नमस्कार मित्रांनो,

२१ डिसेंबर, २०२० रोजी रात्री ७.३० ते ९.३० या वेळेत गुरु व शनी हे दोन ग्रह सर्वात जवळील अंशात्मक युती करणार आहेत. यानंतर असा योग २०८० साली येईल. ज्योतिष शास्त्रानुसार या युतीचे परिणाम कसे आहेत यासाठी सुजाता यांनी सुचवल्याप्रमाणे हा लेख प्रपंच. ज्योतिश शास्त्रानुसार गुरु शनी युती हा एक महासंयोग आहे. गुरु व शनी युती समसंबंध दर्शवते. ते एकमेकांशी वैर व हानी न करता शनी गुरुचा आदर राखतो. शनी कर्माचा कारक ग्रह असून गुरु चांगल्या कर्माचे फ़ळ देतो. दोन्ही ग्रह मंदगती व प्रभाव शाली आहेत. तसे पाहता शनी मकर राशीत असताना २० नोव्हेंबर २०२० ला च गुरु ने मकर राशित प्रवेश केला आहे. व ५ एप्रिल २०२१ पर्यंत दोघे याच राशित असणार आहेत. फ़क्त आता अंशात्मक अंतर जवळ्जवळ शून्य असणार आहे.

आपल्याला आठवत असेल च मी एफ़ बी लाईव्ह ईंटरव्ह्यू मधे सांगितले होते की नोव्हेंबर डिसेंबर मधे लस बाजारात व करोनाचा हळूहळू परिणाम कमी होईल तरी मे पर्यंत यागोष्टीचा प्रभाव राहील. याचे कारण च हे आहे की शनी वर गुरु चा प्रभाव पडणार आहे. व शनीच्या अनिर्बंध प्रभावाला रोक लागणार आहे. कारण पारंपारिक दृष्टीने गुरु हा नैसर्गिक शुभ ग्रह आहे व शनी हा क्रुर ग्रह आहे. दोन्ही न्याय देणारे पण गुरु भक्तीने सद्रुदयतेने सन्मार्ग दाखवतो. तर शनी सत्त्याचे दर्शन घडवून डोके वठणीवर आणतो.

आता आपण या युतीचे राशीनुसार होणारे परिणाम पाहू. हे परिणाम त्या त्या राशीच्या लोकांना जास्त जाणवतील, ज्यांची गुरु, शनी अथवा संबंधित कारक ग्रहांची दशा चालू असेल.

मेष : कर्म भावात युती असल्याने कर्मावर चांगला प्रभाव पडेल. आपल्या सोबत काम करणारे सहकारी ना आपण खूप मदत कराल. आपण केलेल्या कामाचे कौतुक होईल. कौटुंबिक सौख्यात काही अडचणी येऊ शकतात. काही जनांना वारसा हक्काने घर प्राप्त होऊ शकते.

वृषभ : भाग्य स्थानात युती असल्याने धार्मिक कार्य, परोपकार या बाबतीत अग्रेसर असाल. मान सन्मान वाढेल. प्रवासाचे योग येतील.  समाजात प्रतिष्ठित लोकांमधे ऊठबस वाढेल. नोकरीत बदल होण्याचे संकेत आहेत.

मिथुन : मांगल्य स्थानात युती असल्याने अध्यात्मिक अनुभव येतील. भौतिक स्तरावर ही युती अनिष्ट जाईल. धनहानी, खर्च वाढतील. आरोग्याच्या तक्रारी राहतील. कुटुंबात सदस्य वाढ होऊ शकते.

कर्क : सप्तम स्थानात युती असल्याने चांगली धनप्राप्ती होऊ शकते. व्यापारात वाढ होण्यासाठी आपली दूर दृष्टी कामी येईल. आरोग्य चांगले राहील व व्यक्तिमत्त्व उजळून निघेल. व समाजात चांगली छाप पडेल. लोकप्रियतेत वाढ होईल व बढतीचे योग. फ़क्त अहंकारापासून लांब रहा.

सिंह : आरोग्य स्थानात युती असल्याने आप्ले आरोग्य नरम राहिल. अपचन, पित्त, गैसेस, मूत्राचे त्रास ई होऊ शकतो. नवीन कोर्ट कचेरी नुकसानदायक होऊ शकते. पूर्वीचे दावे आपल्या बाजूने निकाल लागू शकतो. खर्चात वाढ होऊ शकते. परिवारातील कोणा सदस्याच्या आजारपण काळजीचे कारण बनू शकते.

कन्या : पंचम स्थानात युती असल्याने प्रेम संबंधात अडथळे निर्माण होतील. पण जर आपले खरे व निश्चल प्रेम असेल तर यातून पार पडाल व एकत्र रहाल. शिक्षणाच्या बाबतीत चांगले परिणाम मिळतील. संतती होण्यासाठी चांगला काळ. प्राप्ती वाढू शकेल. समाजात आप्ले स्थान उंचावेल. काहीना नोकरीत बदल संभवतो.

तुळ : सुख स्थानात युती असल्याने परिवारात वाद विवाद निर्माण होतील. या काळात घर बदलले जाऊ शकते. एखादी यंत्र खरेदी करुन उत्पादन सुरु करु शकता.आपल्या कामाचे लाभ मिळतील व कौतुक होईल. घरात पूजा अथवा धर्मिक कार्य संपन्न होऊ शकते.

वृश्चिक : तृतीय स्थानात युती असल्याने अनेक छोटे प्रवास होऊ शकतात. आपले आचरण धार्मिक राहील व यश व किर्ती प्राप्त कराल. धनप्राप्ती करताना आळ्स दाखवला तर चांगल्या संधी निसटून जातील. दुसरेस मदत करताना स्वत: कष्ट घ्याल. या काळात आपले सहकारी निवडताना विशेष सतर्क रहा. धाकटे भाऊ बहीण यांचे आरोग्याकडे लक्ष द्या.

धनु : द्वितीय स्थानात युती असल्याने आपल्या बोलण्यात गंभीरता येईल. तुमच्या वाणीने लोक प्रभावित होऊन त्यचा लाभ होईल. कौटुंबिक मतभेद व पैशावरुन वाद टाळा. आर्थिक स्थिती चांगली राहील. आरोग्याकडे लक्ष द्या.

मकर : लग्न स्थानी युती असल्याने अचानक प्रसिद्धी मिळु शकते. समाजात अथवा संस्थेत एखादे चांगले पद मिळू शकते. सांधे दुखी अथवा गैसेस चा त्रास होऊ शकतो. व्यापारासाठी चांगला काळ. वैवाहिक संबंध घनिष्ठ राहतील.

कुंभ : व्ययस्थानत युती असल्याने खर्चात वाढ होईल. दुसरे लोग आपण करत असलेल्या मदतीचा गैरफ़ायदा घेतील. कोर्ट कचेरीसाठी जास्त खर्च होईल. विरोधी प्रबळ असतील.

मीन : लाभ स्थानात युती असल्याने धनप्राप्तीत वाढ होईल. समाजीतील प्रतिष्ठित लोकांशी संबंध प्रस्थापित होतील व उच्च पद मिळेल. नोकरीत वरिष्ठ खुश असल्याने त्याचा लाभ होईल. प्रेम संबंधात थोडा संघर्षाचा व परीक्षेचा काळ असेल. शिक्षणासाठी अनुकुल असेल.

-ज्योतिषमित्रमिलिंद