असे मानले जाते कि स्त्री जातकाच्या कुंडलीत सप्तम स्थानात सूर्य स्थित असेल तर, पतीस स्त्री सौख्य लाभत नाही. या संदर्भात एक श्लोक वाचण्यात आला होता. तो येथे देत आहे.
जर सूर्य सातव्या घरात असेल, तर सर्वात उत्कृष्ट स्त्री देखील क्षुद्र आणि निरुपयोगी बनते, तिच्यात प्रेमाची भावना नसते.
तिच्या पतीसाठी, ती सभ्यतेपासून वंचित आहे आणि उग्र आहे, म्हणजेच ती रागीट स्वभावाची आहे.
खरे तर अशा नियमांचे प्रत्येक स्थानानुसार अगदी बारकाईने परीक्षण करून त्यातील तथ्य तपासणे अत्यंत आवश्यक असते. उगाच दोन चार कुंडल्याना लागू झाले म्हणजे ते अंतिम सत्य मानून त्या आधारे भविष्य कथन केले तर, ते एखाद्या विवाहित जोडीसाठी जीवघेणा खेळ ठरू शकते. लोक विश्वासाने ज्योतिषाकडे येतात, तर त्यांना योग्य मार्गदर्शन करणे हे ज्योतिषाचे कर्तव्यच आहे.
आता वरील श्लोकाचेच उदाहरण घेऊ या..
या श्लोकानुसार अशी सूर्य स्थिती असेल तर संसारात मिठाचा खडा टाकायला सर्वस्वी पत्नी जबाबदार असेल असा अर्थ सरळ सरळ ध्वनित होतो. विचार करा एकटा सप्तमस्थ सूर्य एवढी हानी करत असेल तर सप्तम स्थान भार्या स्थान आणि स्त्री च्या कुंडलीतील सूर्य पती कारक मानण्याला काय अर्थ उरतो. माझ्या मते असे श्लोक विशिष्ट लग्नास नजरेसमोर ठेऊन रचले गेले असावेत व त्याच बरोबर इतर हि काही अनिष्ट योग अशा परिणामास कारणीभूत असावेत, त्याशिवाय हे असंभव वाटते.
आता हेच लक्षात घ्या कि, दररोज सूर्य संध्याकाळी साधारण ६ ते ८ वाजता पश्चिमेस सप्तम स्थानात असतो. आता या दोन तासात जगभरात लाखो आणि आत्तापर्यंत करोडो स्त्रियांचा जन्म झाला असेल. त्या सर्व स्त्रिया त्यांचे पतीस वैवाहिक सौख्यासाठी मारक ठरल्या आहेत. हे बुद्धीस न पटणारे आहे.
केवळ सातव्या घरात सूर्य दिसत असला तरी, तो सूर्य कोणत्या नक्षत्रात, चरणात वा उप नक्षत्रात आहे, कोणत्या राशीत आहे, कोणत्या ग्रहाच्या युतीत आहे, कोणकोणते ग्रह कशा प्रकारची सूर्यावर दृष्टी ठेवून आहेत, त्या स्त्री ला अशा प्रकारची फळे देणाऱ्या कारक ग्रहांच्या दशा अंतर्दशा चालू आहेत का, ग्रह गोचर स्थिती काय इंगित करते अशा सर्व बाबी तपासून च मग अशा गंभीर निर्णयावर येणे आवश्यक ठरते.
उलट पक्षी मी एवढे मात्र म्हणेन कि प्रत्येक जातकास मग लग्न रास कोणतीही असो, ७ वे स्थान हे एक बाधक स्थान असल्याने त्या स्त्री स अनारोग्याचे फळ प्राप्त होऊ शकते.
या श्लोकांत वर उल्लेख केलेल्या बाबींचा काहीच उल्लेख नाही. तरी त्या श्लोकाप्रमाणे दिलेले फळ किमान प्रत्येक लग्न राशीला लागू होते का हे आपण पाहू या.
१. मेष लग्न असेल आणि सूर्य ७ वे स्थानात स्थित असेल तर :
सप्तम स्थानात तूळ रास येईल. तूळ राशीत सूर्य नीचेचा मानला जातो.
५ वे स्थानात सूर्याची सिंह रास येईल, ५ वे व ७ वे स्थानाचा संबंध प्रस्थापित होत असल्याने त्या स्त्रीचे प्रेम संबंध असू शकतात.
अर्थात हि स्थिती पतीस हानिकारक असणारा एक घटक असू शकते.
२. वृषभ लग्न असेल आणि सूर्य ७ वे स्थानात स्थित असेल तर :
४ थे स्थानात सिंह रास येईल, सुख स्थानाचा मालक सूर्य जोडीदारास अनिष्ट फळ निर्माण करणार नाही.
३. मिथुन लग्न असेल आणि सूर्य ७ वे स्थानात स्थित असेल तर :
३ रे स्थानात सिंह रास येईल, साप्तमापासून भाग्य स्थानाचा मालक सूर्य जोडीदारास अनिष्ट फळ निर्माण करणार नाही. तसेच काम त्रिकोणातील हे एक स्थान आहे.
४. कर्क लग्न असेल आणि सूर्य ७ वे स्थानात स्थित असेल तर :
२ रे स्थानात सिंह रास येईल, कुटुंब स्थानाचा मालक सूर्य जोडीदारास वैवाहिक सौख्य प्रदान करेल.
५. सिंह लग्न असेल आणि सूर्य ७ वे स्थानात स्थित असेल तर :
लग्न स्थानात सिंह रास येईल, लग्न स्थानाचा मालक सूर्य जोडीदारास सामान्य फळ प्रदान करेल..
६. कन्या लग्न असेल आणि सूर्य ७ वे स्थानात स्थित असेल तर :
१२ वे स्थानात सूर्याची सिंह रास येईल. पतीच्या घरातून ६ वे स्थानाचा स्वामी असल्याने तो पतीला अस्वस्थता देईल. पतीचे आरोग्य चांगले राहणार नाही.
७. तूळ लग्न असेल आणि सूर्य ७ वे स्थानात स्थित असेल तर :
११ वे स्थानात सिंह रास येईल, लाभ स्थानाचा मालक सूर्य जोडीदारास वैवाहिक सौख्य प्रदान करेल. तसेच काम त्रिकोणातील हे एक स्थान आहे.
८. वृश्चिक लग्न असेल आणि सूर्य ७ वे स्थानात स्थित असेल तर :
१० वे स्थानात सिंह रास येईल, कर्म स्थानाचा मालक सूर्य जोडीदाराच्या सुख स्थानाचा मालक होत असल्याने सामान्य फळ निर्माण करेल..
९. धनु लग्न असेल आणि सूर्य ७ वे स्थानात स्थित असेल तर :
९ वे स्थानात सिंह रास येईल, भाग्य स्थानाचा मालक सूर्य जोडीदारास वैवाहिक सौख्य प्रदान करेल, कारण जोडीदाराचे काम त्रिकोणातील हे एक स्थान आहे.
१०. मकर लग्न असेल आणि सूर्य ७ वे स्थानात स्थित असेल तर :
८ वे स्थानात सिंह रास येईल, अष्टम स्थानाचा मालक सूर्य स्वत:स अडचणीचा ठरू शकतो. तसेच स्वताचे सासर हे स्थान दर्शवते. जोडीदारास २ रे स्थान दर्शवत असल्याने धन लाभ होऊ शकतो. आरोग्यासाठी मात्र बाधक स्थान असेल.
११. कुंभ लग्न असेल आणि सूर्य ७ वे स्थानात स्थित असेल तर :
७ वे स्थानात सिंह रास येईल, भार्या स्थानाचा मालक सूर्य जोडीदारास साधारण वैवाहिक सौख्य प्रदान करेल. तसेच स्त्रीच्या काम त्रिकोणातील हे एक स्थान आहे.
१२. मीन लग्न असेल आणि सूर्य ७ वे स्थानात स्थित असेल तर :
सूर्य सातव्या स्थानात ६ वे स्थानाचा स्वामी म्हणून येईल आणि जे स्त्रीच्या आरोग्यास हानिकारक ठरेल तसेच त्यामुळे ६ वे स्थान वाद, भांडणे आणि भांडणांचे घर असल्याने व सप्तम स्थानाचे देखील व्यय स्थान येत असल्याने वैवाहिक सौख्यात बाधा निर्माण करू शकते.
हा लेख लिहिण्या मागे उद्देश एवढाच आहे, कि कोणत्याही नियमावर डोळे झाकून विश्वास ठेवून अवलंबून न राहता त्या नियमाचे सर्व प्रकारे अवलोकन करून, अलिखित अशा गोष्टींचा मागोवा घेऊन, कुंडलीतील इतर सर्व घटक तपासून मगच एखाद्या निर्णयावर यावे. जेणेकरून तुमच्या कडे येणाऱ्या जातकास योग्य दिशेने मार्गदर्शन मिळून त्यानुसार त्यास वाटचालीत दिशादर्शक ठरेल.
ज्योतिष मित्र मिलिंद (पुणे) संपर्क : 7058115947 (सशुल्क कुंडली मार्गदर्शन)
कुंडलीतील राशीवरुन फलोदशाबरोबरच संबंधित ग्रह कोणत्या राशीचे, कोणत्या नक्षत्रात आहे याचा विचार करुन फलादेश सांगण्याने, फलितात अचुकता व सूक्ष्म कालनिर्णयाची प्रचिती येते.
उदा. मेष राशी मध्ये अश्विन चार चरण, भरणी ४ चरण व कृत्तिकेचे १ चरण आहे. मेष रास अश्विन नक्षत्रातील व्यक्ती विद्यादायी व नेतृत्व गुणाची व भरणी नक्षत्रातील परावलंबी व स्वार्थी, तसेच कृत्तिका नक्षत्रातील कर्तृत्ववान पण चिडखोर असण्याची शक्यता असते. तेव्हा भावाचे (स्थानाचे) मूळ गुणधर्म, त्यात असणारे ग्रह. ग्रहाची नक्षत्रे, यावर आधारित भविष्य अचुक येऊ शकेल. यावरील विवेचनावरुन असे दिसून येईल की उदा. सर्व मेष राशीच्या व्यक्तींच्या, लग्नी मेष रास असेल तर, एकाच प्रकारचा स्वभाव असू शकत नाही.
नक्षत्रे ही अढळ असतात. सूर्याच्या भ्रमण मार्गात (क्रांतिवृत्तात) काही ठळक, आकर्षक अशा तारकापुंजांना नक्षत्र असे म्हणतात. नक्षत्रे ही स्वयंप्रकाशित असतात. नक्षत्राचे गुणधर्म चर, स्थिर, मृदु, क्रूर, अंध, मध्य, मंद व सुलोचनी, ऊर्ध्व, अधो, तिरयक मुखाची असतात (तक्ता सोबत जोडला आहे). तशीच ती देवगण, मनुष्यगण, राक्षसगण यातही विभागली आहेत. यावरुन फलित सिद्ध करावे, तसेच मुहूर्त काढणेस उपयोग करुन घ्यावा.
गोचर विचारात जन्म राशीवरुन, गोचर ग्रहाचा परिणाम जसा आपण बघतो, त्याचप्रमाणे त्याहून सुक्ष्मरीत्या, तो गोचर ग्रह कोणत्या नक्षत्रात आहे. हे पाहून सूक्ष्म भविष्य सांगता येते.
आपल्या जन्म नक्षत्रापासून गोचर नक्षत्राचे परिणाम पुढीलप्रमाणे असतात.
प्रथम – उन्नतिकारक
दुसरे – संपत
तिसरे – विपत्त
चौथे – शुभ (क्षेम)
पाचवे – अशुभ (प्रयाण, प्रलय)
सहावे – साधक
सातवे – मृत्युकारक (वध)
आठवे – मित्रता दर्शक (मैत्र)
नववे – परम मित्रता दर्शक (परममैत्र)
परत दहाव्या पासून वरील क्रम पाहावा. पंचांगात ज्या त्या दिवसाचे कोणते नक्षत्र गोचरी आहे, हे दिलेले असते. त्यावरुन संबंधित दिवस आपणास कसा जाईल हे समजते.
नक्षत्राचे गुणधर्म :
ज्येष्ठा, मूळ, आश्लेशा नक्षत्रावर जन्म असलेस जनन शांती बाबत सविस्तर माहिती पंचांगा आधारे घेऊन शांती करावी. कसेच तिथी गंडान्त व लग्न गंडान्त या समयात जन्म झाला असल्यास ही जननशंती करावी लागते.
नक्षत्रात १४ योनी असून त्या त्या प्राण्याच्या स्वभावाप्रमाणे नक्षत्राचे गुण दिसून येतात. याबाबत अवकहडा चक्राचा अभ्यास करावा. नक्षत्राच्या देवता, आराध्यवृक्ष, चरणाक्षरे याचाही मानवी जीवनात उपासनेकरता वापर केला जातो.
चंद्रनक्षत्रावरुन महिन्याची नावे रूढ झाली आहेत. उदा. चित्रा चैत्र, अश्विनी – अश्विन इ.
सूर्य नक्षत्रे – रवि एका वर्षात २७ नक्षत्रातून भ्रमण करतो. पर्जन्य भविष्यात सूर्य नक्षत्राचा वापर करतात.
१) हरवलेली वस्तु असा प्रश्न असल्यास :
अंधलोचन नक्षत्रावर – पूर्वेस सापडते.
मंदलोचन नक्षत्रावर – हरवलेली वस्तू दक्षिणेस थोड्या वेळाने सापडते
मध्यलोचन नक्षत्रावर – पश्चिमेस दीर्घ प्रयत्नाने सापडण्याची शक्यता असते.
२) नक्षत्र – गण :
देव गण, मनुष्य गण, राक्षस गण यावरुन स्वभाव कळून येतो.
३) धृव नक्षत्रे, चर नक्षत्रे : उदा. धृव – घर बांधणे, चर – वाहन चालविणे. अशी नक्षत्रे पाहून त्यादिवशी संबंधित व्यवहार करावे.
असे हे जन्म नक्षत्राचे गुण असले तरी कुंडली फलितात इतरही बाबींचा विचार करुन निर्णय द्यावा लागतो. उदा. राशीची स्थानगत फले व त्यांच्यातील योग, ग्रह दृष्ट्या व इतर बाबी यांचा सांकल्याने पूर्वीच्या प्रकरणात विचार मांडला आहेच. सोबत नक्षत्रांचे शुभ-अशुभत्व, मुख, लोचन, स्वभाव गुण, कोणते कार्यास योग्य व नक्षत्र फलित यांचा तक्ता जोडला आहे. हा तक्ता, कुंडली – ग्रह नक्षत्राधारे फलादेशाकरता, तसेच निरनिराळ्या कार्याचे मुहूर्ताकरता उपयोगी पडेल.
वरील नक्षत्रे, एकाच राशीत असू शकतील (चारी चरणे) अथवा दोन राशीत विभागून असेल. उदा. अश्विनी नक्षत्राचे चारी चरण मे राशीत आहेत तथापि कृतिका नक्षत्राचे १ चरण मेष राशीत असून बाकी ३ चरण वृषभ राशीत आहेत. तेव्हा नक्षत्र व त्याचे चरण व ते कोणत्या राशीत आहे हे पाहून फलादेश द्यावा लागतो. याबाबत संपूर्ण तक्ता पंचागांतील अवकहडा चक्र पाहून ठरवावा.
नक्षत्र वर्णन :
१) आश्विनी नक्षत्र मेष रास : पराक्रमी नक्षत्र. आश्विनकुमार यास दधिची ऋषींकडून धर्नुविद्या शिकावयाची होती. तथापी, इंद्राचा त्यास विरोध होता. म्हणून आश्विनकुमारांनी दधिचेच मुख उडवून त्या जागी घोड्याचे मुख बसवून विद्या घेणेस प्रारंभ केला. हे इंद्रास कळाल्यावर त्याने घोड्याचे शिर उडवले. या नंतर आश्विनाने परत दधिचीचे तोडलेल शिर दधीचीला बसवले. अशा प्रकारे हे नक्षत्र उत्तम. शल्यविशारद समजले जाते. आश्विनकुमाराची धनुर्विद्या मात्र यामुळे खंडीत झाली. हे या नक्षत्रावर कार्यारंभ करतात. उच्चपदवी प्राप्त करणाऱ्यांचे असे नक्षत्र असते.
२) भरणी मेष रास :
क्रूर नक्षत्र, चैनबाज, या व्यक्तीत यमाचा कठोरपणा आढळतो. म्हणून हे यमधर्मी नक्षत्र मानतात. व्यक्ति काटक अंधश्रद्धी, स्त्रियांना अनुकूल नाही. स्त्रिया बेढब असतात. या नक्षत्रावर पूर्व जन्माचे पाप भोगावेच लागते. उपासनेचा उपयोग होत नाही. असे म्हणतात. अधोमुखी नक्षत्र, विहीर खणणेस योग्य. पाया भरणीसही चांगले.
३) कृतिका मेष- ४ थे चरण, वृषभ ३ चरण : कर्तृत्ववान पण कुर्रेबाज. या नक्षत्रात ६ तारकांचा पुंजा आढळतो. या मागील कथा अशी आहे. सप्तर्षी (सात ऋषि) आपल्या पत्निसह ध्रुव प्रदेशातून दक्षिण दिशेस वाटचाल करत होते. मध्यंतरी उबेसाठी त्यांनी शेकोटी केली. काही समयानंतर सात ऋषि मार्गस्थ झाले. तथापि त्यांचे सोबत वसिष्ठासह फक्त अरुंधति मार्गस्थ झाली व बाकी सहा कन्या शेकोटीपाशीच थांबल्या व शापामुळे त्या जागीच स्थित झाल्या. या सहांना शंकरांचे प्रसादाने कार्तिकस्वामी षडाननाची पुत्र प्राप्ती झाली. हे नक्षत्र कोपिष्ट व निश्चयी आहे. सुलोचनी नक्षत्र, बांधा मजबूत व आकर्षक, स्त्रिया सुंदर पण उग्र, फटकळ व फॅशनेबल. या नक्षत्रात डॉक्टर्स, इंजिनिअर्स व अम्मलदार आढळतात. शस्त्रक्रियेच्या मुहूर्ताला हे नक्षत्र योग्य आहे.
४) रोहिणी वृषभ रास – रूपगर्विता : रोहिणी नक्षत्र अतिशुभ व सिद्धी देणारे. हे एकच नक्षत्र सर्व प्रकारचे शुभत्व देते. स्त्रियांना हे नक्षत्र वरदान आहे. अंग पुष्ठ, रोहिणी नक्षत्राचा फुललेला टपोरा गुलाबाची उपमा देतात. हस्ताक्षर मोठे. स्थिर नक्षत्र पाया भरणी व कळस चढवण्यासही योग्य.
५) मृगशीर्ष- वृषभ – २ चरण, मिथुन – २ चरण : वात्सल्य व कला – कौशल्याने युक्त नक्षत्र.
हे नक्षत्र मंदलोचनी, तिर्य:मुख व देवगणी आहे. व्यक्ति सुशील, व्यवस्थीत वागणुकीची असते. अंगकाठी, बारीक अशी व्यक्ति फार मोठ्या पदावर पोचत नाही. प्रकृती नाजूक. सर्व शुभ कार्याला नक्षत्र चांगले.
६) आर्द्रा मिथुन : तीक्ष्ण व दारुण नक्षत्र, अविचार पण बुद्धीमान व्यक्ति, बांधा उंच. स्त्रीयांना हे नक्षत्र अनुकूल नाही. व्यक्ति भांडकुदळ व बोलण्यात दोष असतो.
शुभकार्यास वर्ज्य नक्षत्र
७) पुनर्वसू मिथुन – ३, कर्क -१ : माणसांचे पुनर्वसन करणारे नक्षत्र. बांधा उंच, बुद्धिमान. स्त्रियांना हे नक्षत्र उत्तम. शुभकार्यास प्रशस्त नक्षत्र.
८) पुष्य – कर्क : नक्षत्राचा राजा
पुष्य नक्षत्रावर जन्म म्हणजे व्यक्तिस देवांचा पाठींबा आहे, असे समजावे. प्रसिद्धीपासून विन्मुख, देवगणी, आनंदी व उदार व्यक्तिमत्व. उंच व मांसल बांधा. शुभगुणी – परंतु विवाह मुहुर्तास वर्ज्य
९) आश्लेषा – कर्क : पृथ्वीचा भार घेणारे
पं. नेहरू यांचे हे नक्षत्र. त्यांनी भारताच्या अभिवृद्धीचा भार घेतला. बांधा मध्यम, उंच, चालणे तिरपे क्रूर नक्षत्र म्हणून जनन शांती आवश्यक. स्त्रीयांना अनानकुल नक्षत्र, पराक्रमी पण ऐषारामी, अधोमुख नक्षत्र.
१०) मघा – सिंह : ‘पडतील मघा तर पिकतील शेते बघा’
फलदायी नक्षत्र, क्रूर, अधोमुखी व मध्यलोचनी. पुरुषांना योग्य नक्षत्र. विशाल छाती – ऐटबाज चालणे, रागीट स्वभाव, स्त्रिया पुरुषा बांध्याच्या असतात. या नक्षत्रात अधिकारी वर्ग जास्त दिसून येतो. हे नक्षत्र पितराचे दैवत आहे. नक्षत्रात ‘गुरु’ असेल अथवा पंचमेशात हे नक्षत्र दिसून आल्यास, सदर व्यक्तिचा वंश खुंटतो. विवाह कार्यास अनुकूल नक्षत्र. तसेच हे अधोमुखी नक्षत्र असून शस्त्रक्रिया मुहुर्तासही योग्य आहे.
(११) पुर्वाफाल्गुनी– सिंह :
अधोमुखी, क्रूर व सुलोचनी नक्षत्र. व्यक्ति बुद्धीमान, भोगी, पराक्रमी व खेळाडू असते. स्त्रिया पुरुषी बांधाच्या, हस्ताक्षर बारीक व उभट या नक्षत्राच्या व्यक्ति अम्मल बजावणी खात्यात परंतु अधिकारी नसतात.
१२) उत्तरा फाल्गुनी- सिंह- १ चरण, कन्या- ३ चरण ‘मोगऱ्यासारखे दरवळणारे’
ऊर्ध्वमुखी, अंधलोचनी, शुभ नक्षत्र, सात्त्विक प्रवृत्ति, आश्रीत गुणधर्माची, बांधा उंच व सडसडीत, कार्य तत्पर, स्त्रिया खेळकर स्वभावाच्या, नम्र, धैर्याने प्रसंगाला तोंड देणाऱ्या म्हणूनच रखरखीत उन्हाळ्यात, मोगऱ्याप्रमाणे सुवास देणारे नक्षत्र असे या नक्षत्रास म्हटले आहे.
१३) हस्त – कन्या : यौवनाच्या उंबरठ्यावरील लाजाळू देवगणी, सात्विक व निर्व्यसनी. या नक्षत्रातील स्त्रिया प्रौढ वयातही कुमारिका वाटतात. संसाराची आवड असते. बांधा मध्यम व पुष्ट.
१४) चित्रा – कन्या – २, तुळा – २ : तारुण्याने मुसमुसलेली.
अत्यंत ठळक नक्षत्र, व्याधानंतर ठळकपणात याचा दुसरा नंबर लागतो. देवगणी, सात्विक पण व्यवहारी भोगाचे. बांधा उंच व भरदार.
रोहिणी नक्षत्राची स्त्री हा गावठी गुलाब (बागायतदाराची पत्नि) तर स्वाति हा काश्मिरी गुलाब (श्रीमंत व्यापाऱ्याची पत्नी) अशी तुलना केली जाते.
नक्षत्र सुलोचनी असून मुहूर्त शास्त्रात महत्त्वाचे आहे.
१६) विशाखा (राधा) तुला – ३, वृश्चिक – १ पर्णहिन नक्षत्र.
राक्षसगणी व अशुभ नक्षत्र, विद्वान पण आश्रित, तामसी, अविचारी या नक्षत्रात जर गुरु अथवा शनि असलेस अपत्यहिनता दर्शवते.
१७) अनुराधा वृश्चिक: मादक व मोहक
राधा (स्वाति) नक्षत्रानंतरचे नक्षत्र म्हणून अनुराधा असे संबोधिले आहे.
शुभ, देवगणी, कलाकुसर व छानछोकीचे छंद असलेले व्यक्तिमत्त्व. बांधा आडवा व पुष्ठ स्त्रियांना हे नक्षत्र वरदान आहे. या नक्षत्राच्या व्यक्तिचे नेत्र मादक असतात.
१८) ज्येष्ठा वृश्चिक : ज्येष्ठ पदासाठी धडपडणारे
राक्षसगणी. हा प्रखर तारा आहे. अत्यंत लालभडक रंग असून याचा व्यास सूर्याचे २८५ पट आहे. नक्षत्र मध्यलोचनी असून व्यक्ति हट्टी, भांडखोर व विश्वासघातकी, तथापी हे नक्षत्र माणसाला ज्येष्ठ पदापर्यंत पोहचवते. दुर्योधनाचे नक्षत्र ज्येष्ठ होते. बांधा मध्यम व बळकट, स्त्रियांना अशुभ, जनन-शांती आवश्यक. मुहुर्तास वर्ज्य नक्षत्र.
१९) मूळ धनू :
महापराक्रमी नक्षत्र. राक्षस गणी असून देखील हे शुभ व सात्विक नक्षत्रात गणले जाते.
मूळ नक्षत्राच्या व्यक्ति, दुसऱ्याच्या मुळावर येऊन त्याची जागा पटकावते. बांधा मध्यम व सडपातळ काटक. संत ज्ञानेश्वरांचे नक्षत्र मूळ होते. विवाह मुहुर्तास, शस्त्रक्रिया कार्यास योग्य.
२०) पूर्वाषाढा धनू :
अधोमुख, उग्र, अंधलोचनी, न्यायी व उदार, राकट व काटक, खादाड.
२१) उत्तराषाढा – धनु -१, मकर ३ : सेवावृत्तिचे पण आश्रित
उदात्त, न्यायी, चिकाटी, विनयशील आणि आश्रित असे हे नक्षत्र आहे. बांधा उंच मजबूत. मुहूर्तकार्यास (पायाभरणी) शुभ.
२२) श्रवण मकर – सेवावृत्तिचे तेजस्वी पण आश्रित
श्रवणबाळावरून या नक्षत्रास हे नाव पडले आहे. शापित नक्षत्र असलेने वरुन सुखी पण आतुन दुःखी असे व्यक्तिमत्त्व असते. देवगणी, उर्ध्वमुख व सुलोचनी, बेढब बांधा, दिसावयास तेजस्वी, साधु पुरुषासारखे उदार व धार्मिक सर्व शुभ कार्यास योग्य नक्षत्र.
धनिष्ठा मकर – २, कुंभ – २ : भीष्म प्रतिज्ञा करणारे. भीष्माचार्यांचे धनिष्ठा नक्षत्र होते. राक्षसगाणी, अंधलोचनी, निश्चयी व पराक्रमी. बांधा मध्यम, उंच, हाडपेर मोठे व रुंद स्वपराक्रमाने उच्चपद प्राप्त करणारे. हस्ताक्षर बारीक असते.
२४) शततारका कुंभ – ४ : कलाबुद्धी व अधिकार देणारे
अप्रतिम बुद्धी, संशोधक. मंदलोचनी, राक्षसगणी, कल्याणकारक, धुर्त, मनाचा पत्ता न लागू देणारे बांधा उंच व सडपातळ, स्त्रिया मात्र अरसिक असतात. हे एक नक्षत्र सर्व क्षेत्रात उच्च शिक्षण दर्शविते. मुहर्त शास्त्रास अनुकुल नाही.
२५) पुर्वा – भाद्रपदा कुंभ ३ मीन – १ : बुद्धिमान पण आश्रित
पूर्व भाद्रपदा म्हणजे पुर्वायुष्यात व्यक्तिचे भद्र (चांगली) करणारे. अधोमुख, उग्र मनुष्यगणी, चिकाटी, दुरदर्शी, प्रगल्भ बुद्धी, कुटुंबवत्सल, बांधा उंच व भारदस्त. सदाचारी व देवभक्त. मुहुर्तशास्त्रात फारसे महत्त्वाचे नाही.
२६) उत्तराभ्रदपदा मीन : उत्तरायुष्यात व्यक्तिचे कल्याण करणारे चिकाटी व न्यायी. शुभ नक्षत्र, विद्वान व लोकप्रिय. बांधा मध्यम, उंच व आडवा. हस्ताक्षर मोठे व वेडेवाकडे. मुहुर्त कार्यात हे नक्षत्र सर्व कार्यास शुभ.
२७) रेवती मीन : कोमजलेली सुंदर बालिका
अशक्त नक्षत्र, फिकट. (देवयानी, जटायू व आश्विन या प्रखर ताऱ्यांनी वेढल्यामुळे) व्यक्तीमध्ये भूतदया, मनवता व शीतल स्वभाव आढळून येतो.. स्वकर्तृत्व नसते. बांधा मध्यम व ठेंगू, घरकोंबडे, सुस्त, स्त्रिया सुंदर असतात. सुशिक्षित व सुखवस्तु मुहुर्तशास्त्रात शुभ.
ज्योतिष मित्र मिलिंद (पुणे) संपर्क : 7058115947 (सशुल्क कुंडली मार्गदर्शन)
विषय : राशीची देवता प्रसन्न करून घेण्याचे मंत्र संकलक : ज्योतिष मित्र मिलिंद संदर्भ : बापट शास्त्री लिखित रावण संहिता
नमस्कार, सर्वांनाच माहित आहे की, महाप्रतापी त्र्यैलोक्य विजेता, महापंडित, महर्षि पुलस्त्य यांचा नातू व महर्षि विश्रवा यांचा पुत्र लंकाधिपति दशानन रावण सर्वगुणसंपन्न होते. ज्योतिष- शास्त्रातील प्रकांड पंडित होते; व जप, तप, यज्ञ, अनुष्ठान आदि गोष्टीत पारंगत होते. सखोल ज्ञान, कठोर साधना याचे जोरावर त्याने भगवान शंकरास देखील प्रसन्न करून घेतले होते. भू – स्वर शास्त्रानुसार ८ लाख ८० हजार ७८ वर्ष जुना असलेला रावण संहिता हा ग्रंथ आज देखील तेवढाच उपयुक्त आहे. त्याच रावण संहितेत राशी ची देवता व त्या देवतेस प्रसन्न करण्यासाठी चा मंत्र दिला आहे. आपल्या माहितीसाठी ते मंत्र येथे देत आहे.
बारा राशींचे तंत्रोक्त मंत्र
प्रत्येक व्यक्तिने आपल्या सोयीनुसार दररोज आपल्या राशीच्या अधिष्ठित मंत्राचा एक माळ जप केल्यास त्याला शुभफल प्राप्ती होते. किंवा संकटाचे ढग आले असतील तर या मंत्राच्या जपाने संकट निवारण होऊन आपण अधिक सक्षम होऊ शकाल.
१) मेष :- आपले मुख्य दैवत हनुमान आहे की, जो अत्यंत बलवान् व भक्तांची संकटे दूर करण्यात मदत करतो. म्हणून प्रत्येक मंगळवारी, गव्हाच्या चपात्या करून गूळ, तूप घालून लाडू (मलिदा ) तयार करावा व त्याचा नेवैद्य दाखवावा म्हणजे मनोकामना पूर्ण होतील.
मंत्र :- ॐ हुं श्रीं मंगलाय नमः ।
जप संख्या – १८ हजार.
२) वृषभ :- आपले मुख्य दैवत कार्तवीर्यार्जुन आहे. जो देवतामध्ये श्रेष्ठ आहे. सर्व प्रकारच्या अडचणी दूर करून सर्व कार्य हे दैवत निर्विघ्नपणे सिद्धिस नेतो. त्याची मूर्ति देवघरात ठेवावी.
मंत्र :- ॐ ह्रीं श्रीं शुक्राय नमः ।
जप संख्या – २१ हजार.
३) मिथुन : मूर्तीची प्रतिष्ठापना करावी व सकाळी मुखप्रक्षालन झाल्यावर पुढील आपले मुख्य दैवत लक्ष्मी आहे. घरात लक्ष्मीच्या मंत्राचा जप करावा. मंत्र :- ॐ ऐं स्त्रीं श्रीं बुधाय नमः ।
जप संख्या ११ हजार.
४) कर्क:- आपले मुख्य दैवत शंकर आहे. नियमित दर्शन घेऊन भोजन करावे. घरात शंकराची मूर्ति स्थापित करावी म्हणजे सर्व इच्छा पूर्ण होतील.
मंत्र :- ॐ श्रीं क्रीं चं चंद्राय नमः ।
जप संख्या – ११ हजार.
५) सिंह आपले मुख्य दैवत सूर्य आहे. सूर्योपासना करावी. उगवत्या सूर्याचे दर्शन घेऊन दैनंदिन कामे करावीत. त्यानंतर पुढील मंत्राचा जप करावा म्हणजे त्याचे फळ आपल्या अनुभवास येईल.
मंत्र :- ॐ ह्रीं ह्रीं सूर्याय नमः ।
जप संख्या – १० हजार.
६) कन्या :- भगवान् श्रीकृष्ण आपले मुख्य दैवत आहे. श्रीकृष्णाचे ध्यान करावे. पिवळे तांदूळ, पिवळा हलवा याचा नैवेद्य दाखवावा म्हणजे प्रगतीच्या संधि मिळतील.
मंत्र ॐ ह्रीं पीताम्बराय परमात्मने नमः ।
जप संख्या १२ हजार..
७) तूळ :- तूळ राशीच्या व्यक्तिंनी सहकुटुंब प्रभु श्रीरामाची पूजा करावी, म्हणजे फायदा होईल, मिष्ठान्नासह रामाची पूजा करावी.
मंत्र :- ॐ शुं शुक्राय नमः ।
जप संख्या १६ हजार.
८) वृश्चिक :- नरसिंह या राशीचे दैवत आहे. जर शक्य झाले तर नरसिंहाचे दर्शन घेऊन नरसिंह पुराण वाचून पुढील मंत्राचा जप करावा.
मंत्र :- ॐ हुं श्रीं मंगलाय नमः ।
जप संख्या -९ हजार.
९) धनु :- विष्णु हे या राशीचे दैवत आहे. म्हणून या राशीच्या लोकांनी भगवान् विष्णूची उपासना करावी. सकाळी उठल्यावर विष्णूच्या मूर्तीचे दर्शन घेतल्यास लाभदायक ठरेल.
मंत्र :- ॐ बृं बृहस्पतये नमः ।
जप संख्या १६ हजार..
१०) मकर :- मकर राशीच्या लोकांनी गोविंदगोपाळची पूजा करावी. गाईला हिरवे गवत, पेंड साखर टाकून घालावी. कृष्णासह गुराख्यांचेही स्मरण करावे.
मंत्र :- ॐ ह्रीं श्रीं क्रीं धरणीधराय नमः ।
जप संख्या – १७ हजार.
११) कुंभ : कुबेर या राशीचे दैवत आहे. नियमितपणे कुबेराची उपासना करावी. शक्य झाल्यास अमोघ मंत्राचा जप करावा म्हणजे जीवन समृद्ध होईल.
मंत्र :- ॐ ऐं ह्रीं श्रीं शनैश्चराय नमः ।
जप संख्या २० हजार.
१२) मीन :- जगदम्बा ही आराध्य देवता आहे. घरात जगदंबेची मूर्ति स्थापन करावी. पांढरी फुले वाहून तिची पूजा करावी. व नियमितपणे जप करावा म्हणजे समृद्धि मिळेल.
मंत्र :- ॐ ऐं क्लीं बृहस्पतये नमः ।
जप संख्या – १६ हजार.
ज्योतिष मित्र मिलिंद (पुणे) संपर्क : 7058115947 (सशुल्क कुंडली मार्गदर्शन)
विषय : राशींचे गुणधर्म, लिंग, वर्ण, तत्व, शुभांक, रत्नादि कोष्टक संकलक : ज्योतिष मित्र मिलिंद
नमस्कार, मध्यंतरी मी एक कोष्टक प्रकाशित केले होते. त्यात ग्रहांचे मित्र, शत्रु व सम प्रकारचे ग्रह, तत्व, दृष्टि, लिंग, दिशा, भाग्योदय वर्षे, भाग्यांक ई. ढ़ोबळ परन्तु उपयुक्त माहिती दिलेली होती. आज असेच एक स्वनिर्मित कोष्टक देत आहे, ज्यात राशींचे गुणधर्म, लिंग, वर्ण, तत्व, शुभांक, रत्नादि गोष्टी तुम्हाला तत्काळ पाहता येतील व उपयुक्त ठरतील. (टीप : चार्ट मध्ये भरपूर माहिती असल्याने download केला तर zoom करुन व्यवस्थित वाचता येईल.)
ज्योतिष मित्र मिलिंद (पुणे) संपर्क : ७०५८११५९४७ (सशुल्क कुंडली मार्गदर्शन)
आज आपण सूर्याचे नक्षत्री ग्रह स्थित असता (केपी प्रमाणे) मिळणारे फळ पाहणार आहोत.
सूर्य हा कृतिका, उत्तराफाल्गुनी व उत्तराषाढा या नक्षत्रांचा अधिपति ग्रह आहे.
नक्षत्रांचे पारंपारिक संक्षिप्त वर्णन :
कृत्तिका नक्षत्र : नक्षत्र मालिकेतील ३ रे नक्षत्र आहे. हे नक्षत्र त्रिपाद असून त्याचा पहिला चरण मेषेत व पुढील ३ चरण वृषभेत आहेत. या चार चरणांवर अनुक्रमे गुरु शनि, शनि व गुरु यांचे स्वामित्व आहे. नक्षत्र क्रूर अधोमुखी व सुलोचनी आहे. नक्षत्राचा स्वामी रवि, राशीस्वामी मंगळ वा शुक्र असल्याने या नक्षत्रात रवीचा करारीपणा, मंगळाचा तापटपणा व शुक्राचे सौंदर्य यांचा सुरेख संगम झालेला दिसून येतो. दैवत अग्नी असल्याने त्या अग्नीप्रमाणेच नक्षत्र प्रखर, व कोपिष्ठ आहे. कृत्तिका नक्षत्र अंतर्गत अंत्य नाडी, मेष योनी व राक्षस गण अंतर्भूत असून आ ई ऊ ए ही चरणाक्षरे येतात.
उत्तराफाल्गुनी नक्षत्र : नक्षत्र मालिकेतील १२ वे नक्षत्र आहे. नक्षत्राचा पहिला चरण सिंह राशीत व पुढील ३ चरण कन्या राशीत येत असल्याने हे नक्षत्र त्रिपाद आहे, तसेच ते ऊर्ध्वमुखी, स्थिरमिश्र, मनुष्यगणी व अवलोचनी आहे. या नक्षत्रात प्रामुख्याने रवीचे विविध गुणधर्म आढळून येतात. विशेषतः रवीची नक्षत्राचा स्वामी रवि, राशी स्वामी रवि व बुध व दैवत सूर्यदेव असल्याने कर्तबगारी व कर्तृत्व, उदात्तपणा, राजाचे शुभ गुण व बुधाचा चुणचुणीतपणा यांचा सुंदर मिलाफ झालेला दिसून येतो. अग्नीसारखा प्रखर रवि या नक्षत्रात शीतल फलादेश देतो. उत्तरा फाल्गुनी नक्षत्र अंतर्गत आद्य नाडी, गो योनी, मनुष्य गण तसेच टे टो पा पी ही चरणाक्षरे येतात.
उत्तराषाढा नक्षत्र : हे नक्षत्र मालिकेतील २१वे नक्षत्र आहे. या नक्षत्राचा पहिला चरण धनु राशीत व पुढील तीन चरण मकर राशीत येत असल्याने हे नक्षत्र त्रिपाद आहे. नक्षत्राचा स्वामी तेजस्वी असल्याने रवि, राशी स्वामी गुरु व शनी आणि दैव विश्वदेव नावाची देवता असल्याने या नक्षत्रात रवीची कीर्ती व उदात्तपणा, गुरूचा न्यायीपणा, शनीची चिकाटी व निश्चय आणि विद्येप्रमाणे समाजावर उपकार करणारे अशा सुंदर व सात्विक गुणांचा प्रभाव दिसून येतो. नक्षत्राचे वैशिष्ट्य महणजे शनिव रवि या विरोधी तत्वांच्या व शत्रुग्रहांचे शुभगुणधर्म विकसित झालेले दिसून येतात. म्हणजे शनीचा कंजूषपणा व संशयीपणा नसून चिकित्सक वृत्ती व कष्टाळूपणा दिसतो व रविचा स्थिर व उदात्तपणा दिसून येतो. हे मंदलोचनी, अधोमुख, स्थिर व रजोगुणी नक्षत्र आहे. उत्तराषाढा नक्षत्रा अंतर्गत अंत्य नाडी, मुंगूस योनी, मनुष्य गण व भे भो जा जी ही चरणाक्षरे येतात.
कृष्णमुर्ती पद्धतीमध्ये नक्षत्र स्वामीला अनन्य साधारण महत्व आहे. कारण ही नक्षत्राधारित पद्धत आहे. पारंपारिक पद्धतीत देखील नक्षत्र फळाचा उत्तम वापर करू शकता.
सूर्य हा कृतिका, उत्तराफाल्गुनी व उत्तराषाढा या नक्षत्रांचा अधिपति ग्रह आहे.
कोणताही ग्रह असो व तो कोणत्याही स्थानाचा स्वामी असो किंवा तो कोणत्याही स्थानी स्थित असो, जर तो सूर्याच्या नक्षत्रामध्ये स्थित असेल, तर तो सुर्याची स्थिति व त्याचे अधिपत्यानुसार सूर्य द्वारा दर्शित फल देईल.
उदा. समजा एखाया जातकाचा जन्म कर्क लग्नी झाला आहे व सूर्य मेष राशी मध्ये दशम भाव मध्ये आहे. कोणताही ग्रह सूर्य द्वारा दर्शित फल प्रमुखपणे दशम स्थानाचे देईल व त्यानंतर सूर्य द्वितीयेश असल्याने दुस-या स्थानाचे फळ पण देईल.
समजा की शुक्र वृषभ राशीमध्ये कृत्तिका नक्षत्रामध्ये आहे. तेव्हा शुक्र प्रमुखपणे दशम स्थानाचे फल देईल, त्यानंतर द्वितीय स्थानाचे फल देईल. हा फला करिता मुख्य स्त्रोत शुक्र आहे, जो स्वत:चे स्वामित्व, स्वभाव व स्थितिच्या अनुसार पूर्ति करेल.
थोडक्यात शुक्र फळ (१०) २ (११) ४ ११ असे असेल, कारण कर्क लग्नाला शुक्राच्या वृषभ व तूळ राशी ४ थे व ११ वे स्थानी येतील.
सूर्य १ ले स्थाना मध्ये अथवा १ चा अधिपती आहे याचे तात्पर्य कि, जर सूर्य लग्न स्थानी अथवा सूर्य लग्न स्वामी असला तर, प्रथम स्थान अथवा अधिपतिचे फळ त्या ग्रहा द्वारा मिळेल, जो सूर्याच्या नक्षत्री असेल. जन्म लग्न अनुसार सूर्य प्रथम स्थानी असता अथवा सिंह लग्न असता सूर्य प्रथमेश असेल, तेव्हा वरील विश्लेषण लागू होईल.
अश्या प्रकारे सर्व लग्ना चे जातका करिता जर सूर्य पंचम ‘स्थानी स्थित असता उत्तरा फालुनी नक्षत्रामध्ये स्थित ग्रह प्रमुखपणे पंचम भावाचे फळ देईल, मग तो कोणत्याही स्थानी का असेना. अश्याच प्रकारे फळ मेष लग्नास, सूर्य पंचमेश असेल तेव्हाही मिळेल.
सूर्याच्या मालकीची तीन नक्षत्रे कृतिका, उत्तरा फाल्गुनी व उत्तराषाढा मध्ये जो ग्रह स्थित असेल त्याची दशा चालू असताना हे फळ जातकास मिळेल.
इथे अशाप्रकारे निर्माण होणार्या १२ स्थितींचे फळ आपल्या माहितीसाठी देत आहे.
(१) सूर्य प्रथम स्थानामध्ये स्थित असता अथवा प्रथम स्थानाचा अधिपती (प्रथमेश) असता :
जातक उदार, निश्चयी, स्पष्टवादी असेल. सन्मानाची प्राप्ती होईल. जातक स्वतंत्र विचारांचा व आशावादी असेल. उत्तम शरीर प्रकृति असेल. जातक प्रयत्नामध्ये सफलता प्राप्त करेल. अधिकारी वर्गाशी उत्तम व सलोख्याचे संबंध प्राप्त करेल. सरळ, सुलभ आयुष्य असेल. कामाचे ठिकाणी अधिकारी असेल किंवा पदोन्नति प्राप्त करेल. दृष्टी थोडी अधू असू शकते.
(२) सूर्य द्वितीय स्थानामध्ये स्थित असता अथवा द्वितीय स्थानाचा अधिपती (द्वितीयेश) असता :
जातकास उत्तराधिकार प्राप्त होईल, एखादा उद्योग व्यवसाय असू शकतो. शासकिय योजनेचा लाभ मिळू शकतो. जातक कामाचे ठिकाणी जबाबदारीचे पदावर नियुक्त होईल. जातक उदार, सामाजिक व्यक्तिमत्व, खेळाची आवड असलेला, मनोरंजन प्रिय असेल.
सूर्य पीड़ित असता धनहानि होईल. अनैतिक मार्गाने आयुष्य जगणारा, बोलण्यात विखार असलेला, पैशाचा अपव्यय करणारा, पैसे उडवणारा असू शकतो.
(३) सूर्य तृतीय स्थानामध्ये स्थित असता अथवा तृतीय स्थानाचा अधिपती (तृतीयेश) असता :
जातकास मान सम्मान प्राप्त होईल. तो दृढ, साहसी व पराक्रमी, कर्तुत्ववान असेल. जातकास नातेवाईकाकडून लाभ मिळतील. शेजा-याशी चागले संबंध राखण्यात यशस्वी होईल. ट्रेडिंग व्यवसाय, एजेन्सी वा व्यापारामध्ये मध्ये सफलताप्राप्त करेल. जातक कार्यशील, शत्रु वर विजय मिळवणारा, असेल. उत्तम प्रकृति लाभेल.
सूर्य पीड़ित असता जातकास दुःख, कष्ट, खोट्या तक्रारी, अडचणींचा सामना करावा लागेल.
(४) सूर्य चतुर्थ स्थानामध्ये स्थित असता अथवा चतुर्थ स्थानाचा अधिपती (चतुर्थेश) असता :
जातकाच्या महत्वाकांक्षांची पूर्ति होते. मालमत्ता खरेदी, जमिनीची प्राप्ति अथवा भू-संपत्तीच्या माध्यमाने फायदा, पैतृक संपत्तीची प्राप्ति होते.
सूर्य पीड़ित असता कष्ट, म्हातारपणी अडचणी, ब्लड प्रेशर, परिवारामध्ये कलह व संपत्तीची हानि होते.
(५) सूर्य पंचम स्थानामध्ये स्थित असता अथवा पंचम स्थानाचा अधिपती (पंचमेश) असता :
जातकास सट्टा व्दारे फायदा होतो. मनोरंजन, सिनेमा, खेळ ई. ची आवड असते. जातकास जंगला मध्ये फिरण्याची आवड असू शकते. संतति जन्माच्या वेळी अडचणी येऊ शकतात. पोटाच्या आतड्या मध्ये दोष उद्भवू शकतात.
सूर्य पीड़ित असता जातकास हानि, प्रेम प्रकरणामध्ये अपयश, मुलांना कष्ट, लग्नाची बोलणी बिघडू शकतात.
(६) सूर्य षष्ठ स्थानामध्ये स्थित असता अथवा षष्ठम स्थानाचा अधिपती (षष्ठमेश) असता :
जातकाच्या आरोग्यामध्ये बिघाड होतो. कमजोर शरीर रचना असते. नोकरी मध्ये भाग्योदय, पदोन्नति प्राप्त होऊ शकते.
पिडीत असता शरीरातील रसायन, हृदय रोग, अंग रोग संबंधी त्रास होऊ शकतो. औषधे, दवाखाना मागे लागू शकतो. बुद्धिमानी व दृढ़ निश्चयाने शत्रुवर विजय मिळवतो. मोठा परिवार असू शकतो. प्रयत्नपूर्वक आत्मसन्मान मिळवतो.
(७) सूर्य सप्तम स्थानामध्ये स्थित असता अथवा सप्तम स्थानाचा अधिपती (सप्तमेश) असता :
जातकाचा लग्नानंतर भाग्योदय होतो. निश्चित व स्थायी संबंध प्राप्त होतात. प्रसिद्ध व्यक्ती होतो. मध्यस्थता द्वारा कोर्ट मुकादम्यात मध्ये बचाव वा तडजोड केली जाते. व्यापारा द्वारा लाभ मिळतो.
पीड़ित असता नैतिक पतन, उशीरा विवाह, बायकोच्या धाकात राहणारा, यात्रा करणारा, पति-पत्नी दोघांचे चरित्र संदिग्ध, शुभ दृष्टि असता गुणी अन्यथा दोन बायका, जोडीदाराचे आजारपण, दृष्टि मध्ये दोष, अधिकारी वर्गाची अवकृपा वाट्यास येते.
(८) सूर्य अष्टम स्थानामध्ये स्थित असता अथवा अष्टम स्थानाचा अधिपती (अष्टमेश) असता :
जातकास लग्नानन्तर उत्तम माग्योदय लाभतो. पार्टनरशिप मध्ये लाभ, आत्मबलिदान अथवा एखाया दिव्य कार्य द्वारा अंत. दीर्घायु असू शकतो. कमी संतान असू शकते.
सूर्य जर पीडीत असता कमजोर शरीर, अधू डोळे, मितव्ययी, हिंसे द्वारा मृत्यु, स्त्री च्या कुंडली मध्ये असता वैधव्य, धन हानि, अनैतिक संबंध, कोर्ट कचेरी व दरिद्रता.
(९) सूर्य नवम स्थानामध्ये स्थित असता अथवा नवम स्थानाचा अधिपती (नवमेश) असता :
जातक आत्मविश्वासू, धार्मिक, विश्वसनीय असतो. महाविद्यालय अथवा न्याय विभागाशी संबंधित असतो. प्रवासाद्वारे लाभ मिळतो. शोध कार्य करण्याची इच्छा असते, समुद्र यात्रा मध्ये सफलता मिळते. प्रसिद्धीत वाढ होते व जातक कीर्तिमान कार्य करणारा होतो. प्रयत्ना मध्ये सफलता, स्वअर्जित अपार संपत्तीचा मालक असतो.
(१०) सूर्य दशम स्थानामध्ये स्थित असता अथवा दशम स्थानाचा अधिपती (दशमेश) असता :
जातकाच्या प्राप्ति मध्ये वाढ होईल. सामाजिक व जीवनस्तर उंचावेल. सन्मान प्राप्त होतील व अधिकारामध्ये वाढ होईल.उत्तराधिकार प्राप्त होईल. व्यापार व्यवसायामध्ये विकास, नोकरीमध्ये पदोन्नति, हीरे-जवाहरात संपन्न, व्यवहार कुशल, संगीत व कलेचा शौकीन, समाजाचा अध्यक्ष, राजनैतिक जीवना मध्ये सफलता. ग्रामसेवक ई.
(११) सूर्य लाभ स्थानामध्ये स्थित असता अथवा लाभ स्थानाचा अधिपती (लाभेश) असता :
जातक महत्वाकांक्षी, हच्छापूर्ति होणे, सम्मानित, ईमानदार, शक्तिसंपन्न लोकाशी संबध, आशावादी, स्थायी मित्र, सामाजिक सफलता, उत्तम व्यापार, अनेक सुविधा, राजनीतिज्ञशी मैत्री, सिद्धांतयुक्त असतो.
(१२) सूर्य व्यय स्थानामध्ये स्थित असता अथवा व्यय स्थानाचा अधिपती (व्ययेश) असता :
जाताकास चिकित्सा, रसायन, रहस्य विज्ञान मध्ये यश मिळते. दवाखाना, तुरुंग, स्वास्थ्य लाभ गृह, ई. शी संबंधित असतो. एकांतप्रिय, आत्म बलिदानी असतो.
पीड़ित असता जातकास वाढीव खर्च, गरीबी असते, दुष्ट, विधवा स्त्रीस पसंत करणारा, शंका रहित, पत्नीशी विवाद, मुलांना संकटे, विदेशा मध्ये नुकसान ई. फळे प्राप्त होतात.
आज आपण ज्योतिष शास्त्रातील भाग्य सहम हा विषय घेणार आहोत.
भाग्य सहमला पुण्य सहम् असेही म्हणतात. पाश्चात्य ज्योतिषशास्त्रात भाग्य सहमला पार्स फॉर्च्यून किंवा भाग्याचा भाग म्हणतात. अरब ज्योतिषशास्त्रात याला अरबी भाग ARABIC PARTS किंवा LOTS (प्रारब्ध किंवा नशीब) म्हणतात. भाग्य सहम हा एक खगोलीय संवेदनशील गणितीय महत्त्वाचा मुद्दा आहे, जो शुभ परिणाम देतो. पाश्चिमात्य ज्योतिषशास्त्रात त्याच्या वेगवान गतीमुळे हे खूप महत्वाचे मानले आहे आणि जन्मकुंडली तयार करताना त्याची गणना केली जाते.
भाग्य सहम् ची गती प्रति भाग चार मिनिटे आहे. हे लग्न, सूर्य, चंद्राद्वारे स्पष्ट केले आहे. या तिन्हींची गती खूप असल्यामुळे थोड्या अंतरावर जन्मलेल्या व्यक्तींमध्ये त्याच्या स्थितीत अंतर पडते. याद्वारे एकाच अक्षांश-रेखांशावर काही मिनिटांच्या फरकाने जन्मलेल्या व्यक्तीची गुणवत्ता, प्रकृती, नशीब इत्यादीतील फरक सहजपणे तपासता येतो.
भाग्य सहम पहिल्या स्थानात शुक्ल प्रतिपदेला, दुसऱ्या स्थानात तृतीया, तिसऱ्या स्थानात शुक्ल पंचमी, चौथ्या स्थानात शुक्ल सप्तमी आणि सातव्या स्थानात पौर्णिमेला असतो. शुक्ल पक्षात जन्म झाला असता तो ०१ ते ०७ व्या स्थानात राहतो आणि कृष्ण पक्षात जन्म शुक्ल पक्षात जन्म झाला असता ०७ ते १२ व्या स्थानात राहतो.
स्पष्ट चंद्रामध्ये स्पष्ट लग्न जोडणे, त्या संयोग क्रमांकातून स्पष्ट सूर्य वजा केल्याने भाग्य सहम प्राप्त होईल. सूर्य आणि चंद्रामध्ये जितके अंतर असते, लग्नापासून तितक्याच अंतरावर भाग्य सहम असतो.
जर जन्म वेळ दिवस किंवा रात्र असेल त्याप्रमाणे भाग्य सहमची गणना खालील सूत्रानुसार केली जाते.
जेव्हा जन्म वेळ दिवसा असते : भाग्य सहम = स्पष्ट लग्न + स्पष्ट चंद्र – स्पष्ट सूर्य.
जेव्हा जन्माची वेळ रात्री असते: भाग्य सहम = स्पष्ट लग्न + स्पष्ट सूर्य – स्पष्ट चंद्र.
भाग्य सहमचे तीन मुख्य बिंदू म्हणजे लग्न, सूर्य आणि चंद्र. लग्न हे भौतिक शरीराचा आणि आरोग्याचे सूचक आहे. चंद्र शरीरातील आत्म्याचा सूचक आहे. सूर्य हा जिवंत भौतिक शरीराचा, त्याच्या शारीरिक आणि सामाजिक संबंधांचा सूचक आहे. भाग्य सहम हे आरोग्य, संपत्ती, जीवनातील स्थितीचे स्तर दर्शवते. शुभ भाग्य सहम म्हणजे समाधानकारक जीवन, मजबूत शरीर, योग्य वित्त, सकारात्मक आदर, ओळख, चांगला व्यवसाय. म्हणूनच भाग्य सहमवर कोणताही नकारात्मक प्रभाव पडू नये.
भाग्य सहम वर नकारात्मक प्रभाव:
१) जर सूर्य आणि चंद्र अपायकारक (स्वराशीपासून ७ वी रास) किंवा नीच राशी मध्ये असतील तर भाग्य सहम वर नकारात्मक प्रभाव पडतो.
२) ज्या स्थानामध्ये भाग्य सहम स्थित आहे त्याचा स्वामी अशुभ (स्वतःच्या राशीतून सातवा) किंवा निर्बली असेल तर भाग्य सहम वर नकारात्मक प्रभाव पडतो.
३) जर भाग्य सहम वर शुभ ग्रहाची दृष्टी असेल आणि तो ग्रह अशुभ (स्वतःच्या राशीतून ७ वे स्थानी) किंवा निर्बली असेल तर भाग्य सहम वर देखील नकारात्मक प्रभाव पडतो.
४) जर भाग्य सहम वर शुभ ग्रहाची दृष्टी असेल, तर नकारात्मक प्रभाव पडतो आणि तोच अशुभ ग्रह अशुभ (स्वतःच्या राशीतून सातवा राशी) किंवा अपायकारक वा नीच राशी असेल तर तीव्र नकारात्मक प्रभाव पडतो.
५) प्रभावी ग्रह केंद्र केंद्र (१,४,७,१०) स्थानात असल्यास प्रभाव अधिक मजबूत होईल. जर ते पनफर (२,५,८,११) स्थानात असेल, तर त्याचा प्रभाव कमी असेल. जर आपोक्लीम (३,६,९,१२) स्थानात असेल तर त्याचा प्रभाव खूपच कमी होईल. हे तत्व शुभ आणि अशुभ दोन्ही ग्रहांना सारखेच लागू होईल.
६) जर भाग्य सहम बरोबर सूर्य किंवा चंद्राचे केंद्र योग किंवा प्रतियुती योग कोणत्याही भावातून होत असेल, तर हे भाग्य सहमसाठी अत्यंत हानिकारक आहे.
भाग्य सहम स्थानागत फलादेश :
प्रथम स्थान : प्रथम स्थान एखादे व्यक्तिची विशेषताला दर्शविते. भाग्य सहम लग्नी असल्यास जातक भाग्यशाली असेल. तो आपल्या साहसा द्वारे लाभ प्राप्त करेल. सुखी जीवन व्यतीत करेल. स्वत:चे प्रयत्न व कौशल्याने सफलता प्राप्त करेल. तो आत्मविश्वासाने कार्य करेल. व उज्जवल व सफल जीवन प्राप्त करेल.
द्वितीय स्थान : जातक भाग्यशाली असेल. जातकास धन लाभ, व्यापार द्वारा लाभ, सुखी पारिवारिक जीवन व संतोषजनक आर्थिक स्थितीचा आनंद प्राप्त होईल. जेव्हा’ की शुभ दृष्टि असेल तेव्हा कमाई मध्ये वृद्धि व जीवन स्तर मध्ये विकास होईल.
तृतीय स्थान: जातकास भावा द्वारे लाभ, लाभदायक छोटी जागा, परामर्शदाता अथवा सेक्रेटरी असेल व लाभ प्राप्त करेल, अथवा एजन्सी प्राप्त करेल जो त्याला विनाकष्ट धन प्राप्ति देईल. शेजा-यांशी चागले संबंध प्राप्त करेल.
चतुर्थं स्थान : जातकास चांगली पैतृक संपत्ति मिळेल, जमीन जुमाल्यावर विनियोग करेल, गुप्त खजिना प्राप्त करेल अथवा अकस्मात धनवान होईल, खाण संपत्ति द्वारा वा पृथ्वी वा खनिज वा धातुद्वारे एक धनवान व्यक्ति बनेल.
पंचम स्थान : जातकांस विनीयोग, सट्टा व संतति द्वारे लाभ, राजदूत वा तरुण व्यक्ति भाड्यामध्ये वृद्धि करतील, त्यास भाग्यशाली संतान होऊ शकतात. त्याला सिनेमा, औपैरा अथवा नाटक द्वारे लाभ होईल, संगीताचा शौकीन परन्तु जर भाग्य सहम पीडित असेल, तर तो जातक अधिक हानि, धोका, व मनोरंजनासाठी पैसे उधळेल.
षष्ठम स्थान : जातकाचे काका व काकी भाग्यवान असतील, ते जातकाची सहाय्यता करतील. जातक नोकरा द्वारे लाभ प्राप्त करतील. छोटे पशु व बैंकिंग द्वारा लाभ प्राप्त होईल. जातकास सावकाराचे पूर्ण सहयोग व आवश्यकता असेल, तेव्हा ओव्हर ड्राफ्टची सुविधा मिळेल.
सप्तम स्थान : जोडीदार द्वारे लाभ, जोडीदार द्वारे धनलाभ. ठेके, मुकदमा. नेमणूका, प्रतिस्पर्धा द्वारे लाभ. शत्रूवर विजय, जेव्हा भाग्य सहम वर शुभ दृष्टि असेल विवाह, परंतु जर तो पीडित असेल तर विपरित परिणाम होतील, संघ, सोसायटी व क्लब द्वारे लाभ.
अष्टम स्थान : जातकास एखादा जूना सम्बन्धी आपली संपत्तीस स्वेच्छाने मृत्युपत्र द्वारा देऊ शकतो.मित्रांद्वारे अचानक धन प्राप्त करू शकतो. या जातकाची पत्नी व्यवसायवाली असेल अथवा बीमा, व्यापार द्वारा लाभ या पैतृक संपत्ति, बोनस, ग्रेच्युटी ईत्यादि द्वारे प्राप्त करेल.
नवम स्थान : उच्च शिक्षणा करिता, महत्वाकांक्षा, उच्च स्तराची प्रेरणा, दीर्घ यात्रा, फिरता एजेंट रूपाने धन कमविणे, विदेशांशी व्यापार द्वारा लाभ, प्रकाशन द्वारे कमविणे अथवा शोध द्वारे कमविणे, शिक्षा, न्याय, धार्मिक विभागा द्वारे नोकरी अथवा आंतराष्ट्रीय व्यापार, आयात-निर्यात मध्ये नोकरी.
दशम स्थान व्यवसाया मध्ये यश, नाव व कीर्तिवान असतो. पदोन्नति जर सिलेक्शन ग्रेड मध्ये असेल तर त्याचेशी वरिष्ठ अधिकारी दबून राहतील, त्याला पदोन्नति होईल. आपल्या जीवनाची सर्वोच्च स्थिती मध्ये पोहोचेल. जर पीडित असेल तर अकस्मात पतन, चांगली दृष्टि असेल तर मालक होऊ शकतो. वाईट दृष्टिने आजारपण, दोन्ही अति असेल.
एकादश स्थान : लाभदायक मित्र, मदत करणारा, भाऊ लाभदायक, व्यवसाय सफलता, इच्छापूर्ति, आनंद, लाभ व शक्ति, प्रतिष्ठितत लोकाशी स्थायी मित्रता असेल.
व्दादश स्थान : खरेदी व विक्री मध्ये भाग्यशाली, विनियोगा मध्ये भाग्यशाली, गुप्त शत्रुची क्रिया, शेवटी लाभ मिळेल, अज्ञात सूत्राद्वारे लाभ, सम्पत्ति मध्ये वृद्धि. जर पीडित असेल तर तो अनेक प्रकारे नुकसान, बारावे स्थान सुख व शयन करिता व आरामा करिता आहे.
भाग्य सहम राशीगत फलादेश :
मेष : जातक धैर्यशील. प्रेरणादायक आणि संयमी असेल. त्याचेमध्ये ऊर्जाशक्ती भरपूर असते. त्यामुळे जातकाने उर्जेवर लक्ष केंद्रित केले पाहिजे. जातक अत्माविवेकी आणि स्वावलंबी असतो. आव्हाने आणि अडथळ्यांना धैर्याने तोंड देणारा असतो.
वृषभ : जातक अनावश्यक गोष्टीचा उलगडा करण्यात वेळ घालवणारा, शांती-प्रेम अशा गोष्टींच्या उपयुक्ततेवर विश्वास ठेवणारा, भरीव काम करणारा व पूर्तीचा आनंद घेणारा, बाह्य गोष्टींची पर्वा न करता धैर्य व शांती टिकवून ठेवणारा असतो.
मिथुन : जातक जिज्ञासू वृत्तीने आयुष्याचा अनुभव घेणारा, जगण्याचा आनंद लुटणारा, सतत हालचाल करणारा, अष्टपैलु, लवचिकता आणि स्वत;ची शैली जोपासणारा, विनोदबुद्धी असलेला, प्रत्येक क्षण जगणारा, स्वत:च्या निर्णयांवर नियंत्रण नसलेला असतो.
कर्क : जातक नम्र आणि पोषण कर्ता असतो. इतरांचे पालनपोषण करण्यात आणि स्वतःचे पोषण करण्यात आनंद मानतो, तो स्वत:ची निरागसता आणि इतरांचे निरागसपण जपतो. मुलाला किंवा व्यवसायाला जन्म देण्यात, वाढवण्यात विशेष आनंद प्राप्त करणारा उर्जेचा योग्य वापर करणारा असतो.
सिंह : जातक उत्साही, उदार व आशावादी असतो. स्वत:ची बलस्थाने व प्रभुत्वावर लक्ष केंद्रित करणारा व इतरांसाठी प्रेरणादायी असल्याने संपर्कात येणारे आनंदी होतात. तो स्वत:च्या उदाहरणाद्वारे एखाद्याने स्वतःचा मार्ग कसा शोधला पाहिजे याचे मार्गदर्शन करतो. कोणतीही अपेक्षा न ठेवता स्वतःच्या आनंदासाठी इतरांना मदत करणारा असतो. सर्जनशील, एकाग्र व मुबलक ऊर्जावान असल्याने मोठी संधी उपलब्ध होते.
कन्या : जातक तार्किक विश्लेषक, सहिष्णु, विवेकबुद्धीवान असतो. सुयोग्य वातावरणात आनंदी असतो. कार्यकुशलतेने काम करून आनंदी होतो. भूतकाळातील आठवणींचे ओझे वहात नाही.
तूळ : जातक मुत्सद्दी, विनयशील आणि कृपावान असेल. त्याला विजयी परिस्थिती निर्माण करण्याची समज असते. नाते जपण्याताला आनंद मानतो, दुहेरी जगात संतुलन राखत, सर्वांना समान आणि एक समजतो.
वृश्चिक : जातक कार्यक्षम, महत्त्वाकांक्षी, संघटक असेल. अनुभवाने पदर काढून गाभ्यापर्यंत पोहोचण्यातच माणसाचा आनंद असतो. जो व्यर्थ जीवनाला परम लाभ मानतो. तीव्र समज, तीक्ष्ण अंतर्दृष्टी आणि अज्ञाताची निर्भयता ही मूळची देणगी आहे.
धनु : जातकास मोकळेपणा, सरळपणा, प्रामाणिकपणा, नैसर्गिक नियमांची समज विकसित होते. व्यक्ती जोखीम घेण्यास घाबरत नाही आणि धैर्य आपले नशीब आजमावतो. बहुधा घरापासून दूर असलेल्या ठिकाणी भाग्योदय होतो.
मकर : जबाबदारी, संयम, चिकाटी, व्यावहारिकता विकसित होईल. व्यक्ती आपली प्रगती पाहून आनंदित होते आणि त्याला एक रचना देऊन पुढे जात रहातो. तो स्वत: स्वत:च्या नशिबाचा शिल्पकार आहे. आणि ते घडवेपर्यंत चैन नसते.
कुंभ : निष्पक्षता, मौलिकता, मानवतावाद विकसित होईल. जातक परंपरावादी पण नाही आणि फार आधुनिक हि नाही आणि फरक शुद्धता त्यांस समजते. जा जातक एका गोष्टीला दुसर्यापेक्षा श्रेष्ठ किंवा नीच मानत नाही, नियमाने बांधील नाही. इतरांच्या वेगळेपणापेक्षा स्वतःच्या वेगळेपणावर आनंदी आहे.
मीन : कल्पनाशक्ती, करुणा आणि विश्वास वाढेल. जीवनाचा प्रवाह संथगतीने वाहताना पाहून त्यास आनंद वाटतो. तो स्वभावतःच आत्म्याशी जोडलेला असतो. त्यास माहित आहे की सर्व मर्यादित काळ आहे. जो गरजा मर्यादित करण्यास सक्षम आहे आणि त्याला एकतेचे महत्त्व समजले आहे.
● भाग्य सहम ज्या स्थानामध्ये आहे त्याचेशी संबंधित क्षेत्रातून लाभ होतो. जर भाग्य सहम् अग्नि तत्वाच्या राशीत असेल तर क्रियाकलाप, नेतृत्व, अग्निपासून लाभ होतो. जर भाग्य सहम पृथ्वी तत्वाच्या राशीत असेल तर धन आणि सुख हे आर्थिक क्षेत्र आणि पृथ्वीशी संबंधित गोष्टींमधून मिळते. वायू तत्वाच्या राशीत असेल तर बौद्धिक क्षेत्र आणि वायूशी संबंधित गोष्टींमधून धन, सुख प्राप्त होते. जर भाग्य सहम जल तत्वाच्या राशीत असेल तर व्यक्तीला भावनिक क्षेत्र आणि पाण्यापासून पैसा मिळतो आणि आनंद मिळतो.
आज आपण ज्योतिषशास्त्रातील बाधक आणि मारक ग्रहांची भूमिका याविषयावर थोडे मंथन करणार आहोत.
जातकास अनिष्ट ठरणारे ग्रह शोधण्याचा प्रत्येक ज्योतिषी आपापल्या परीने प्रयत्न करत असतो.अर्थात जातकास वाईट काळाची पूर्व कल्पना असली, तर तो योग्य ती काळजी घेऊन फळ पूर्णतः नाही तरी किमान काही अंशी त्याची तीव्रता कमी करू शकतो. कितीही भाग्य अटळ, जे घडणार आहे, ते टाळता येत नाही हे कितीही खर्र मानले तरी माणूस असो वा ज्योतिषी असो, त्याने प्रयत्नवादी असायला हवे असे माझे वैयक्तिक मत आहे.
अनिष्टता तपासण्यासाठी, कोणी नैसर्गिक पापग्रहांना व त्याच्या कारकत्वास महत्व देतील, कोणी त्रिक स्थान मानणारे ६ वे, ८ वे १२ वे स्थानावर लक्ष देतील. नक्षत्रचक्र मानणारे चंद्र नक्षत्रा पासून ३ रे विपत्ती दायक, ५ वे प्रत्यरकारक, ७ वे वध नक्षत्र अनिष्ट मानून फलादेश देतील. कोणी या सगळ्या गोष्टी तपासून पाहिलं. वस्तुत: त्रिक स्थानांचे भावारंभ तपासले तर तीच नक्षत्र येतील जी नक्षत्र चक्रात अनिष्ट सांगितली आहेत.
उदा. समजा एखाद्या कुंडलीचे लग्न या भावारंभ मेष राशीत अश्विनी या केतूच्या नक्षत्रात आहे. तर
१) ६ वे स्थानाच्या भावारंभावर कन्या रास व उत्तरा फाल्गुनी हे नक्षत्र येईल जे रविचे नक्षत्र आहे. जे केतुपासून ३ रे विपत्तीकारक असेल.
२) ८ वे स्थानाच्या भावारंभावर वृश्चिक रास व विशाखा हे नक्षत्र येईल जे गुरुचे नक्षत्र आहे. जे केतुपासून ७ वे वधकारक असेल.
३) १२ वे स्थानाच्या भावारंभावर मीन रास व पूर्वा भाद्रपदा हे नक्षत्र येईल जे गुरुचे नक्षत्र आहे. जे केतुपासून ७ वे वधकारक असेल.
आता यात तुम्हाला असे लक्षात येईल कि त्रिक स्थानात ५ वे प्रत्यरकारक नक्षत्र येत नाही, जे नक्षत्र चक्रात अनिष्ट सांगितले आहे. मग ते गेले कोठे? स्वअभ्यास व संशोधन करताना मला ते सापडले मारक भावांत.
हिंदू ज्योतिष शास्त्रात ७ वे व २ रे स्थान सर्व लग्न स्थानांना मारक सांगितले आहेत.
४) २ रे स्थानाच्या भावारंभावर वृषभ रास व कृत्तिका हे नक्षत्र येईल जे रविचे नक्षत्र आहे. जे केतुपासून ३ रे विपत्तीकारक असेल.
५) ७ वे स्थानाच्या भावारंभावर तूळ रास व चित्रा हे नक्षत्र येईल जे मंगळाचे नक्षत्र आहे. जे केतुपासून ५ वे प्रत्यरकारक असेल.
या व्यतिरिक्त हिंदू ज्योतिष शास्त्रात ग्रहांच्या स्थितीच्या आधारे प्रत्येक लग्नांकरिता नियमानुसार बाधक भाव असतात. बाधक भावाच्या स्वामीला ‘बाधक स्थानाधिपती’ असे म्हणतात. चर राशींना ११ वे, स्थिर राशींना ९ वे व व्दिस्वभाव राशींना ७ वे स्थान बाधक सांगितले आहेत.
१) चर लग्नाकरिता एकादश भाव बाधकस्थान म्हणजेच त्याच्या राशीचा स्वामी बाधक स्थानाधिपती असतो.
२) स्थिर लग्नाकरिता नवम् भाव बाधकस्थान म्हणजेच त्याचा राशीचा स्वामी बाधक स्थानाधिपती असतो.
३) द्विस्वभाव लग्नाकरिता सप्तम भाव बाधक स्थान म्हणजेच त्याच्या राशीचा स्वामी बाधक स्थानाधिपती असतो.
बाधक ग्रहांचे नक्षत्रसुद्धा बाधकच ठरते आणि बाधक स्थानाधिपती तथा बाधक भावांतील ग्रहांचे, नक्षत्रांतील ग्रह आपल्या दशा- अंतर्दशांमध्ये कष्टदायक असतात. परंतु जातक पारिजात (अध्याय ११, श्लोक ४८ अनुसार) बाधक स्थानाधिपती त्याच स्थितीमध्ये अशुभ फलदायक असतो, जेव्हा तो ‘मान्दी’ आणि ‘गुलिका’द्वारा अधिष्ठित भावांचा स्वामी असेल.
कृष्णमुर्ती पद्धतीप्रमाणे निर्णय करताना सर्व ग्रहामध्ये ते ग्रह सर्वात अधिक पापग्रह आहेत, जे वरील अनिष्ट स्थानामध्ये स्थित ग्रहांच्या नक्षत्रामध्ये आहेत. त्यानंतर अनिष्ट स्थानामध्ये स्थित ग्रह विचारात घ्यावेत. त्यानंतर अनिष्ट स्थानाधिपती ग्रहांच्या नक्षत्रामध्ये स्थित ग्रह तपासावेत.
तात्पर्य कि अनिष्टता तपासताना या सर्व बाबींचा सर्वंकष विचार करावा. व एखाद्या जाणकार ज्योतिषाकडून मार्गदर्शन घेऊन त्याप्रमाणे उपाय करावेत.
इतक्यात माझा एक लेख (विशोत्तरी दशा पद्धती : आयुष्यातील चढ उतार जाणून घ्यायचे एक गणिती तंत्र) प्रकाशित झाला. आपण सर्वांनी त्यास चांगला प्रतिसाद दिलात त्याबद्दल आभार. इंदुमती ताई व इतरांनी एखादी केस स्टडी मांडलीत तर जास्त सोपे होईल अशी अपेक्षा केल्याने हा एक सोपे उदाहरण समोर ठेवत आहे. पण प्रत्येक कुंडली ही वेगळी असल्याने दशेबरोबर बाकीचे ही घटक निर्णायक ठरू शकतात. एखादा जाणकार ज्योतिषी योग्य मूल्यमापन करू शकतो.
आपला विषय विशोत्तरी दशा पद्धती हा डोळ्या समोर ठेवून हा लेख लिहित आहे.
माझे एक स्नेही श्री.विजय (नाव बदलले आहे) जूलै २०१९ च्या दुसऱ्या आठवड्यात माझेकडे आले व गंभीर चेहऱ्याने काही न बोलता बसून राहिले. थोडा वेळ मध्ये जाऊ दिल्यावर येण्याचे प्रयोजन विचारले असता म्हणाले की सध्या मी माझ्या मुली बाबत विचार करत आहे. ती हल्ली घरात जास्त बोलत नाही. घरी यायला उशीर करतेय. सतत फोन वर काही न काही करत असते. त्यामुळे काळजी वाटतेय. त्याला समजावले की आजच्या पिढीची ही सामान्य लक्षणे आहेत. तरी आपण कुंडली तील तिच्या दशा तपासू व त्याप्रमाणे तिची जन्म कुंडली मांडली.
कुमारी …………………..
जन्म तारीख ३१ जुलै २००१ सायंकाळी ५ वा. ३० मि. पुणे येथील जन्म
धनु लग्नाची ही जन्म पत्रिका. लग्न स्थानी चंद्र व केतू ६व्या स्थानात असला तरी शनी पंचम भावात, सप्तमात राहू, शुक्र, गुरु. अष्टमात रवी व बुध आणि व्यय स्थानात मंगळ अशी ग्रह स्थिती.
तेव्हाच्या दशा बघितली तेव्हा १८ जुलै २०१९ ते ०१ नोव्हेंबर २०१९ या काळासाठी तिची शुक्र महादशा गुरु अंतर्दशा व राहू विदशा व शनी सुक्ष्म दशा होती.
नुसते कुंडली कडे नजर टाकली तरी लक्षात येईल की…
वैवाहिक सौख्याचा कारक व ६ वे व ११ वे स्थानाचा अधिपती शुक्र भार्या स्थानी (७ वे स्थान) आहे ज्याची महादशा चालू आहे.
१ ले व ४ थे (सुख) स्थानाचा अधिपती गुरु सुद्धा भार्या स्थानी (७ वे स्थान) आहे ज्याची अंतर्दशा चालू आहे.
राहू ला राशी नसते पण येथे राहू व गुरु राहूच्या नक्षत्रात युतीत आहे जो भार्या स्थानी (७ वे स्थान) आहे ज्याची विदशा चालू आहे.
शुक्र मंगळाच्या नक्षत्रात असून मंगल ५ वे १२ भावाचा अधिपती आहे.
राहू विवाहात वैचित्र्य व ५ वे स्थान प्रेम व मंगळ आकर्षण दाखवतो.
शनी ६व्या स्थानात असला तरी शनी पंचम भावात असून २ रे (कुटुंब) स्थान चा अधिपती आहे.
वरील वर्णना वरून एका दृष्टीक्षेपात जाणकार ज्योतिषाच्या लक्षात येईल की विवाह योग असून प्रेम विवाहाची शक्यता आहे.
त्यामुळे तिच्या वडिलांची चिंता निराधार नव्हती. तसे त्याप्रमाणे त्यांस कल्पना देऊन सावध व शांत राहण्यास सांगितले.
इतरही अनेक गोष्टींची चर्चा केली परंतु तो या लेखाचा विषय नसल्याने तसेच गुप्ततेच्या कारणास्तव येथे देणे अप्रस्तुत ठरेल.
ही मुलगी ७ ऑगस्ट २०१९ रोजी ट्युशन क्लास ला जाते सांगून सकाळी घरातून निघाली व लग्न केले. आधी कल्पना असून सुद्धा तिच्या घरी व्हायचा तो गदारोळ व विरोध हा झालाच. तरी समाधानाची गोष्ट म्हणजे मुलगा चांगला असल्याने नंतर त्यास स्वीकारले गेले व दोघे आनंदात सहजीवन व्यतीत करत आहेत.
तर विशोत्तरी दशा पद्धती : आयुष्यातील चढ उतार जाणून घ्यायचे एक गणिती तंत्र एक घटनेविषयी भविष्य कथन करताना सहाय्यभूत ठरले.
ज्योतिष मित्र मिलिंद (7058115947) (सशुल्क कुंडली मार्गदर्शन)
ज्योतिष मित्र मिलिंद 