शेयर्स आणि ज्योतिष (Shares & Astrology)

नमस्कार मित्रांनो,

आज बरेच दिवसांनी ज्योतिष विषयक लेख घेऊन समोर येताना मला खुप आनंद होत आहे. जसे लौक डाऊन शिथील झाले तसे नोकरी व्यवसायात अधिकच व्यस्त होत गेलो. त्यामुळे लेख लिहायला सवड मिळणे मुश्किल होऊन बसले. आज माझे एक स्नेही श्री. श्रीकांत यांनी शेअर आणी ज्योतिष याबद्दल लिहावे असे सुचवले त्यानिमित्ताने लेख लिहायला घेतला. मुळात शेअर हा विषय अनिश्चिततेने ग्रासलेला, जर अंदाज बरोबर आले तर फ़ायदा नाहीतर लाखोंचे नुकसान. अशा विषयावर शेअर घेताना कुंडलीतील कोणत्या घटकांचा विचार फ़ायदेशीर ठरु शकतो याबद्दल लिहायला मला नक्कीच आवडेल. असो.
एखाद्या कंपनीचा शेअर घेणे किंवा भागदारक होणे याची आपण थोडी विभागणी करु.
१. शेअर घेण्यासाठी त्या कंपनीची व ईतर कंपन्यांची सद्य स्थिती, वाटचाल, यांचे तुलनात्मक सखोल द्न्यान व अभ्यास सातत्य व संयम
२. माहिती व अनुभवाच्या आधारे शेअर निवड व कधी घ्यायचा व कधी विकायचा याविषयी समयसुचकता व बौद्धिक क्षमता
३. योग्य ब्रोकर ची निवड अथवा कैलक्युलेटेड रिस्क वा सुरक्षित जोखीम
४. निधी गुंतवणूक व त्याचा धनरुपाने मिळणारा परतावा अथवा लाभ
या गोष्टी व प्रयत्न सातत्य यांची आवश्यकता आहे.
अशा प्रकारे विभागणी केली असता १ व २ व ३ साठी शनी व बुध व ४ साठी शुक्र डोळ्यासमोर येतात.
कारण शनी सखोल द्न्यान, संयम याचा तर बुध बुद्धी, माहिती, अस्थिरता, निर्णय क्षमता, एजंट, दलाल, ब्रोकर, गणीत याचा कारक ग्रह आहे. शुक्र हा निधी निवेश म्हणजे गुंतवणुक व त्याचा मिळणारा धनरुपी परतावा यासाठी कारक ग्रह आहे.
कॄष्णमुर्ती पद्धतीत शेअर साठी ३ रे स्थान हे प्रमुख मानले जाते व २ ११ ६ ही पूरक स्थाने मानली जातात. तसेच १ ५ ९ ८ १२ ही विरोधी स्थाने मानली जातात.
३ रे स्थान हे बुद्धी, विचार, पराक्रम, परिवर्तन दाखवते, २ रे स्थान हे धन स्थान आहे, ६ वे स्थान हे प्रयत्न सातत्य चे स्थान आहे व ११ वे स्थानावरुन लाभ बघितला जातो.
आता दोन्ही गोष्टींची सांगड घातली तर हे लक्षात येईल की नैसर्गिक कुंडली अथवा कालपुरुषाची कुंडली विचारात घेतली तर

३ रे स्थानी बुधाची मिथुन रास आहे
२ रे स्थानी शुक्राची वृषभ रास आहे
११ वे स्थानी शनीची कुंभ रास आहे
६ वे रे स्थानी बुधाची कन्या रास आहे

थोडक्यात सांगायचे तर जन्मकुंड्ली नुसार ३ २ ११ ६ या स्थानांच्या कारक ग्रहांची दशा अंतर्दशा चालू असताना अथवा गोचरमधे या स्थानांचे कारक ग्रहांचे नक्षत्री वा राशीत ग्रह भ्रमण करत असताना त्यावेळेस गुंतवणुक केली असता लाभ होईल व तसेच १ ५ ९ ८ १२ ही विरोधी स्थाने कार्यरत असताना गुंतवणूक केली असता नुकसान होऊ शकते. या जोडीला बुध शनी व शुक्र यांची जन्म कुंडलीतील स्थिती व सध्याची स्थिती ही लाभासाठी व विरोधी स्थानाच्या कारक ग्रहांचा नुकसान टाळण्यासाठी अभ्यास करणे गरजेचे आहे. असे मला वाटते. बाकीचे ज्योतिष शास्त्रातील नियम तर आहेतच.

तर ज्यांना शेअर वा समभाग या विषयात रुची आहे त्यांनी जरुर या गोष्टीचा अनुभव घेऊन पहावा.

शुभेच्छा !

-ज्योतिषमित्रमिलिंद