थोडे दूध टाकावे. ५) सप्तम स्थानी अनिष्ट शनि असून, जातक मद्यपान करीत असेल तर त्यांनी मद्यपान तात्काळ बंद करावे.
६) दर शनिवारी उपवास करावा.
७) शनिवारी दारूहळद घालून त्या पाण्याने अंघोळ करावी.
नमस्कार 🙏 सध्याच्या काळ हा लोकांसाठी फार कष्टदायक व तणावपूर्ण असा आहे. कोविड सारख्या साथी, महागाई, बेरोजगारी अशा गोष्टी सामान्य माणसास अजुन च अस्थिर बनवत आहेत. वैयक्तिक संकटांची यादी तर संपायचे नाव घेत नाही. कोणाचे लग्न ठरत नाही तर कोणाचे लग्न टिकत नाही. कोणाचा व्यवसाय चालत नाही तर कोणाला नोकरी धार्जिन नाही. कोणाला मूल बाळ नाही तर कोणाची मुले परदेशी सेटल झाल्याने वृद्ध आईवडील एकाकी आयुष्य जगत आहेत. अशा अनेक अड़ी अडचणी नैराश्य आणत आहेत व मनातील हितगुज करण्यास कोणाला वेळ उरलेला नाही. जोतो आपली लढाई लढत आहे. अशा वेळी आपला उत्कर्षा चा काळ कधी येईल, आपला प्रश्न केव्हा मार्गी लागेल, वाईट वेळ कधी संपेल हे जाणून घेण्यासाठी पावले आपसुक ज्योतिषा कड़े वा गुरुजींकडे वळतात. पण तेथेही बरेच वेळा ग्रहदोष, कुयोग यांची अनाठायी भीति दाखवून महगाडी रत्न, खर्चिक शांती ई. सांगुन ऊखळ पांढरे केले जाते. आणि या साठीच एक मैत्रीपूर्ण सल्ला व ज्योतिष समुपदेशनासाठी हा एक प्रामाणिक प्रयत्न. जर आमची नाममात्र मूल्य सेवा व वेबसाइट आवडली तर आपला अभिप्राय जरूर येथे नोंदवा, ज्याचा बाकीच्या लोकांना उपयोग होईल.
फार पूर्वी फलज्योतिष हा शब्द प्रचारात नव्हता. ज्योतिष किंवा ज्योति:शास्त्र हा शब्द प्रचारात होता, ज्योति म्हणजे आकाशातील दीप्तीमान गोल. ज्योतिष हा शब्द मुख्यत: खगोलशास्त्र या अर्थाने वापरीत असत. त्याचा उपयोग यज्ञयागादि धर्म-कृत्ये करण्यासाठी चांगला काल कोणता ते ठरवण्यासाठी केला जात असे. त्यात अर्थातच शुभाशुभत्वाचा भाग असे. कालांतराने ज्योति:शास्त्राचे तीन स्कंध होउन त्याना सिद्धांत-स्कंध, संहिता-स्कंध आणि होरा-स्कंध अशी नावे मिळाली. पहिला सिद्धांत-स्कंध पूर्णपणे खगोलगणिताशी संबंधित होता. दुसरा संहिता-स्कंध हा ऋतूमानानुसार नागरी जीवनातील कृत्ये व कर्तव्ये केव्हा म्हणजे कुठल्या नक्षत्रावर व मुहूर्तावर करावीत हे सांगणारा होता. तिसरा होरा-स्कंध हा व्यक्तीच्या आयुष्यातील घटना वर्तवणारा होता, तो म्हणजेच आजचे फलज्योतिष .
ज्योतिष शास्त्राची व्याप्ती आज खुपच वाढत चालली आहे व त्यात तोडगे,यंत्र, मंत्रतंत्र, दैवी उपाय, सिद्धी, उपासना, रत्ने या गोष्टींनी शिरकाव केल्याने व त्याचा आर्थिक फ़ायद्याचे महागडे चक्र अडचणीत असलेल्या जातकाचे डोक्यावर ठेवण्यात आले आहे. तर दुसरीकडे सोपे घरगुती उपाय व तोडगे सांगायला गेले की अंधश्रद्धा चे लेबल चिकटवले जाते.
पण नीट बघितले तर लक्षात येईल की, ग्रहांच्या कारकत्वाचा उदा. देवता, रंग व स्वभाव वैशिष्ट्ये अभ्यास करुन काही पारंपारिक उपाय व तोडगे सांगित्ले जातात. पीडा निवारण, संकट मूक्ती वा सौख्यासाठी याचा वापर करुन पाहण्यास काहीच हरकत नाही. दरवेळी महागडी रत्ने वा खर्चिक शांतीसारखे उपाय करणे गरजेचे नाही. येथे नवग्रहांसाठी वापरण्यात येणारे काही पारंपारिक तोडगे देत आहे. अर्थात त्यात स्थळ, काळानुसार त्यात बदल करण्यास हरकत नाही. त्यामुळे काही नाही तरी सकारात्मक उर्जा नक्की प्राप्त होईल जी तुम्हास बळ देईल.
मानवी शरीर हे रोगांचे माहेरघर आहे व म्हणूनच ते निरोगी कसे राखावे याचा विचार आमच्या पूर्वजांनी (ऋषीमुनींनी) फार पूर्वी केला आहे.
मानवास भौतिक, अधिभौतिक व अध्यात्मिक अशा प्रकारांपासून होणारे त्रासांपासून मुक्ती वा सुटका होण्यासाठी वेगवेगळे उपाय करावे लागतात. आपल्या पूर्वजांनी याचा सखोल विचार करुन मंत्र, तंत्र व यंत्र यासारख्या उपाय योजना केल्या. यात कंपनशास्त्र हा मूळ गाभा आहे व मूळ शिवस्वरोदय शास्त्रा मधे आहे. यात मानवी शरीर, त्यातील प्राणरुपी चैतन्य, पंचमहाभूतांची तत्वे व त्यांचे मानवी शरीरावर होणारे परिणाम याचा सखोल विचार आहे. स्वर म्हणजेच श्री शिवशंकर असून बम्हांड व पिंड या स्वरांमुळेच निर्माण झाले आहे. स्वर आणी श्वास यांचा अतुट संबंध आहे.
शरीरात रोग कधी निर्माण होतो या प्रश्नाचे उत्तर ज्या नाकपुडीतून स्वर ज्यावेळी निघावयास हवा तेव्हा तो तसा त्या नाकपुडीतून न निघणे असे आहे. अशा वेळेस विरुद्ध स्वर वाहू लागतो. तत्त्वांचा क्रम बदलला जातो आणि विपरित स्वर वाहण्यास सुरुवात होते. म्हणून शरीरात रोग उद्भवतो. आपला देह प्राणाच्या सम्यक वहनावर व्यवहार करतो ही महत्त्वाची बाब लक्षात ठेवावयास पाहिजे. म्हणूनच तत्त्वाची वेळ व क्रम यांना जागेवर आणल्यास रोग निवारण होईल. अर्थातच माणसाचे खाणे-पिणे, स्वभाव, वागणूक, मानसिक स्थिती या गोष्टींवरसुद्धा माणसाचे आरोग्य अवलंबून असते.
मानवी देहाची यंत्रणा समजून घेतल्यावर, श्वास जरी कोणत्याही नाकपुडीतून वहात असला तरी त्या श्वासाचे स्पर्शावरून शरीरात कार्यरत असलेली वेगवेगळी तत्त्व ओळखता येतात. ते कसे हे पाहू.
श्वास मधोमध वाहत असेल तर पृथ्वीतत्त्व.
श्वास नाकपुडी तळाशी स्पर्श करत असेल तर आपतत्त्व.
श्वास नाकपुडीचे वरच्या भागास स्पर्श करत असेल तर तेज तत्त्व.
श्वास तिरकस असेल तर वायुतत्त्व व
श्वासाचे संक्रमण होत असेल तर आकाशतत्त्व सुरू आहे असे जाणावे.
प्रत्येक वाहणाऱ्या श्वासाची लांबी वेगवेगळी असते.
पृथ्वीतत्त्व – १२ अंगुळे, आपतत्त्व – १६ अंगुळे, तेजतत्त्व – ४ अंगुळे, वायुतत्त्व – ८ अंगुळे, आकाशतत्त्व अस्पष्ट.
निरोगी माणसाचे एका नाकपुडीतून प्राणवायू अडीच घटका म्हणजे एक तास वाहत असतो व तत्त्वेही क्रमवार पद्धतीने सुरू असतात. पृथ्वीतत्त्व = २० मिनिटे, आपतत्त्व = १६ मिनिटे, तेजतत्त्व = १२ मिनिटे, वायुतत्त्व = ८ मिनिटे, आकाशतत्त्व = ४ मिनिटे. सर्व तत्त्वांच्या वेळेची बेरीज साठ मिनिटे म्हणजेच एक तास होते.
या साठ मिनिटात प्रत्येक तत्त्व हे निर्देशलेल्या आपल्या गतीने वाहत असते. या तत्त्वांचा कालावधी कमी-अधिक झाल्यास मानवाचे आरोग्यास तसेच निरोगपणास बाधा निर्माण झाली आहे असे समजावे.
निरोगी माणसाचे बाबतीत स्वरातील तत्त्व वाहण्याचा क्रम असा आहे. प्रथम आकाशतत्त्व, नंतर वायुतत्त्व, नंतर तेजतत्त्व व आपतत्त्वास धरूनच पृथ्वीतत्त्व. परत आकाशतत्त्व असा क्रम सुरू असतो.
पृथ्वी व आपतत्त्व ही तत्त्वे शुभदायक मानली जातात तर उरलेली तीनही तत्त्वे तेज, वायु व आकाश ही शुभकारक मानली जात नाहीत. सर्वसाधारणपणे नीट विचार केल्यास एका तासात फक्त दोनच तत्त्वांचे उदय हे शुभफलदायक असून बाकीचे अशुभ फल देणारे आहेत. यातूनच या शास्त्राचे महत्त्व लक्षात येईल.
वरील सर्व गोष्टी लक्षात घेऊन आपल्या पूर्वजांनी कोणत्या राशीत चंद्र असताना कोणते तत्त्व कार्यरत असावयास पाहिजे ते शोधले त्याबद्दल माहिती खालीलप्रमाणे
‘ल’ या बीजाक्षरात रोग्यास निरोगी बनवण्याची शक्ती आहे. या बीजाचा जप केल्यावर पृथ्वीतत्त्व उदय पावते.
आपतत्त्व ( जल तत्व ) : कर्क, वृश्चिक, मकर रास
बीजाक्षर : वं
‘वं’ या बीजाक्षरात चित्ताची एकाग्रता वाढवण्याची शक्ती आहे.
तेजतत्त्व (अग्नी तत्व ) : मेष, सिंह, धनु रास
बीजाक्षर : रं
‘ रं ‘ हे बीजाक्षर तेजतत्त्वाचे असून अग्नीमांद्य असलेल्या रोग्याने सूर्यस्वरात रं बीजाची आराधना केल्यास त्या व्यक्तीस सपाटून भूक लागते.
वायुतत्त्व : मिथुन, तुळ, कुंभ रास
बीजाक्षर : यं
‘यं’ बीज वायुतत्त्वाचे असून त्यामुळे नाकाचे तसेच बरेचसे वायुविकारांपासून सुटका होते.
आकाशतत्त्व : राशी नाहीत
बीजाक्षर : हं
प्रत्येक बीजाचा उच्चार करताना त्यापासून निर्माण होणारी कंपने ही वेगवेगळ्या वारंवारतेची असतात व त्याचा परिणाम मानवी आरोग्यावर होत असतो.
अशाप्रकारे विविध बीजाक्षरांचा उपयोग रोग निवारणासाठी आमच्या पूर्वजांनी सांगितला आहे.
ॐकार व बीजाक्षर साधना :
आपले शरीर व जीवन वायूवर अवलंबून आहे. आपण शुद्ध हवा आत घेतो व उच्छ्वासावाटे शरीरातील वायू बाहेर टाकतो. त्यामुळे शरीरातील क्रिया व्यवस्थित चालतात. आपल्या शरीरात अनेक प्रकारचे वायू निरनिराळ्या ठिकाणी उपस्थित असतात. शरीरातले अनेक दोषही वायुरूपाने असू शकतात. हे दोष बाहेर काढून शरीर स्वच्छ, शुद्ध कसे ठेवावे व मनःशांती लाभून आनंदाचा उदय होतो. ह्यासाठी ही साधना सांगत आहोत. ( मात्र अखंडत्व राखता आले पाहिजे.)
ॐकार व बीजाक्षर साधना करताना प्राणायाम आपोआपच केला जातो. ही क्रिया व्यवस्थित व नैसर्गिकरीत्या करावयास पाहिजे. त्यात कृत्रिमपणा व आततायीपणा नको. शरीरात काही दोष असे असतात की जे अन्य कोणत्याही औषधाने दूर करता येत नाहीत; ते दोष, ही साधना योग्य प्रकारे व व्यवस्थित चालू असेल, तर दूर होऊ शकतात.
सुरुवातीला पाच मिनिटे जरी साधना केली तरी चालते. नंतर हळूहळू वाढवायला हरकत नाही. श्वास घेताना व श्वास बाहेर सोडताना ध्वनी निर्माण होतो ह्याकडे जाणीवपूर्वक व बारकाईने लक्ष द्यावे.
ॐ श्वास आत घेताना व आपले राशिचे बीजाक्षर श्वास बाहेर सोडताना स्मरावे. ही उपासना हळूहळू वाढवीत एक तासापर्यंत न्यावी. आज एक तास, उद्या अर्धा तास असे बदल कधीही करू नयेत. त्यात खंड पडू देऊ नये. ह्या साधनेचा आपल्या आहारावर परिणाम होतो. कमी आहारावर तृप्ती होते.
ॐकार व बीजाक्षर च्या लहरी एकसारख्या निघाल्या पाहिजेत. त्यातील लयबद्धतेने ध्वनिकंपने निर्माण होऊन त्याचा सुयोग्य परिणाम होतो. उपासनेनंतर शरीर हलके वाटते; तरतरी वाटते, मनाला शांतता व स्वस्थता लाभते. ही साधना करणान्याला हृदयविकार, मेंदूचा विकार, दम्याचा विकार व पोटाचा विकार होणार नाही. काही लोकांना विनाकारण कसली तरी भीती वाटत असते. भीती कशाची आहे ते नक्की सांगता येत नाही; पण या साधनेमुळे भीती निघून जाते व मनात धैर्य निर्माण होते. आपले प्रयत्न जर योग्य दिशेने झाले तर थोडा तरी अनुभव यायलाच हवा.
शुभं भवतु !
-ज्योतिषमित्र मिलिंद
ज्योतिष सल्ला व मार्गदर्शन साठी संपर्क : (७०५८११५९४७)
मीन ही राशी चक्रातील १२ वी राशी असून गुरु हा स्वामी आहे. या राशीमधे पूर्वा भाद्रपदाचा ४ था चरण, उत्तरा भाद्रपदा आणि रेवती ही नक्षत्रे येतात. ही जल, थंड, व्दिस्वभाव, स्त्री, फ़लित, अभौतिक, भाऊक, व्दिपद, लघु उदीत राशी आहे. ही राशी द्याळू, मोक्षदायी, धर्मदायी, स्वर्गदायी व दानाची राशी पण म्ह्टली जाते.
या राशीत शुक्र उच्च व बुध नीच असतो. शनी निर्बळी नसून उलट शुभ असतो. सूर्य, मंगळ, चंद्राची मित्र राशी आहे. माझ्या मता प्रमाणे चंद्र या राशीचा पूर्ण लाभ घेऊ शकतो कारण भाग्येश चंद्र मीन मधे असेल तर नवपंचम योग होईल. मंगळ आपली राशी मेष चे फ़ळ कमजोर देईल कारण मेषेपासून मीन मधे मंगळ आपल्या व्ययस्थानी असेल. सिंह पासून रवी मीनमधे अष्ट्म स्थानी असलेने फ़ळ कमजोर करेल. हिंदू विव्दानांनी सांगितले आहे की गुरु शुक्र शत्रू आहेत. त्याचे तात्पर्य हेच की गुरु जातक व शुक्र जातकाचे गुण विभिन्न असतात. त्यांचे विचार, कार्य, राहणी, मित्र, समाज ई. सारखे नसतात. गुरु व शुक्रास अक्षरश: शत्रू मानावयास नको. गुरु जातक अध्यात्मिक जीवनाकडे वळवेल. तर शुक्र जातक आपल्या पशू प्रवृत्तींना संतुष्ट करतो. या जगातील प्राप्त भौतिक सुखाचा आनंद प्राप्त करण्याचा प्रयत्न करतो.
मीन राशीचे दुसरे स्वामीत्व नेपच्यून ला बहाल केले आहे. नेपच्युन ला समुद्र देवता मानतात, मीन १२ वी राशी असल्याने समुद्र पार विदेशी स्थानामधे जीवनक्रम दाखवते.
1. शारिरिक आकृती- मीन राशीचे लोक उंचीला कमी असतात. त्यांचे वजन बरे असते. हात व पाय लहान असतील. खांदे मांसल व गोलाकार असतील. डोके मोठे व पुढे आलेले असेल. केस नरम व रेशमी असतील.
2. विशेषता- मीन राशी जलराशी व गुरु स्वामी असल्याने दर्शन शास्त्र व प्रजनन दर्शवते. हे जातक दार्शनिक, आरामहीन, स्वप्नाळू, चिंतक, कल्पनाशील, रसिक असेल. जातक इमानदार, स्पष्टवक्ता, मदतगार व मानवीय असेल.
ही व्दिस्वभाव राशी आहे. तो कोणाच्या कष्टाचे कारण होणार नाही, पण कोणी बोलावले तर तत्काळ मदतीस धावून जाईल. मीन जातक शत्रूना शांत करु शकतो. त्याच्याशी नम्रतेने व्यवहार करेल व माफ़ करेल. तो दंभहीन असेल व अत्याधिक उदारता व अती दानशूरपणामुळे अधिक संचय करु शकत नाही. तो कमी महत्वाकांक्षी असू शकतो. अहिंसावादी असतो. कोणासही नुकसान करण्याचा विचार करत नाही. मीन जातक पैशापेक्षा आदर, आत्मसंमान या गोष्टींना जास्त प्राधान्य देतो. तर काही मीन जातक स्वत: इतरांना डोकेदुखी असते. त्यांचा स्वभावात एक प्रकारचा विक्षिप्तपणा असतो व कधी कधी हट्टी स्वभाव डोकावतो. एरवी स्वभावाने मृदू व समाजाकडे ओढा असतो.
स्त्री राशी असल्याने नवनवे विचार व आवडी निवडीकडे ओढा असतो. नम्र व सुशील असतो. शुक्र याराशीमधे उच्च असल्याने त्यास कवी, संगीत क्षेत्र, चित्रकार, मेक अप आर्टिस्ट, ई संबंधित क्षेत्रात असू शकतो. लोकांचे दु:ख कमी करण्यासाठी काम करु शकतो.
व्दिस्वभाव व स्त्री राशि असल्याने त्यांचे विचारात सान्निध्यात येणारे लोकांचा प्रभावाने बदल होत राहतील. मीन जातकाच्या चरित्राशी तुलना करणे अवघड आहे.
राशी चक्रातील १२ वी राशि असल्याने रहस्यमय शास्त्र अथवा अध्यात्मिक जीवनाचा मार्ग असेल. तो घाबरट नसेल पण आत्मविश्वास कमी असेल. तो समुद्र सफ़रीची ईच्छा करेल. विदेशामधे भ्रमण करेल.
व्द्तीयेश मंगळ त्याला दशे अंतर्दशेत वायफ़ळ खर्च करायला लावतो, जास्त कमाई व जास्त खर्च असे समिकरण असते. तो स्पष्टवक्ता व निर्भय असू शकतो. शुक्र ३ रे स्थानाचे अधिपती असल्याने शेजारी चांगले मिळतात व उदारता व सहाय्यता मुळे अनेक मित्र जोडले जातात. बुध हे दर्शवतो की तो अध्ययनशील असून विचार बदलत राहतो. चंद्र त्याला स्वप्नील व कल्पनाशील बनवतो. सूर्य संक्रमक रोग व निराशा दाखवतो. मीन जातक आपल्या सर्व मित्रांवर विश्वास ठेवतो व चांगले व वाईट दोन्ही प्रकारचे लोक असतात याची जाणीव फ़ार उशिरा होते.
3. कमजोरी- अनेक भावनांचा गुंता कमी करावा व कमी काळजी करावी. स्वत:ला कमी लेखू नका, आत्मविश्वासाने पुढे जाण्याची वृत्ती जोपासा. उदार बना पण डोळे उघडे ठेवून. इतरांच्या आश्वासनाला भूलू नका. नेहमी मनन, चिंतन, स्वप्न यात रमू नका.
4. धन व संपत्ती- २ रे, ६ वे, १० वे स्थान हे अर्थ त्रिकोण दाखवते, ज्याचे स्वामी मंगळ, रवी व गुरु आहेत. नीट निरखून पाहिले तर तुम्हास असे लक्षात येईल की कालपुरुषाच्या १ ल्या, ५ व्या व ९ व्या स्थानाचा म्हणजेच धर्म त्रिकोणाचे स्वामी हे तेच आहेत. त्यामुळे यांचा मूळ स्वभावधर्म हा सेवा हाच आहे. त्यांचे मूलत: जीवनाचे ध्येय व आकांक्षा हेच सांगते की त्या लोकांची सहाय्यता करा स्वास्थ्य, धन, द्न्यान याची आवश्यकता असेल त्यांना सहाय्य करणे. यांचे करता उत्तम व्यवसाय हा नोकरी असतो. हे आपले कर्म ईमानदारीने व सेवाभावी वृत्तीने करतात व कमाई करतात व उदारताही दाखवतात वा अव्यवहारी खर्च ही करतात. मीन जातक वृद्धावस्थामधे आपल्या मुलांवर अवलंबून रहायला नको या विचाराचे असतात व त्या व्यवस्थेसाठी ते नेहमी सतर्क राहतात व भविष्यकालीन गुंतवणूक करु ईच्छितात. राशी स्वामी गुरु असल्याने त्यांचे धन उपयोगी व सुरक्षित राहते जरी कोणास गुरु उप दशेत उधार दिले तरीही. पण शनी मित्र जातक वा अंतर्दशेत ते मित्र तोपर्यंत गोड राहतात जोपर्यंत त्यांना मीन जातकाचा लाभ होत असतो व नंतर त्यास त्रस्त, बदनाम व धनहीन करतात.
5. नोकरी व्यवसाय- राशी चक्राची १२ वी राशी असल्याने यांना अशा नोकरी व्यवसायात आनंद मिळतो ज्यामधे दूरर्दृष्टी, विस्तृत कार्य, सहाय्यतेची आवश्यकता असते. त्यामुळे स्वास्थ्य, परिचाल, अन्न व्यवसाय, कल्याणकारी, कार्यकर्ता, शिक्षक, अकाऊन्टंट, बैकर ई. संबंधित नोकरी व्यवसाय करु शकतात.
५ वे स्थानावर ज्याचा स्वामी चंद्राची शुभ दृष्टी असेल तर जलसेना, जहाज, बंदर, पोर्ट, कस्टम, दारु, पेय, तेल, तरल पदार्थ, केमिकल्स, मत्सोद्द्योग, ई संबंधित नोकरी व्यवसाय करु शकतो. शुक्राचे उच्चत्व जातक संगीत, सिनेमा, गुप्त शास्त्र विभाग, संगीतकार, कवी, अभिनेता, वेशभूषा, शृंगार, स्त्रीविषयक ई नोकरी व्यवसाय उत्पन्न करतो.
गुरु लग्नेश व दशमेश असल्याने हे दर्शवतो की ते मंत्री वा चिकित्सकाच्या रुपाने, शिक्षक, मंदीर, चर्च, ट्रस्ट, मठ, दवाखाना, आश्रम, वित्त, स्वास्थ्य ई नोकरी व्यवसायात चांगली सफ़लता प्राप्त करु शकतो.
६ वे स्थानाचा स्वामी सूर्य शुभ दृष्टीने शासकीय विभागामधे कायम नोकरी प्राप्त करु शकतो.
२ रे व ९ वे स्थानाचा स्वामी मंगळ शुभ दृष्टीने दूर संचार, सेना, कस्टम, पोर्ट, ट्रस्ट, तेल, राजनीती, दार्शनिक ई संबंधित नोकरी व्यवसाय करु शकतो.
6. आरोग्य- जल राशी असल्याने तरल पदार्थांची आवड असू शकते. कन्या राशीच्या विपरीत असल्याने गैस ट्र्बल असेल. १२ वे स्थान छोटे पाय दर्शवतात त्यामुळे तळवे व पायाचे दोष त्रास देऊ शकतात.
१२ वी व जल राशी असल्याने एखादी शिर सूजणे व शिर चढणे, वाकडी होणे असा त्रास होऊ शकतो. मीन मधे सूर्य असेल तर पायामधे घाम येणे, थंडपणा आतडीचा त्रास, रक्ताची कमतरता, टायफ़ॊईड ई त्रास होऊ शकतो.
चंद्र दारू वा तरल पदार्थ, पचन संस्था ई. मंगळ पायामधे फ़्रैक्चर, वाकडेपणा, आतड्यामधे उष्णता, हार्निया, बुध नसांमधे खराबी, मुकेपणा, क्षयरोग, गुरु पायामधे सूज, घाम येणे, लिव्हर वाढणे, पोटामधे गोळे, आतड्यांची शिथीलता, शुक्र वातरोग, आतड्यात गाठ, शनी गुठळ्या, पायामधे बाक, क्षय, जलोदर ई आजार दर्शवतात.
7. मित्र व परिवार- मीन जातक सामान्यपणे अनेक मित्रांचे स्वागत करतात, त्यांचे मनोरंजन करण्यासाठी नव्हे तर त्यांनी त्याचे दु:खाचे रडगाने मनापासुन एइकावे, द्या दाखवावी, मानसिक शांती व धीर द्यावा यासाठी. ते आपल्या मुलांना उच्च शिक्षण देण्याची ईच्छा ठेवतात. शिकलेली नसेल तर पत्नीलाही शिक्षित होण्यासाठी प्रोत्साहित करतील. त्यांना आनंदी पारिवारिक जीवन आवडते. व घरात सर्वांवर माया करतात. पंचमेश चंद्र असल्याने प्रत्येक सुदर चेह्ररा पाहून उत्तेजित होऊ शक्तात व कल्पनेत रमतात. पण हे जातकांची प्रवृत्ती चांगली असते. स्वभावाने द्यळु व सहायक सिद्ध होतात. मित्र भरपूर असतात पण काही जण यांचा उपयोग करुन घेतात. मीन जातक आपल्य व्यक्तिगत समस्या विसरुन त्याग करण्यास तयार असतात. जेव्हा त्यांचे मित्र अडचणीत असतात तेव्हा त्यांना दु:ख होते व मित्र आनंदी तर हे आनंदी.
8. प्रेम- मीन जातक आपल्या जोडीदाराची सुंदरता, बुद्धिमत्ता, कार्यकुशलता, ललित कला यांस प्राधान्य देतात. ते संकुचित वृत्तीची व्यक्ती पसंत करत नाही पण हे विसरतात की हाच त्यांचा स्वभाव त्यांना तिरस्कारी बनवतात व त्यांचेकडे शंकीत दृष्टीने पाहिले जाऊ शकते व हळूहळू प्रेम भावना कमी होऊ लागते. जोडीदाराची प्रवृत्ती त्याने समजून घ्यावयास हवी, जोडीदारास प्रेमाचा विश्वास दिला पाहीजे व प्रसंगी प्रसंसा ही केली पाहिजे.
मीन जातक नेहमी प्रेमाचे बाबतीत स्वप्नाळू असतील व स्वप्नील वागण्यासाठी अधीर असतील. त्यांनी असा जोडीदार निवडू नये जो जो स्वतंत्र व अती वास्तववादी असेल. प्रेमातील शंका हे नुकसान करु शकते.
व्दिस्वभाव राशी असल्याने काही प्रसंगी प्रेमात अगदी निरस व्यवहार करतील. व असंतुष्ट ही राहतील. व इतर वेळी प्रेमळ, रसिक, प्रशंसक राहतील. कोणी कोणी प्रेमाचा जर दिखावा करत असेल तर जेवढे द्याळू, प्रेमळ तेवढेच कठोर होऊ शकतात. लहरी वागू शकतात.
9. वैवाहिक- २ रे, ७ वे, ११ वे स्थान विवाह जोडीदार दर्शवते ज्यांचा स्वामी मंगळ, बुध व शनी आहे.
जर मंगळ बलवान कारक ग्रह असेल व जोडीदार दृढ, बहादूर व स्वतंत्र असेल व जर मीन जातक त्याचेशी वाईट व्यवहार करेल तर तो कधी त्यास अनुकूल होऊ शकणार नाही. जर शुक्र व शनीची वाईट दृष्टी असेल तर वैवाहिक आयुष्य अल्प असेल. अशा व ईतर घटकांमुळे घटस्फ़ोट ची शक्यता अथवा एकाच घरात स्वतंत्र राहण्याची शक्यता राहते. ( जाणकार ज्योतिषाचे मार्गदर्शन घेऊन मग च याबाबतीत निर्णय घ्यावा )
जर बुध बलवान कारक ग्रह असेल तर जोडीदार विश्वसनीय व चतुर असेल. व चतुराईने जोडीदारास हाताळेल. जर जोडीदार नाराज असेल तर गप्प बसेल व जर आनंदी असेल तर त्यास अलिंगण देऊन त्यास अनुमोदन देईल.
कन्या व कर्क जातक जोडीदार मीन जातकाबरोबर सुख वैवाहिक आयुष्य उपभोगू शकतात.
जर शनी बलवान कारक ग्रह असेल तर मीन जातकास सावध व सतर्क रहावयास हवे. व स्वत: च्या व्यवहारामधे थोडी सुधारणा करावी लागेल. अन्यथा मीन जातकाच्या चांगल्या वेळी चांगली सोबत करतील व परिस्थिती पालटताच वाईट परिस्थितीत त्यांचे वागणे, बोलणे, ढंग एकदम बदलून जाईल. (शनी ११ वे व १२ वे दोन्ही स्थानांचा अधिपती आहे. जाणकार ज्योतिषाचे मार्गदर्शन घेऊन मग च याबाबतीत निर्णय घ्यावा) ही काळजी व्यावसायिक जोडीदार व मित्र यांचेबाबतीत सुद्धा घ्यावी.
10. संतती- मीन चा स्वामी गुरु हा शुक्राच्या, गुरुच्या व चंद्राच्या राशीत उच्च असतो. संतान दर्शक ५ वे स्थानात चंद्राची कर्क राशी येते. त्यामुळे मीन जातक आपल्या मुलांवर प्रकट प्रेम करतात व त्यांना मुलांचे प्रेम पण प्राप्त होते. मीन जातक आपल्या मुलांचे बाबतीत कठोर होऊ शकत नाहीत आनि तसे मृदू राहीले तरच चांगली फ़ळे प्राप्त करतात. मुलांना परीक्षेत चांगले गुण नाही मिळाले पण खेळात अग्रेसर आहेत तर त्यांना समजून सांगता येते पण जर भीती आणि धमकाऊन सांगाल तर मुले बंडखोर व उर्मट वागतील. मुले सामान्यपणे बुद्धिमान असतात व आयुष्यात सफ़ल होतात, काही जण कलाकार असू शकतात.
11. भाग्य दिवस- गुरुवार, मंगळवार, रविवार शुभ दिवस आहेत. सोमवार व शनिवार व्यग्र ठेवतात व नुकसान करतात. बुधवार व शुक्रवार अशुभ आहेत पण जोडीदारास वा विरोध करण्याकरता लाभप्रद आहेत. व्यवसाय व प्रसिद्धीकरता गुरुवार निवडा. मंगळवार आर्थिक स्थिती, उच्च शिक्षण अथवा प्रवासासाठी शुभ आहे. स्पर्धा, ओव्हरड्राफ़्ट साठी रविवार चांगला आहे. सोमवार, बुधवार, शुक्रवार जोडीदारासाठी वस्तू खरेदीस चांगला. सोमावारी वाद, भांडण अथवा राजीनामा साठी अनुकुल.
12. भाग्य रंग- लाल, पिवळा, गुलाबी, नारिंगी शुभ रंग आहेत. निळा अशुभ असतो. पांढरा, क्रीम, हिरवा जोडीदारासाठी शुभ असतो. मीन जातकाने याचा उपयोग करु नये.
कुंभ ही राशी चक्राची ११ वी राशी आहे. कुंभ राशीमधे धनिष्ठा नक्षत्राचा उत्तरार्ध, शततारका, पूर्वा भाद्रपदाचा १, २, ३ चरण ही नक्षत्रे येतात. या राशीचा स्वामी शनी आहे.
कुंभ रास ही वायू, आर्द्र, स्थिर, सकारात्मक, मानवीय, स्वर, पुरुष व लघु उदीत राशी आहे.
कुंभ राशीमधे कोणताही ग्रह उच्च वा नीच नसतो. बुध व शुक्राची ही मित्र राशी आहे. सूर्य, चंद्र, मंगळ, गुरु यांची शत्रू राशी आहे.
1. शारिरिक आकृती- कुंभ मधे जन्मलेले लोक उंच व भरलेल्या शरीराचे असू शकतात. मजबूत बांधा व चेहरा अंडाकार असतो. सुंदर बांधा, सुंदर चेहरा असेल. दात खराब असू शकतात. केस भुरकट असू शकतात. जांघेमधे मस अथवा घावाचे चिन्ह असू वा होऊ शकते.
2. विशेषता- वायु राशी असल्याने कुंभ जातक बुद्धिमान असतील. कोणी त्यांची खुशामत करुन अथवा उल्लू बनवून त्यांचे काम साधू शकत नाही. ते इतरांचा स्वभाव वा प्रकृती ओळखू शकतात. वायू राशिचा स्वामी शनी हे दर्शवतो की ते प्रत्येक गोष्टीचे गुण अवगुणांचा बारकाईने निवांत विचार करतात. नवेनवे विचार हळू हळु ग्रहन करुन आत्मसात करतात. त्यांची स्मरण शक्ती उत्तम असते.
राशी चक्रातील ११ वी राशी असल्याने विस्तृत विचारधारा असणारे असतात. मानवीय दृष्टिकोण, स्पष्टवादी, नि:स्वार्थी असतात. ते सामजिक देखील असऊ शकतात. मित्रांचा एकोपा जपण्याचा प्रयत्न करतात. भावी काळात बाधक, हानीकारक, अडथळा आणणार्या गोष्टींना शिताफ़ीने दूर करतात. निंदकांपासून २ हात लांब राहणे पसंत करतात.
युरेनस ला कुंभ राशीचा दुसरा स्वामी समजत असल्याने जातक चतुर, स्पष्ट्वक्ता, बुद्धिमान, पाय जमिनीवर असणारा असू शकतो. समाजाचा विकास व स्तर उंचावण्यासाठी प्रय्त्न करणारा, नवे विचार, नवे रस्ते, अडचणींवर उपाय, विकसित साधने ई बाबतीत अग्रेसर असतात. त्यांचे स्वता:चे असे विचार असतात, स्वत:चे पक्के नियम असतात, ते लोकांचे अनुकरण करत नाहीत, त्यांचा ढंग, कपडे, राहणीमान स्व्त: ला आवडेल असे राहते. ते नेहमी काही सिद्धांतावर जोर देतात. ठरवलेले काम करण्यावर ठाम असतात. संशोधन कार्य करण्यास योग्य असतात व दीर्घ काळ काम करुन सफ़लता प्राप्त करतात. ते आपल्या आवडी निवडीवर ठाम असतात. ते चांगल्या मित्रांकरता काहीही करण्यास मागेपुढे पाहणार नाहीत. पण एखादी गोष्ट त्यांना पटत नसेल तर कोणीही त्यांचे मन वळवू शकणार नाही. ते हट्टी असतात पण मूर्ख नसतात.
काम कामत्रिकोणातील पारमार्थीक साधनांची व आत्मानंद मिळवणारी ही राशी आहे. काम म्हणजे कामना वा इच्छा. ते भौतिक विषय शिकण्याची इच्छा ठेवतात व अंतर्द्न्यान व प्रेरणांचा विकास करतात. ते एकांत, गहन ध्यान, उत्तम एकाग्रता पसंत करतात. उपवास तप ई करु शकतात. जर त्यांच्या मनात जगापासून वेगळे रहायचा विचार आला तर सर्व त्यागुण सन्यासी बनू शकतात. ते इतरांना सल्ले उपदेश देत न बसता स्वत: कृती करतात. ते समाजशास्त्राला शास्त्रीय दृष्टिकोणातून पाहतात.
गुरु कुटुंब व धन स्थानाचा व लाभ स्थानाचा २ व ११ चा स्वामी असल्याने जातकास उत्तम परिवार व समाधानकारक आर्थिक स्थिती प्रदान करतो.
३ रे व १० वे स्थानाचा स्वामी मंगळ अध्ययन कढे ओढा, संशोधन करण्यामधे दृढ व साहसी असल्याने व शेवटी सफ़लता प्राप्त होत असल्याने नाव, सन्मान, प्रसिद्धी प्राप्त करतो.
४ थे व ९ वे स्थानाचा स्वामी शुक्र असल्याने आई वडीलांचा भक्त असतो. चांगले शिक्षण प्राप्त करतो. ते संशोधन, समुद्र यात्रा ई करतात.
संसारामधे सुख्प्राप्ती साठी गुरु २ ११ चा स्वामी व शुक्र ४ ९ चा स्वामी व धनू या गुरुच्या राशी मधे पुर्वाषाढा या नक्षत्रामधे एखादा ग्रह आसेल तर त्या ग्रहाच्या दशा अंतर्दशेत तो भाग्यशाली ठरेल.
बुध ८वे स्थानाचा व च्ंद्र ६ वे स्थानाचा स्वामी असल्याने हे दर्शवतो की कुंभ जातक नेहमी विचारांचा भुकेला असतो व नेहमी मनन, ध्यान, योजनांमधे गुंतलेला असतो. व पीडीत असेल तर उदास, खिन्न, निराश व एकलकोंडा राहू शकतो.
3. कमजोरी- लग्न वा लग्नेश शनी जर पापग्रहांनी पीडीत असेल तर जातक आळशी व सुस्त असेल, त्याला एकलकोंडा राहण्याची सवय मोडायला हवी. निराशा, दु:ख व खिन्नता झटकून अग्रस्थानी व सतर्क रहावयास हवे. जी गोष्ट वा व्यक्ती पसंत नाही त्याविषयी चा कठोर रवैय्या सोडायला हवा.
4. धन व संपत्ती- सामान्यपणे कुंभ जातक महान अविष्कार, व अनुसंधानव्दारे धन कमवतात. ते केलेल्या कामाच्या त्वरीत धन्प्राप्तीमधे विशवास ठेवत नाहीत. ते पुष्कळ काळापर्यंत प्रतिक्षा करु शकतात. धैर्यपूर्वक काम करतात. व काही विकास कामांनंतर वा नवीन उपलब्धीनंतर आपली योग्यता वा गुणांआधारे धन अर्जित करतात. ते कधी मान मतराब शोधण्यास जात नाही उलट मान त्यांना शोधत येतो. त्यांचे विचाराने धन व संपत्ती सांसारिक गरजांसाठी असते. ते मितव्ययी असतात, ना फ़ार उदार ना फ़ार खर्चिक. त्यांचे मधे गुण व महत्वाकांक्षा असते व धन कमवण्यात भाग्यशाली व भाग्यहीन दोन्ही असतात. ते त्यांच्या विचारांच्या ठामपणावर अवलंबून असते.
5. नोकरी व्यवसाय- सामान्यपणे कुंभ जातक महान अविष्कार, व अनुसंधानव्दारे धन कमवतात. ते केलेल्या कामाच्या त्वरीत धन्प्राप्तीमधे विशवास ठेवत नाहीत. ते पुष्कळ काळापर्यंत प्रतिक्षा करु शकतात. धैर्यपूर्वक काम करतात. व काही विकास कामांनंतर वा नवीन उपलब्धीनंतर आपली योग्यता वा गुणांआधारे धन अर्जित करतात. ते कधी मान मतराब शोधण्यास जात नाही उलट मान त्यांना शोधत येतो. त्यांचे विचाराने धन व संपत्ती सांसारिक गरजांसाठी असते. ते मितव्ययी असतात, ना फ़ार उदार ना फ़ार खर्चिक. त्यांचे मधे गुण व महत्वाकांक्षा असते व धन कमवण्यात भाग्यशाली व भाग्यहीन दोन्ही असतात. ते त्यांच्या विचारांच्या ठामपणावर अवलंबून असते.
गुरु २ रे स्थानाचा स्वामी असल्याने शास्त्रीय, प्रशासकीय, वा कंपनीमधे उच्च पदावर असू शकतो. एक व्याख्याता, सायकॊलॊजिस्ट, समुपदेशक, ज्योतिषी, कायदा, वित्त, शिक्षण, धार्मिक संस्था, खनिज पदार्थ, जहाज, निर्यात या संबंधी नोकरी व्यवसाय करु शकतो.
चंद्र ६ वे स्थानाचा स्वामी असल्याने जातक चिकित्सक, सामाजिक सेवक, जहाज, समुद्र यात्रा, पंप सेट, तरल पदार्थ ई संबंधित नोकरी व्यवसाय करु शकतो.
मंगळ १० वे स्थानाचा स्वामी असल्याने जातक धातू, विमा, केमिकल्स, यांत्रिक, बांधकाम, कच्चे खनिज पदार्थ, वीट भट्टी, बॊयलर, सिमेंट, सर्व्हेयर, शल्य चिकित्सक, पोस्ट मार्टम, हत्यारा, कसाई, न्हावी, शीसे, तांबे, स्टील, गुप्तचर संस्था, ई संबंधित नोकरी व्यवसाय करु शकतो.
शुक्र १० वे स्थानावर शुभ दृष्टीने पहात असेल तर जातक एक कवी, चित्रकार, संगीत क्षेत्र, हैंड बैग ई संबंधित नोकरी व्यवसाय असू शकतो.
6. आरोग्य- कुंभ राशी सुर्य़ाच्या विपरीत राशी असल्याने कुंभ जातक संक्रमक रोगाने ग्रासित असतात. जर साधारणपणे अति परिश्रमाने थकवा जाणवेल तर वैद्यकिय सल्ला घ्यावा. हृदय प्रभावित होऊ शकते. दात दुखणे, टॊन्स्लिल्स, देखील कष्टाचे कारण होऊ शकते. शनी थंड ग्रह व कुंभ वायू राशी असल्याने त्यांचा रक्त प्रवाह कमी असतो. त्यांना हिवाळ्यात जड जाते. खरचटले व घाव लागला तर ताबडतोब मलम पट्टी करावी. डासांचा प्रादुर्भाव जास्त असेल अशा ठिकाणी थांबणे टाळावे. काही त्रास झाल्यास योग्य आराम करावा. वाढलेल्या वा फ़ुगलेल्या शिरा चा वेळीच उपाय करावा. गाठी, रक्तदाब, पायावर सूज, पीडीत शुक्र चामड्याचे रोग, नेत्रपीडा, पीडीत चंद्रामुळे जलोदर, धनिष्ठा नक्षत्रामधे स्थित ग्रह उच्चताप, मलेरिया, फ़िलेशिया, उच्च रक्तदाब, फ़्रैक्चर दर्शवतो.
शततारका मधे स्थित ग्रह जातकास अधिक वैठकीच्या अभ्यासामुळे कमजोर पचनक्रिया बनवतो. रक्तदाब, निद्रानाश, देतो. पूर्वा भाद्रपदामधे स्थित ग्रह जलोदर, स्कीन चे रोग, फ़ोड ई दर्शवतो.
स्थिर राशी असल्याने ९ वे स्थान बाधक स्थान असते. शुक्र ९ वे स्थानाचा स्वामी असल्याने तसेच केंद्राधिपती पन असल्याने आयुष्यावर प्रभाव टाकतो. तसेच २ रे व ७ वे स्थानांचे स्वामी गुरु व सुर्य आहे, ६ वे स्थानाचा अधिपती चंद्र आहे व बुध अष्टमेष आहे. हे सर्व ग्रह त्यांच्या दशा अम्तर्दशांमधे आरोग्यास नुकसानकारक सिद्ध होतात.
चंद्र षष्ठेश असल्याने सामान्य रोग दाखवतो जे उपचारांनी बरे होतील. पण गुरु, सूर्य, बुध दर्शित आजार जास्त त्रासदायक असतील. बुध व शुक्राची दशामधे उत्पन्न रोग दुभाग्यवश असतात. उत्तरा फ़ाल्गुनी, विशाखा, पुर्वाषाढा नक्षत्रामधे स्थित ग्रह जातकाच्या प्रकृतीस प्रभावित करतील.
7. मित्र व परिवार- कुंभ राशी चक्रातील ११ वी राशी जिचा स्वामी गुरु असल्याने चांगली मनोवृत्ती, अत्याधिक उत्साह व प्रसन्न असतात. त्यांना अनेक मित्र हवे असतात व गुरु त्यांना खरे, विश्वसनीय व उत्तम मित्र देतो. त्याचे मधून काही जणाचे बाबतीत कुंभ जातक थोडे अलिप्त राहतात. त्यांचे मित्रांना असे वाटू शकते की हे संपर्क करत नाहीत व उदासिन राहतात. पण कुंभ जातक इतरांचे दोष काढत नाहीत व गोष्ट सहज घेतात. त्यांचे बरोबर कोणी चांगला व्यवहार केला नाही तरी हे सहयोगी असतात. ते आपले मित्रांचे वागने व व्यवहार याचा अभ्यास करतात. ते मित्रांप्रती इमानदार असतात पण याची जाणीव असते की काही जण दगाबाज व स्वार्थी व अनादर करणारे असू शकतात. तरी ते शांत व अहंकार रहित असतात.
कुंभ जातक फ़ार सामाजिक असतात. ते आपले घर फ़ार स्वच्छ व सुंदर ठेवतात व मित्रांना घरी आमंत्रित करतात. घर छान सजवलेले, चित्र विचित्र जुन्या वस्तू, वा अधुनिक ढंगाचा संग्रह असेल. कुंभ जात घरकामासाठी सर्व सुविधा उपलब्ध करुन देतात व त्याचे पाहुण्यांसमोर प्रदर्शन करण्यात त्यांना आनंद होतो. ते जुन्या परंपरागत कष्टदायक पद्धती सोडून देतात व आधुनिक साधनांचा वापर करुन वेळेची बचत करतात. ते एकांत व समाज दोघांना समान प्राधान्य देतात हे विशेष आहे. हे अगदी अलिप्त व अगदी मिसळ्णारे नसतात.
8. प्रेम- कुंभ जातक बुद्धिमान असल्याने नेहमी शिक्षित व बुद्धिमान जोडीदार निवडण्यास प्राधान्य देतात. ते दृढ व कायमचे संबंध राखतात. ते अहंकारहीन असल्याने जोडीदाराव्दारे नुकसान होत नाही. ते सर्वांबरोबर स्वच्छ मनाने राहतात व नंतरही त्यांना आयुष्यात स्थान देतात. ते आपल्या प्रेमाचे प्रदर्शन करत नाहीत. हर प्रेमी भाऊक असेल तर तो असमाधानी राहू शकतो कारण कुंभ जातक फ़ार शांतीने सर्व गोष्टी घेतात.
9. वैवाहिक- रे, ७ वे, ११ वे स्थान जीवन साथी दाखवते. कुंभ जातकास यांचे स्वामी गुरु व सूर्य आहेत. म्हणून जोडीदार कायदा पाळ्णारा, ईमानदार, विश्वसनीय असतो. ते गौरवशाली व योग्य कर्तव्यपरायण असतात. परंतू ज्यांचा विवाह कुंभ जातकाशि होतो त्यांना हे जाणवेल की हे लोक पुष्कळ मानवतावादी, द्याळू, सहानुभूतीपूर्ण, निभाऊन नेणारे असतात. ते अनुकुलता व प्रसन्न्तेची चर्चा करतील.
कुंभ जातक स्त्रिया परंपरावादी नसतात. जर तिला जानवेल की जोडीदार तिच्या मताने वागत नाही तर त्यास बदलण्यासाठी सर्वतोपरी प्रयत्न करेल वा भासवेल. पती बरोबर अधिक इच्छा प्रदर्शित करुन सहयोग करेल. त्याव्हे उत्तरदायित्व, कर्तव्य व कामामधे सहभागी होईल.
मिथुन व तुळ जातक कुंभजातका करता सुयोग्य असतात.जोडीदारास हे जाणणे जरुरी आहे की कुंभ जातक अलिप्त राहणारा असतो व कमी वेळ सहवासात रमतो. त्यंची पत्नी नोकरी करणारी वा इतरत्र गुंतवून घेणारी असेल तर जास्त गोडवा टिकून राहील. पण त्याच्या भरपुर वेळ व सहवास मिळण्याची इच्छा ठेवणारी असेल तर दु:खी होईल.
10. संतती- कुंभ जातक स्वत:ला वयाने मोठे आहोत हे मुलांसमोर दाखवत नाहीत, त्यांना वास्तवात अले पाहीजे व आपल्या मुलांशी एक शिक्षकाप्रमाणे कठोर व्यवहार केला पाहीजे हे परंपरागत मान्य नसते.. उलट ते मुलांशी असे वागतात जसे ती मुले मोठी झाली आहेत. त्यामुळे मुले त्यंच्यावर प्रेम व आदर देखील करतात. मुलांना नवीन पद्धतीने व बुद्धिमानीने प्रशिक्षित केल्याने ती साहसी व आत्मविश्वासू होतात. कुंभ जातकांजवळ गोष्टींचे भांडार असते. व मुलांना मुलांप्रमाणे नक्कल करुन शिकवू शकतात. व त्यांना क्रियाशील बनवतात.
२ रे ५ वे ११ वे स्थान संतानकारक आहे ज्याचे स्वामी गुरु व बुध आहेत. हे स्पष्ट आहे की ते बुद्धिमान, माहित्गार असतील व प्त्रकार, सूचना अधिकारी, गणिती, प्रचारक ई होतील.
11. भाग्य दिवस- गुरुवार, शुक्रवार, मंगळ्वार, सोमवार भाग्यशाली दिवस आहेत. बुधवार रविवार अशुभ आहेत. शनिवारी मिश्र फ़ळ मिळेल, अधिकर नुकसान करतो. मंगळ्वार, गुरुवार करार करा, मंगळवार, सोमवार स्पर्धेत यश शुक्रवार समुद्र यात्रा, शाळा, कॊलेज प्रवेश साठी चांगला, शनिवारी व्यवहार करु नका. बुधवार, रविवारी करार करु नका.
12. भाग्य रंग- पिवळा, लाल, पांढरा, क्रीम शुभ रंग आहेत, संत्री, हिरवा, निळा अशुभ रंग आहेत.
मकर- ही राशी चक्रातील १० वी राशी असून उत्तराषाढाचे २ रे, ३ रे, ४ थे चरण, श्रवन, धनिष्ठा चे १ ले व २ रे चरण ही नक्षत्रे या राशीत येतात. मकर राशी चर, प्रधान, उष्ण, नकारात्मक, पृथ्वी तत्व, स्त्री, कोरडी, थंड, चतुष्पाद, उद्विग्न, लघु उदीत राशी म्हणवली जाते.
या राशीचा स्वामी शनी आहे.
मेष मधे शनी नीच असतो पण शनीच्या राशीमधे मंगळ उच्च असतो. गुरु या राशीत नीच असतो. सूर्य व चंद्र या राशीत शत्रू घरी मानले जातात. शुक्र व बुध या राशीत स्थित असता मित्र घरी मानले जातात.
1. शारिरिक आकृती- राशीचा स्वामी शनी हे दर्शवतो की जातक दुर्बळ, बारकट शरीराचा असेल. हळू हळू त्यात सुधारणा होईल. शरीर फ़ारसे मांसल नसेल. परंतू वयाच्या १६ व्या वर्षानंतर लवकर उंची वाढेल व शरीराचा विकास होईल. चेहरा पातळ व गोलसर असेल, नाक लांब व काळे डोळे व काळे केस असतील. शनी व रवी केसांची वाढ दाखवतो. कमजोर शनी डोक्याचे पुढील भागातील केसांची कमी वाढ दाखवतो वा नंतर कमी होतील. बलवान शनी केसाळ व्यक्ती दाखवतो. त्याचे गुडघ्याची वाटी मधे खरचटल्याचा व्रण वा मसा होऊ शकतो.
2. विशेषता- मकर ही पृथ्वी राशी असल्याने जातक कमी खर्च करणारा, काटकसरी, समंजस, विचारी, व्यावहारिक, बुद्धिवान असेल. जातक परिश्रमी, उद्योगप्रिय, शांतपणे काम करणारा स्वभाव असेल. गणना करणारा, व्यापारी असू शकतो.
मकर ही चर राशि असल्याने कोणत्याही कार्यास जबाबदारीने आणि विश्वासाने तत्परता दाखवेल. जर त्याला एखादी गोष्ट लाभप्रद वाटली तर आपले आयुष्यात पूर्ण परिवर्तन करण्यात जराही कचरणार नाहीत. योजना व्यवस्थापन कौशल्य, सहिष्णूता, धैर्य व दॄढ स्वभाव असेल. स्त्री राशी व शनी स्वामी असल्याने एकांतप्रिय प्रकृती व उपहासाने व्यथित होणारे असतात. ते इतरांच्या आशवासनावर आनंदी ही होणार नाहीत व आपले काम पुरे होईपर्यंत आशावादी ही राहणार नाहीत. जरी हे नम्र व सरळ वाटत नाहीत तरी मकर जातकास धोका देणे सोपे नाही. तो कोणाशीही घाईमधे मित्रता करणार नाही, पुर्णपणे त्यास तपासून पाहील आणि मग कायमची मित्रता करेल.
मकर जातक ईमानदार, विश्वसनीय, धर्मिक, नि”स्वार्थी, सहयोगी असेल पण पीडीत असेल तर घमंडी, बेईमान, स्वार्थी, लालची कंजूस, अपराध करण्यास न संकोच करणारा असेल.
शुभ दृष्टी शनी जातक हे दर्शवतो की तो प्रयोजनपूर्ण व वेळेचा सदुपयोग करणारा असेल. क कमजोर शनी हे दाखवतो की जातक मंदबुद्धी व काम करण्यासाठी एखाद्याच्या आधाराची गरज भासेल. सामान्यपणे तो कोणतेही काम लगेच करत नाही व शेवटपर्यंत स्थगीत ठेवतो. दुसरेकडून प्रेरणा मिळाल्यावार कामास सुरुवात करतो. मंद शनी त्याला लवकर सफ़लता मिळू देत नाही. त्याला निराश म्हणणे योग्य होणार नाही कारण हा जातक पुन्ह पुन्हा प्रयत्न करत राहतो आणी शेवटी सफ़लता मिळवतो.
मकर जातक एखादे काम सुरु झाल्यावर मात्र पूर्ण केल्याशिवाय सोडत नाही.
सामान्यपणे शुक्र एखादी गोष्ट प्राप्त करण्याची ईच्छा दर्शवतो व मकर जातकाच्या ५ वे व १० वे स्थानाची स्वामी शुक्र आहे. त्यामुळे तो आनंददायक गोष्टी प्राप्त करण्यासाठी उत्सुक असेल. तो संगीत, नाटक, सिनेमा ई. चा शौकीन असेल. सट्टा खेळणारा असू शकतो अथवा मंत्र दीक्षा प्राप्त करण्याकरता योग्य गुरु शोधेल वा भेटेल व सफ़लता प्राप्त करण्यात भाग्यशाली ठरेल.
चंद्र ७ वे स्थानाचा स्वामी असल्याने तो सतत जोडीदार अथवा मित्र संगतीची इच्छा ठेवेल व सोबत नसेल तर त्यास वाईट वाटेल. जेव्हा ते कोणतेही कार्य, अभ्यास अथवा प्रवास करतील तेव्हा मित्रांना सोबत घेतील व त्यामुळे खुश व कार्यशील राहतील.
महान व्यक्ती निर्माण करण्याची मकर राशीची क्षमता आहे. दशम स्थानी शनी उच्च असेल तर राजकारणी व्यक्ती असू शकतो. तुळ राशीमधे काही उपनक्षत्रांमधे शनी असा प्रभाव प्राप्त करेल की ते कार्यशील, धुर्त, चतुर, कूटनीती कुशल व स्वार्थी असतील. बुध निवड्णूकीच्या आधी लोकांना आशवासने देतो आणि नंतर विसरुन जातो. पण अशा व्यक्तींच्या कुंडलीत शनी बुध शुभ संबंध देशहिताचे ठरेल. कारण ते देशासाठी नि:पक्षपाती कार्य करतील फ़क्त त्यांच्या धीम्या गतीने.
3. कमजोरी- मकर लग्न वा लग्नेश शनी अशुभ दृष्टीत असेल तर जातक स्वार्थी व अहंकारी असेल. निराश व भंगलेल्या हृदयाचा असेल. अधिक चिंतन मनन करुन मानसिक दबाव घेईल व त्याचा थकवा जाणवेल वा जे आरोग्यास अतिशय घातक ठरु शकते.
4. धन व संपत्ती- मकर जातक परंपरावादी असून कमजोरी, बाधा, चिंता यात न अडकण्याचा व सफ़लता मिळेपर्यंत काम करण्याचा प्रय्त्न करतील. त्यांची महत्वाकांक्षा त्यांना कष्ट उपसण्याकडे प्रवृत्त करते व नाव, प्रसिद्धी, सन्मान व धनवान होण्याची इच्छा असते. ते येणारी संधी न चुकवण्याचा प्रय्त्न करतील पण ते व्यापारांचे वा सुविधांचे एकीकरण करण्याचा उपद्व्याप करतात. १२ पैकी कोणत्याही राशीचा व्यापारी गुरुच्या दशेमधे विस्तार करेल, अनेक शाखा काढेल, तोच व्यापारी शनीच्या दशेमधे अथवा मकर मधे स्थित ग्रहाच्या दशेमधे त्याचे एकत्रीकरण करेल. मकर जातकास निराशा घेरु शकते. सावधपने सर्व कागद पाहिल्यावर व पर्याप्त सुख प्राप्त केल्यावर स्थायी संपत्ती साठी विनियोग करतील.
ते उद्योगी असतात व हळूहळू संपत्ती गोळा करत राहतात. जास्त जबाबदारी घेत नाहीत व संधी पकडण्यास विलंब करतात आणि लाभापासून वंचित राहतात. पण पैसे उधळत नाहीत.
जर नोकरीत असतील तर मितव्ययी, खरे, विश्वासपात्र, सतर्क असतील. ते वित्त विभागात नोकरी करण्यास योग्य असतात. ते नेहमी भविष्याचा विचार करुन अकस्मिक खर्चा साठी योग्य बचत करतील.
5. नोकरी व्यवसाय- शनी लग्न व व्दितीय स्थानाचा स्वामी असल्याने सूर्याची दृष्टी असेल तर अर्थ, शासकिय सेवेमधे, नगरपालिका, स्थानिय परिषद, खनिज पदार्थ, मोठ्या संस्थांचा संस्थांचा व्यवस्थापक, ठोक व्यापार ई संबंधित नोकरी व्यवसाय करेल.
चंद्राची शुभ दृष्टी असेल तर घासलेट, जमीन, पशू, शेती, विहीर खणणे, तलाव, किल्ल्यांची दुरुस्ती ऒईल, खाण ई संबंधित नोकरी व्यवसाय करेल.
मंगळाची शुभ दृष्टी असल्यास धातुचे नक्षीकाम, मिस्त्री, इंजिनियर, सर्व्हेयर, सिमेंट व चामडे( शुक्र पण संबंधित हवा), शल्य चिकित्सक ( सुर्य पण संबंधित), वकील (गुरु पण संबंधित), वीट भट्टी ई संबंधित नोकरी व्यवसाय करतो.
बुधाची ची शुभ दृष्टी असल्यास इंजिनियर, गुप्त पोलीस, कादंबरीकार, विचारवंत, गणीत व भौतीक शिक्षक, शास्त्रीय उपकरणे, सी आय डी (मंगळ पण संबंधित), हस्तकला, ध्यान, योगी ई संबंधित नोकरी व्यवसाय करतो.
गुरुची ची शुभ दृष्टी असल्यास चिकित्सक, शास्त्रद्न्य, क्लब, सोसायटी, कंपनी व्यवस्थापक, धर्मिक दान परिषद, जमीन, खाणी, शिक्षण, वित्त, कायदा, मोठे ठेके ई संबंधित नोकरी व्यवसाय करु शकतो.
शुक्राची ची शुभ दृष्टी असल्यास जातकास केमिकल्स, खनीज, वस्तू, चामडे, हाडे, जन्म मृत्यू नोंदणी, सन्यासी, बाग, जमीन, कब्रस्थान, ई संबंधित नोकरी व्यवसाय करतात. पुरोहित वा बाबा ज्याची गुरु व शुक्र शुभ दृष्टी असेल तर विवाह जमवण्यामधे निपून असतात. पुरोहित वा बाबा ज्याची शनी व शुक्र शुभ दृष्टी असेल तर विवाह विच्छेद मधे निपून असतात.
6. आरोग्य- मकर लग्न वा लग्नेश शनी अशुभ दृष्टीत असेल तर जातक स्वार्थी व अहंकारी असेल. निराश व भंगलेल्या हृदयाचा असेल. अधिक चिंतन मनन करुन मानसिक दबाव घेईल व त्याचा थकवा जाणवेल वा जे आरोग्यास अतिशय घातक ठरु शकते.
मकर गुढगे वा टाच दर्शवतो. शनी हाडांचा विकास दर्शवतो. मकर दुष्काळ व महामारी दर्शवतो. हिस्टेरिया, संधीवात, गाठी, सर्दी शनीव्दारे दर्शित होते. हे मानसिक दबाव घेऊन व आतुन कुढत राहतील व त्याचा आरोग्यावर व पचन संस्थेवर परिणाम होतो. क्वचित पोट फ़ुगु शकते.
मकर कर्क राशीच्या विपरीत असल्याने फ़ुप्फ़ुसासंबंधी त्रास होऊ शकतो. सिंह राशीपासून ६ वे असल्याने तो हृदयासंबंधी त्रास होऊ शकतो. उत्तराषाढा नक्षत्रामधे शनी असेल तर तो हृदयाच्या धडकण्यास प्रभावित करतो. उत्तराषाढा मधे मंगळ असेल तर तो हृदयाकडे जाणारे रक्त वाहिणीत गुठळ्या निर्माण करतो. राहू केतु असेल तर रक्तदाबाचा त्रास होतो.
श्रवण नक्षत्रामधे स्थित ग्रह फ़ुप्फ़ुस, एक्झीमा ई वर प्रभाव ठेवतो. धनिष्ठामधे स्थित ग्रह उच्चताप, दमा, न्युमोनिया, पित्त, जखम, फ़्राक्चर, हाड सरकणे ई. दर्शवतो. मकर चर राशी असल्याने त्याचे ११ वे स्थान वश्चिक बाधक स्थान असल्याने मंगळ दीर्घाय़ू करता शुभ नाही.
२ रे व ७ वे स्थान मारक आहे. शनी लग्नेश असल्याने स्वभावत: आयुष्य कारक आहे व २ रे मारक स्थान कुंभ चा स्वामी आहे, त्यामुळे शनी जातकाच्या आयुष्यास घातक ठरेल. सप्तमेष चंद्र आहे, म्हणुन मंगळ, शनी व चंद्र पापग्रह आहेत व त्यांच्या दशा अंतर्दशेत मृत्यू चे कारक होतील. अष्टमेश सूर्य असल्याने त्रास देऊ शकतो व षष्ठेश बुध प्रकृतीला प्रभावित करतो व व्हिटामिन बी ची कमतरता, गैस्ट्रिक त्रास, सामान्य नाडी रोग, बुध दशे अंतर्दशे मधे होऊ शकतो.
7. मित्र व परिवार- सामान्यपणे मकर जातक कोणासही एकदम मित्र बनवत नाहीत. पण त्याला पुष्कळ व्यक्ती ओळखतात. अनेक परिचित असले तरी ही चांगले मित्र फ़ार कमी असतील व तो आपल्या मित्रांसाठी सच्चा असेल व कायम साथ देतील. बुद्धिमत्तापूर्ण गोष्टींमुळे इतरांना प्रसन्न ठेवू इच्छितो व सोसायटी, क्लब सदस्य बनण्याकरता योग्य असतो. ज्यांचा जन्म मंगळ्वार वा वृस्चिक राशीमधे वा मृग, चित्रा वा धनिष्ठा, भरणी, पूर्वाफ़ाल्गुनी, पूर्वाषाढा नक्षत्रामधे झाला असेल, ते हितैषी आहेत व ते त्याला मदत करण्यास मागेपुढे पहात नाहीत व न सांगता मदतीस येतील.
११ वे स्थानाचा व ४ थे स्थानाचा स्वामी मंगळ असल्याने त्याचा आईकडे ओढा असतो व आईकडून लाभ प्राप्त करतो. पोटभाडेकरु सहयोग देतील, मकर जातकाचे मित्र विस्तृत विचारधारेचे वा धनवान असू शकतात.
सामान्यपणे मकर स्त्री जातक विवाहास उत्सुक नसते, परंतू तिचे लग्न लवकर जमते, तिला विवाह करावा लागतो. तिला जास्त मुले आवडत नाहीत. पण जरी मकर जातकास मुले जास्त असली तरी कर्तव्यामधे कधि कसूर करत नाहीत. ते आपल्या मुलांवर व जोडीदारावर प्रेमाचा अतिरेक करत नाहीत व त्यागही करत नाहीत. त्यामुळे त्यांचा गैरसमज होऊ शकतो की आपल्यावर प्रेम करत नाहीत. हे सुंदर वस्तूंचा संग्रह करतात. वाचनाची आवड व पुस्तकांच्या संग्रहची आवड असते. त्यांना मारहाण ई आवडत नाही व शांतीपूर्ण एकांत वातावरण आवडते. जर दांपत्य भांडणारे असले तरी मकर जातक त्यावेळेपुरता घरातुन निघून जाईल. ते आपल्या पारिवारिक जीवनाचा मान सन्मान टिकवण्याची इच्छा ठेवतात, मग जोडीदार कितीही त्यात बाधा आणू देत.
8. प्रेम- मकर जातक जोडीदारावर प्रेम करतो पण ते व्यक्त करत नाही. नाही तो लडिवाळ वा नृत्य ई करुन जोडादारास खुश करण्याचा करेल. तो भाऊक होणार नाही. जोडीदाराच्या निकट असला तरी उत्सुक व उतावळा होणार नाही. वा पुढाकार घेणार नाही. तो २ ३ वेळा जोडीदाराची विचारपूस करुन संमती मागेल व तरीही धिम्या गतीने सामोरे जाईल. या त्याच्या अवेळी संथ पणामुळे जोडीदार असमाधानी होऊ शकतो. जोडीदाराची निवड करण्यास देखील वेळ घेऊ शकतात.
9. वैवाहिक- २, ७, ११ स्थान विवाह दर्शवतो. यांचे स्वामी शनी, चंद्र व मंगळ आहेत. या मधील सर्वात बलवान ग्रह कोणता हे माहीत करा, जो जोडीदाराचे प्रकृती, स्मृती, विशेषता ई. दर्शवतो.
जर व्दितीयेश शनी बलवान व उत्तम प्रकारे स्थित असेल तर शनी दशा अंतर्दशेत विवाह होईल. जोडीदार फ़ार स्वार्थी पण कमी खर्चिक असेल. व जातकास देखील वायफ़ळ खर्च करु देणार नाही. परिश्रमी असून परिवाराची प्रथा वा परंपरा पुढे सांभाळेल.
जर सप्तमेश चंद्र बलवान व उत्तम प्रकारे स्थित असेल तर जोडीदार भित्रा व प्रकृतीने कमजोर असेल. वारंवार निवासस्थान बदलण्याची इच्छा ठेवेल. अस्थिर असेल तरीही जातक व परिवाराशी जिव्हाळा असेल. दयाळू, स्वामीभक्त, व्यव्स्थित घर सांभाळ्णारी, सुविधा पुरवणारी व पतीचे सहकार्य मागणारी असेल.
जर लाभेश मंगळ बलवान व उत्तम प्रकारे स्थित असेल तर अधुनिक व पुरुष स्वभाव वाला जोडीदार मिळेल. ती योग्य व विश्वसनीय पत्नी सिद्ध होईल. परिवारास उत्तम प्रकारे सांभाळेल. कष्टाळू, सुग्रण, आदरातिथ्य करणारी असेल. ती मकर जातकास स्वतंत्रता देणार नाही. ती प्रत्येक गोश्टीचे मार्ग्दर्शन करेल. व कठोर शिस्तीचे असेल. सामान्यपणे पुष्कळ कमी वयामशे अकस्मात विवाह निश्चित होऊन विवाह होतो.
10. संतती- मकर जातकास पुष्कळ संतती असू शकते. तो त्यांचे वरचे प्रेम उघड व्यक्त करणार नाही. त्याचे कर्तव्य नीट पार पाडेल. खेळ कुद मधे कमी सहभाग घेईल. मुलांना शांत बसवीन आपले काम करणे पसंत करेल. तो आपल्या मुलांना एका चौकटीच्या बाहेर जाऊ देणार नाही व नियंत्रणामधे ठेवेल. ते तरी बाहेरुन प्रेमळ वाटले नाही तरी जसजशी मुले मोठी होत जातील, तसे त्यांना हे कळेल की वडील आतुन आपल्यावर प्रेम करतात व आपल्या हितालाच प्राधान्य देतात व आपल्याला सुख सुविधा देण्यासाठी अपार कष्ट घेतात.
11. भाग्य दिवस- तो आपल्या मुलांना एका चौकटीच्या बाहेर जाऊ देणार नाही व नियंत्रणामधे ठेवेल. ते तरी बाहेरुन प्रेमळ वाटले नाही तरी जसजशी मुले मोठी होत जातील, तसे त्यांना हे कळेल की वडील आतुन आपल्यावर प्रेम करतात व आपल्या हितालाच प्राधान्य देतात व आपल्याला सुख सुविधा देण्यासाठी अपार कष्ट घेतात.
शुक्रवार, मंगळ्वार शनिवार सर्वोत्तम आहेत. बुधवार सफ़लता देतो. प्रतीस्पर्धी वर विजय मिळ्वण्यास व दीर्घयात्रा करण्यास चांगला. गुरुवार रविवार खर्चिक आहेत. सोमवारॊ शत्रूता व कोर्ट कचेरी मागे लावतो. मंगळ्वार, शुक्रवार करार करण्यास चांगला. शनिवारी पैसे गुंतवण्यास चांगला. रविवारी व सोमवारी प्रवास टाळा. मंगळ्वारी, शुक्रवारी देव देवतांची प्रार्थना करा.
धनु ही राशीचक्रातील ९ वी रास असून गुरु हा अधिपती आहे. या राशीमधे मूळ, पूर्वाषाढा व उत्तराषाढा चे १ ले चरण ही नक्षत्रे येतात. ही अग्नी, स्थिर, उभय, सकारात्मक, पुरुष, गरम, कोरडी, उभय शरीर, दीर्घ उदीत राशी आहे. धनु मधे कोणताही ग्रह उच्च वा नीच नसतो. बुध या राशीमधे कमजोर असतो. सुर्य, चंद्र, मंगळ धनु मधे मित्र घरी स्थित मानले जातात. शनी, शुक्र, बुध या राशीमधे शत्रू घरी स्थित मानले जातात. धनु राशीव्दारा एक मार्ग दोन कामे दाखवली जातात. गुरु स्वामी असल्याने कोनताही आजार वा अपघात झाला तर जातकाचे त्यातुन रक्ष्ण होईल. गुरुच्या अनुकुल दृष्टिचे तात्पर्य की जातकास दैवी सहाय्य प्राप्त होईल. गुरु जर बुध चे बरोबर असेल तर कोणीही तुमचे इच्छेविरुद्ध जाणार नाही.
1. शारिरिक आकृती- सुविकसित शरीर, उंच, मोठे डोके, उंच व जाड भुवया, लांब नाक, चमक्णारे डोळे, लोभस चेहरा, गौरवपूर्ण दृष्टि, सुंदर व्यक्ती असू शकतो.
2. विशेषता- धनु अग्नी राशि असल्याने तुम्ही दृढ, साहसी, बलवान, महत्वाकांक्षी व लोभी असाल. तुम्ही कोणत्याही गोष्टीस चांगल्या दृष्टीकोणाने पहाल. तुम्ही धांदरट होणार नाहीत. तुम्ही अगदी प्रतिकुल परिस्थितीमधे ही डगमगून जाणार नाहीत व परिस्थिती विरुद्ध आत्मविश्वासाने निर्भयपणे लढाल. जेव्हा अडचणी येतात, तेव्हाच तुमची परीक्षा होत असते. अग्निराशी तुम्हाला उत्साह, शक्ती, पौरुष, चैतन्य प्रदान करते. प्रथम राशी असल्याने तुम्ही प्रत्येक बाबतीत गुण अवगुणांचे मुल्यांकन कराल, पूर्ण व गहन विचार कराल आणि मगच निर्णय घ्याल व कामास सुरुवात कराल. तुमची कामाची सुरुवात उशीरा होईल कारण त्यापूर्वी तुम्ही मनन, चिंतन, व योजना बनवली असेल.
अग्नी राशि असल्याने तुम्हास स्वभावत: कोणाच्या आदेशाखाली काम करणे आवडत नाही, तुमची स्वत:ची अशी स्वतंत्र काम करण्याची पद्धत असते व ना ही तुम्ही सतत एका ठिकाणी बसून काम करु शकता. तुमची इच्छा अनेक बदल घदवण्याची असते. व तुम्हास मुक्त हस्त प्राप्त असेल तर तुम्ही भव्य दिव्य दिसता.
पुरुष राशी असल्याने तुम्ही अधिक विचार करणे, बोलणे, इच्छा असलेली गोष्ट करणे यात संकोचत नाही. तुम्ही स्वत:वर प्रेम करता व या जगात एकटा आलोय या उक्तीप्रमाणे सिद्धांतावर कायम रहाल. तुम्हाला याची पूर्ण जाणीव असते की आपन कधी कधी जे काही काम करतो, त्याचे वाईट परिणाम ही होऊ शकतात. तुम्ही वास्तविकपणे जे काही अनुभव कराल ते बोलून दाखवाल, मग याचा विचार करणार नाही की ईतरांना अशी वाक्ये आवडतील का नाहीअ.
धनु राशी चक्रातील ९ वी राशी असल्याने तुम्ही उच्च शिक्षण घेण्याचा प्रयत्न कराल अथवा परिक्षार्थी न राहता कायम विद्या मिळवत रहाल. तुम्हाला प्रवासाची आवड असेल. तुम्ही विदेशात मैत्री वाढवण्याचा प्रयत्न कराल. शुभ दृष्टी असेल तर तुम्ही उच्च दार्शनिक, सच्चे ईश्वर भक्त होऊ शकता.
गुरु राशी स्वामी असल्याने प्रगल्भ बुद्धी, विश्वास, अध्यात्मिक विकास देतो. न्याय, सहनुभुती, साहस, अतिरिक्त चांगली भावना, प्रेम आहे. तुम्हाला खेळांची आवड असेल.
९ वे व १० वे स्थानाचे अधिपती सूर्य व बुध असल्याने धनु लवकर नवे विचार सनजू शकतात व त्याची तुलना करतात. तुमच्या मधे अंतर्द्न्यान शक्ती असू शकते. तुम्हाला एखाद्यावर अन्याय होत आहे दिसले तर त्यास त्याचे गमावलेले परत मिळ्वून देण्यासाठी त्यास मदत कराल.
६ वे स्थान इच्छा वा वासना दर्शवते. ६ वे स्थानाचा शुक्र हा स्वामी असल्याने, पाळीव कुत्रा वा अन्य जनावरांना सांभाळाल. स्त्री, उंची वस्तू, सुगंधी द्रव्ये, शॊपिंग या विषयी ओढा असेल.
११ वे स्थानाचा स्वामी शुक्र असल्याने तुम्हास अनेक मित्र व लाभदाता असतील. तुम्ही भिन्न लिंगी व्यक्तींबरोबर राहने पसंत करता. तुम्ही मित्रता कायम ठेवू शकता व अनेक वर्षे निभावता.
चंद्र ८ वे स्थानाचा अधिपती असल्याने मन कधी कधी अस्थिर वा अस्वस्थ राहू शकते, अविश्वास वाटू लागतो.
लग्न, वा धनु चंद्र रास वा स्थित ग्रह पीडीत असेल तर, अधिकांश रुपाने चांगले असाल पण कधी कधी तुमचा व्यवहार अविवेकी असेल अथवा कुशलतेची कमी होऊ शकेल. तुम्ही असे कार्य करता ज्याची दुसरा काम चांगले असेल तरी प्रशंसा करत नाही. वाढवून सांगणे वा वायफ़ळ बोलत राहणे हा अवगुण असेल. तुम्ही अनेक पोकळ आश्वासने देत रहाल. विचार मांडताना इतरांचा अनादर करतील. आई वडील, भाऊ यांचे बाबत सतत काही ना काही तक्रार करत राहतील.
4. धन व संपत्ती- २ रे स्थानाचा स्वामी शनी असल्याने तुम्ही उशीरा अथवा धीम्या गतीने धनसंचय करता. धनसंपत्ती मिळवण्यासाठी संघर्ष करावा लागेल. राशी स्वामी गुरु असला तरी २ रे स्थानाचा स्वामी शनी आहे तेव्हा वेळ पडली तर कोणत्याही मार्गाने पैसे मिळवण्यास संकोच करणार नाही, अथवा पैसा मिळवून देणारे कोणतेही काम हलके वा उत्तम असला विचार करणार नाहीत.
5. नोकरी व्यवसाय- राशी स्वामी गुरु असल्याने तुम्ही शिक्षक, व्याख्याता, बैंक वा आर्थिक, धर्मिक संस्थेमधे, समुपदेशक ई संबंधित नोकरी व्यवसाय करु शकता.
बुध दशमेश असल्याने हे दर्शवतो की तुम्ही संपादन, प्रकाशन, जाहिरात प्रतिनिधी, मिडीया, माहिती तंत्रद्न्यान, सिव्हील अथवा बांधकाम संबंधी प्रोडक्टस, विदेशी दुतावास, ई. संबंधित नोकरी व्यवसाय करु शकता.
धनु राशीमधे स्थित ग्रह जर २, ६, १० स्थानाशी संबंधित असेल तर खाण, परिवहन व इंजिनियरिंग संबंधित काम करु शकतो.
मंगळ पंचमेश व व्दादशेश असल्याने सट्टा वा जुगार तुम्हास लाभदायक नाही. ज्या व्यक्तीच्या पूर्वाषाढा नक्षत्रामधे १, २, ३, ६, ११ स्थानाचा स्वामी स्थित असेल तर ते विनाश्रम श्रीमंत होऊ शकतात व लाभ प्राप्त करु शकतात.
6. आरोग्य- धनु राशी जांघ, कुल्ले, कंबर, कमरेच्या मागिल रक्त नलिका दर्शवतो. त्यामुळे कुल्लांवर गाठ, सांधे सुजणे, कंबर दुखणे, मसल्स या भागातील हाडे दुखणे, वात रोग फ़ुप्फ़ुस ई, संबंधित कष्ट होतात. धनु मधे मंगळ व शनी असेल तर हाडामधे फ़्रैक्चर, जांघे मधे फोड, ई साठी शल्य चिकित्सेची गरज पडते. धनु राशित गुरु स्थित असल्यास वात, फ़ुप्फ़ुस, फ़ीटस, ई. संबंधी त्रास होऊ शकतो. धनू पूर्वाषाढा मधे गुरु असल्यास मधुमेह होऊ शकतो. शनी मुळे कुल्ल्ह्यावर घाव, क्षय, जुना फ़ुप्फ़ुसाचा रोग, दमा ई त्रास उदभवू शकतात. चंद्रामुळे फ़ुप्फ़ुसावर सूज, न्युमोनिया, मधुमेह होऊ शकतो. सूर्यामुळे नेत्रहीनता, व कमजोरी दर्शवतो. शुक्र गाठ उत्पन्न करतो. बुध उचकी, दमा ई. धनुसाठी बुध राजयोगाधिपती ग्रह असला तरी ७ वे स्थानाचा म्हणजेच बाधक व मारक स्थानाचा अधिपती असल्याने प्राणघातक आजार निर्माण करतो.
7. मित्र व परिवार- तुमचे नातेवाईकांशी संबंध बेताचेच असतात. तुम्ही विभिन्न लिंगी व्यक्तीबाबत उदार असाल व त्यांचेशी मित्रवत रहाल. कोणाशीही मैत्री करणे तुमच्या करता कठीण नाही. तुमचे अनुभवाने हे समजाल की तुमची मैत्री होण्यापूर्वी वाद होतील व नंतर तुम्ही कायमचे घनिष्ठ संबंध प्रस्थापित कराल. तुम्ही तुमच्या मुलांवर अधिक खर्च कराल. ज्यांना संतती नसेल ते शिक्षण संस्था, मंदीराचा जीर्णोद्धार ई गोष्टींवर खर्च कराल. इतरांकरता कॄपाळू रहाल, पण नातेवाईकांशी जपून व्यवहार कराल. लग्नेश व चतुर्थेश गुरु असल्याने तुम्हाला घरी स्वतंत्रता वा प्रायव्हसी अशी मिळणार नाही. अशा प्रकारे धनु व मिथुन राशीचे लोक मित्रता करतात. कारण ११ वे स्थान मित्र दाखवतो, ६ वे स्थान वाद दाखवतो. व धनु राशीस शुक्र ६, ११ चा व मिथुन राशिस मंगळ ६, ११ चा स्वामी आहे. त्यामुळे त्यांचे दशेत हे अनुभव येतील. तुमचे मित्र तुम्हास स्थायी रुपाने पसंत करतील. तुमचे गोड स्मित हास्य व तेज स्वभाव तुम्हास भरपूर मित्र देतील. ज्या लोकांचा जन्म शुक्रवारी अथवा वृषभ, तुळ लग्न मधे असतो तो भरणी, पूर्वा फ़ाल्गुनी अथवा अथवा पूर्वाषाढा नक्षत्रांमधे असेल तर ते चांगले मित्र असतील व ज्यांचा जन्म हस्त नक्षत्री असेल ते कळत नकळत तुमच्या बदनामीस कारणीभूत होतील, कारण अष्टमेष दशम स्थानामधे अष्टमेष च्या नक्षत्रमधे असेल.
8. प्रेम- पंचम स्थानाचा स्वामी मंगळ असल्याने प्रेमात उत्कटता, आकर्षण व पुढाकार दाखवतो. मंगळ व्दादशेश पण असल्याने. लांबच्या प्रवासात, अनोळ्खी ठिकाणी, सतत च्या सहवासाने आकर्षण वाढून प्रेम जमू शकते. प्रेमात तुम्ही आक्रमक असू शकता व पुढाकार घ्याल. पण मनासारखे न झाल्यास तुम्ही फ़ार क्रोधी व्हाल, १२ स्थानचे स्व्मी मुळे असफ़ल होण्याची संभावना आहे. तुम्ही वारेमाप खर्च कराल.
9. वैवाहिक- धनु जातकाच्या पत्नीने फ़ार बुद्धिमान व कुशल असायला हवी, कारण तुमचा स्वभाव शीघ्रकोपी असतो व ती हे समजून घेणारी हवी की राग थोडावेळच राहील. ती कुशलतापूर्वक व्यवहार करेल व वैवाहिक आयुष्य आनंदी व्यतीत करेल. धनु व्यक्ती, खेळ, सोसायटी, क्लब ई चा शौकीन असतो, व त्यासाठी वेळ देतो, त्यामुळे असे भासेल की यांना पारिवारीक जॊवन कमी महत्वपूर्ण आहे. त्यांच्या आयुष्यात प्रगल्भता उशीरा आल्याने त्यांचे पत्नीसाठी तो समयोचित व सरळ स्वभावाचा माणूस भासतो. जर एखादी व्यक्ती धनू जातका मुलीशी विवाह करेल, तर ती व्यक्ती भाग्यवान असेल. एक व्यक्ती आपल्या पत्नीपासून जी काही अपेक्षा करेल ते सर्व काही तिच्यामधे मिळेल. ती कधीच पतीच्या कामामधे अडथळे निर्माण करणार नाही व पतीने विचारल्याशिवाय काही सल्ला ही देणार नाही. आपल्या पतीस प्रत्यक्ष अप्रत्यक्ष पणे मदत करत राहील. ती शांत, चतुर, कुशल व विचारी असेल. तिला कधी वाटेल की आपला पती चुकीच्या मार्गाचर चालला आहे तरी त्यास ती अतिशय हळुवार पणे ही गोष्ट लक्षात आणून देईल.
२, ७, ११ वे स्थान विवाह्पूरक स्थाने आहेत. २ रे चा स्वामी शनी, ७ वे चा बुध व ११ वे चा शुक्र स्वामी आहे. हे तीनही ग्रह एकमेकांचे मित्र आहेत त्यामुळे चांगले स्थितीत असता व मंगळाची अशुभ दृष्टी नसता, जोडीदार अत्यंत विश्वसनीय, स्वामीभक्त कर्तव्य्परायण, प्रसन्नचित्त व घर प्रसन्न ठेवणारी, असेल. पण मंगळाने २ व ११ चे स्वामी ना पीडीत असेल तर एकपेक्षा अधिक संबंध ठेवणारा व संभावना असणारा जोडीदार लाभेल.
10. संतती- २, ५, ११ संतती दर्शक स्थाने आहेत. शनी, मंगळ, शुक्र यांचे स्वामी असून तुमची मुले छोटी असतील तेव्हा, तेव्हा त्यांना जवळ घेणार नाहीत व जसजशी मुले मोठी होतील तसे तुम्ही त्यांचे कडे जास्तीचे लक्ष पुरवाल. त्यांचे व्यवहार, गतिविधी मधे शंका व सल्ला ई मार्गे नाक खुपसणे थांबवले पाहीजे. जर तुम्ही त्यांचे स्वतंत्रतेमधे बाधा आणलीत तर ते अधिक हट्टी होतील व मग तुम्ही त्यांना सुधारु शकणार नाही. आपल्या मुलांबरोबर नेहमी कुशलतेने व्यवहार करा.
11. भाग्य दिवस- सोमवार दु:ख व कष्ट्दायक आहे. मंगळवार व्यर्थ खर्च व नुकसान दर्शवतो. बुधवारी करार करण्यासाठी शुभ, गुरुवार परीक्षेत सफ़लता देतो. शुक्रवारी सट्टा, निवडणूक, कोर्ट कचेरी साठी लाभदायक ठरेल. शनीवार हळ्हळू दृढतापूर्वक उन्नती व दुसरेंना सहाय्यता देतो. रविवार सुखदायक व समृद्धीदायक आहे. दीर्घ यात्रा करा. मंगळवार, बुधवार, शुक्रवार शांती, हवन, प्रार्थना करण्यास चांगला.
12. भाग्य रंग- पांढरा, हिरवा, संत्री व हलका नीळा शुभ, लाल रंग अशुभ
ज्योतिष मित्र मिलिंद 