संदर्भ ग्रंथ : प्रेडिक्टिव्ह स्टेलर ॲस्ट्रॉलॉजी रीडर
नमस्कार,
आजच्या आधुनिकतेच्या व जागतिक स्पर्धेच्या काळात भारत व भारतीय वेगाने प्रगती करत अनेक व्यवसायात शिखर गाठत आहे. अनेक आर्थिक प्रगतीच्या संधि उपलब्ध होत आहेत. पण त्याचबरोबर रोजगार नसलेल्या लोकांची संख्या देखील तेवढीच वाढताना दिसती आहे. आर्थिक विषमता व महागाई वाढीस लागली आहे. नोकरी टिकवणे व योग्य नियोजन करून आपले आर्थिक गणित सांभाळणे खूप अवघड बनत चालले आहे. अशा परिस्थितीत आपली आवड व आपल्याला कोणत्या तर्हेचे काम केल्यास आपली आर्थिक उन्नती होईल याची दिशा समजणे उपयोगी पडते. याच्या अनेक पद्धती पैकी ज्योतिष शास्त्रीय मार्गदर्शन सुद्धा उपयुक्त ठरते. या विषयाची व्याप्ती खूप मोठी आहे.
या विषयाला धरूनच कोणती रास काय व्यवसाय दर्शवते, हे स्थूलमानाने देण्याचा प्रयत्न केला आहे.
कोणतीही रास अशा प्रकारचे नोकरी व्यवसाय दर्शवते, जे त्याचे राशीच्या स्वामीच्या अधिकारामध्ये येतात, त्यासाठी त्या राशीचे तसेच त्या ग्रहाचे स्वत:चे गुणधर्म, तत्वे, लिंग, स्वभाव ई. सर्व ग्रहाशी येतो त्या ग्रहाचे वरीलप्रमाणे विचारात घ्यावे लागते.
काहीजण त्यांना मानवणारा अथवा आवडीचा नोकरी व्यवसाय निवडतात. त्यासाठी त्यांचा कल अथवा मानसिकता बघण्यासाठी लग्न स्थान व चंद्र रास यांचे देखील परीक्षण महत्वाचे ठरते.
पण बरेच जन असेही असतात, ज्यांची आवडनिवड वेगळी व ते काम करत असलेली क्षेत्र वेगळी असतात.
एखादा ग्रह कुंडलीमध्ये सर्वसाधारण पणे २, ६, १० व्या स्थानात किंवा त्या स्थानाचा अधिपती असल्याने अथवा अर्थ त्रिकोणात स्थित असलेल्या ग्रहाशी संबंधित असल्याने राशी दर्शित फळ दर्शवते. त्यात स्थित ग्रहांच्या वैशिष्ट्या प्रमाणे त्याचे नोकरी व्यवसायाच्या क्षेत्रात बदल होऊ शकतो.
तसेच इतर स्थानांचे कारकत्व देखील विचारात घेणे महत्वाचे ठरते.
उदा. ५ वे स्थान खेळ, कला ई. गोष्टी दर्शवते. जरा ५ वे स्थानाचा संबंध अर्थ त्रिकोणाशी येत असेल तर तर तो क्रीडा शिक्षक अथवा कलेच्या क्षेत्रात आपली आमदानी प्राप्त करू शकतो.
येथे स्थूल मानाने राशी दर्शित काही नोकरी व्यवसाय देत आहे ज्यात राशी चा प्रमुख ग्रह व इतर ग्रहांच्या संयोगाने काही नोकरी व्यवसाय दर्शवले आहेत.
संदर्भ : कृष्णमुर्ती पंचांग व आपले नशीब आले ग्रहयोग
नमस्कार,
हिंदू ज्योतिषशास्त्रामध्ये वर्ग कुंडलीतील नवमांश कुंडली ही सूक्ष्म फळ कथनासाठी फार प्रचलित असून लग्न कुंडली नंतर अत्यंत महत्त्वाची मानली जाते. ही कुंडली वैवाहिक जीवन, जोडीदार, स्वभाव, स्वभाव, जोडीदाराचे चारित्र्य, वैवाहिक जीवनातील सुख-दुःख इत्यादींसाठी पाहिली जाते. ३०° ची राशी ३°२०’ च्या ९ भागांमध्ये विभागली जाते. पंचागात जे अवकहडा चक्राचे कोष्टक दिलेले असते. त्यात एका राशीत सव्वा दोन नक्षत्रे व ४ चरण दिलेले असतात. हे एक चरण म्हणजेच एक नवमांश असतो.
नवमांश रास व स्वामी ओळखण्याची सोपी पद्धत म्हणजे पंचागात जे अवकहडा चक्राचे कोष्टक मध्ये चरणाच्या आकड्याखाली मेष पासून मेष (मं), २ रे चरण खाली वृषभ (शुक्र), ३ रे चरण खाली मिथुन (बुध)…..अशा क्रमाने ओळीने लिहित गेले की तुम्हाला मेध राशीचे नवांश मिळतील. त्या नंतर वृषभ राशीचे चरण सुरु होतील. तिथे धनु राशी पर्यंत मेषेचे नवांश झाल्यामुळे मकर रास १ ले चरण खाली येईल, २ रे चरण खाली कुंभ रास येईल…..असे कुठेही राशींचा क्रम बदलू न देता लिहित जावे. या प्रमाणे मिथुन राशीचा पहिला नवांश तुळ रास येईल. कर्क राशीचा १ ला नवांश कर्क रास येईल.
यानंतर हा पूर्ण चार राशींचा नवांशाचा क्रम सिंह व धनु राशीपासून तोच म्हणजे मेष नवांशापासून सुरु होतो.
याचाच अर्थ निरीक्षण केले असता लक्षात येईल.
अग्नी तत्वाच्या राशी मेष, सिंह, धनु यांचे नवांश मेष पासून धनु पर्यंत असतात.
पृथ्वी तत्वाच्या राशी वृषभ, कन्या, मकर यांचे नवांश मकर पासून कन्या पर्यंत असतात.
वायू तत्वाच्या राशी मिथुन, तुळ, कुंभ यांचे नवांश तुळ पासून मिथुन पर्यंत असतात.
जल तत्वाच्या राशी कर्क, वृश्चिक, मीन यांचे नवांश कर्क पासून मीन पर्यंत असतात.
प्रत्येक कुंडलीचा स्वत:चा असा ढाचा असतो. जन्मकुंडली द्वारे बर्याच गोष्टींचा उलगडा होतो.पण काही गोष्टींत सूक्ष्म अवलोकनाची आवश्यकता असते. अशावेळी हि कुंडली अत्यंत उपयोगी सिद्ध होते. पराशर संहितेनुसार, ज्या व्यक्तीच्या जन्मकुंडली मध्ये आणि नवमांश कुंडलीमध्ये एखादा ग्रह एकाच राशीत येत असेल, तर त्यास वर्गोत्तम मानले जाते. एखादी रास व्यक्तीच्या जन्मकुंडली मध्ये आणि नवमांश कुंडलीमध्ये एकच येत असेल, तर त्यास वर्गोत्तम लग्न मानले जाते. तो जातक शारीरिक आणि आध्यात्मिकदृष्ट्या निरोगी असतो. जन्म कुंडलीत एखादा ग्रह शक्तिहीन असेल आणि नवमांश कुंडलीमध्ये बलवान असेल तर तो शुभ परिणाम देतो, यावरून नवांश कुंडलीचे महत्त्व लक्षात येते.
या कुंडलीमध्ये
सूर्य वर्गोत्तम असेल तर, जातकास प्रतिष्ठा आणि मान-सन्मान मिळतो.
चंद्र वर्गोत्तम असेल तर, व्यक्ती सभ्य असते आणि चांगली स्मरणशक्ती दर्शवतो.
मंगळ वर्गोत्तम असेल तर, जातकास अतिउत्साह आणि नेतृत्व क्षमता प्रदान करतो.
बुध वर्गोत्तम असेल तर, जातकास बुद्धिमत्ता आणि तार्किक बनवतो.
गुरु वर्गोत्तम असेल तर, जातकास ज्ञानी आणि आदरणीय बनवतो.
शुक्र वर्गोत्तम असेल तर, जातकास सौंदर्य आणि कलाप्रेमी बनवतो.
शनि वर्गोत्तम असेल तर, जातकास न्यायी आणि चिंताहीन बनवतो.
जन्मकुंडलीत लग्न स्थानी कोणती रास असते, त्या राशीत नवांश काय असतात याप्रमाणे त्याचे व्यक्तीमत्व कसे असेल याचे स्थूल भविष्य कथन करता येऊ शकते. जन्मकुंडलीत लग्न स्थानी मेष ते मीन या प्रत्येक राशीमध्ये निरनिराळ्या नवांशाला निरनिराळी फळे मिळतात, त्याचे विवेचन पाहू..
१) मेष राशी
मेष नवांश : छोटे हात, छोटे नाक, मोठा आवाज, नशिबवान व वर्गोत्तम
मीन नवांश : वर्गोत्तम, विशाल डोळे, मोठे नाक, चकाकते शरीर, तीव्र बुद्धीवान, विश्वासार्ह, नशिबवान
ज्यांची जन्मपत्रिका (म्हणजेच जन्मतारीख, जन्मवेळ, जन्म ठिकाण) याबद्दल शंका असेल त्यांची पत्रिका कशी बघावयाची व त्यातील नेमकी पत्रिका कशी सुधारून (रेक्टीफिकेशन) घ्यायची हे ठरविण्यासाठी, तज्ज्ञ ज्योतिषी काही निकष लावतात, त्यामधील प्रमुख लग्न रास व त्याचा नवांश पाहून त्याचे व्यक्तीमत्वाप्रमाणे लग्नाचे नवांश ठरविणे सोपे जाते.
ज्योतिष मित्र मिलिंद (पुणे) संपर्क : 7058115947 (सशुल्क कुंडली मार्गदर्शन)
नाते संबंध हा भारतीय माणसाच्या आयुष्यातील एक अविभाज्य घटक आहे. कारण आपल्या देशात कुटुंब प्रधान व्यवस्था हि प्रामुख्याने स्वीकारली गेली आहे. प्रत्येक नात्याचे हे आपल्या आयुष्यात एक विशिष्ट स्थान असते. ते जर स्थान बळकट असेल तर आपली स्थिती सौख्यदायक असेल अन्यथा दु:खास कारण ठरेल.
भारतातील बहुतांशी हिंदू कुटुंबांमध्ये जन्मलेल्या व्यक्तीची कुंडली काढण्याची प्रथा आहे. कुंडलीच्या घरात नवग्रह राहत असतात. मग ज्याचा जसा ताळमेळ तसे त्यांचे संबंध सुख किंवा दु:ख बहाल करतात.
आपण हीच कुंडलीतील घरे किंवा स्थान आपले कोणते नातेवाईक दर्शवतात हे पाहणार आहोत.
लग्न स्थान (१ ले स्थान) : हे स्वत:स दर्शवते.
२ रे स्थान : आपले कुटुंब दर्शवते.
३ रे स्थान : धाकटा भाऊ/बहिण दर्शवते.
४ थे स्थान : आई दर्शवते.
५ वे स्थान : आपली प्रथम संतती दर्शवते.
५ वे स्थान : धाकट्या भावापासून तिसरे स्थान असल्याने धाकट्याचे धाकटे भावंड म्हणजे आपला २ नंबर चा भाऊ दर्शवते.
५ वे स्थान : ९ वे स्थानापासून ९ वे स्थान जे ५ वे स्थान येते, म्हणून ५ वे स्थान आपले आजोबा दर्शवते. (५ वे स्थानापासून ५ वे स्थान त्यांची संतती म्हणजे आपले वडील(९ वे स्थान) व आपण ९ पासून ५ वे म्हणून आजोबांचा नातू दर्शवते)
५ वे स्थान : ११ वे स्थानापासून ७ वे स्थान जे ५ वे स्थान येते, म्हणून ५ वे स्थान आपले मोठी वहिनी आणि मोठी भावजय दर्शवतात.
६ वे स्थान : आईचे धाकटे भावंड दर्शवते. म्हणजेच आईपासून तिसरे स्थान जे आपल्यापासून सहावे असते, ते आपला मामा किंवा मावशी दर्शवते.
७ वे स्थान : आपली पत्नी दर्शवते.
७ वे स्थान : ५ वे स्थानापासून ३ रे असल्याने आपल्या संततीचे भावंड म्हणून द्वितीय संतती दर्शवते.
८ वे स्थान : ७ वे स्थानापासून २ रे स्थान असल्याने पत्नीचे कुटुंब म्हणजेच आपले सासर दर्शवते.
९ वे स्थान : ७ वे स्थानापासून ३ रे स्थान असल्याने पत्नीचे धाकटे भावंड म्हणजे आपला मेव्हणा किंवा मेव्हणी दर्शवते.
९ वे स्थान : ९ वे स्थानापासून ५ वे स्थान जे १ ले स्थान येते, म्हणून ९ वे स्थान आपले वडील दर्शवते. काही जन ४ वे स्थानापासून ७ वे स्थान असल्याने आईचा पती म्हणून आपले वडीलांचे स्थान मानतात.(पण माझ्या विचारधारेनुसार मुलाच्या आईचा नवरा हा खूप लांबचा वळसा आहे. आईचे वैवाहिक सुख हे फळ आई च्या स्थानानुसार बरोबर आहे. पण स्वत:चे अनुरोधाने वडिलांची (९ वे स्थान) संतती हे जास्त योग्य वाटते.)
९ वे स्थान : ७ वे स्थानापासून ३ रे स्थान असल्याने द्वितीय संततीचे धाकटे भावंड म्हणजे आपली तृतीय संतती दर्शवते.
९ वे स्थान : ३ रे स्थानापासून ७ वे स्थान असल्याने ९ वे स्थान धाकट्या भावाची पत्नी आणि धाकट्या बहिणीचा नवरा दर्शवते.
९ वे स्थान : ५ वे स्थानापासून ५ वे स्थान मुलाची प्रथम संतती दाखवत असल्याने असल्याने ९ वे स्थान प्रथम आपला नातू दाखवते.
१० वे स्थान : ७ वे स्थानापासून ४ थे स्थान असल्याने पत्नीची आई म्हणजेच आपली सासू दर्शवते.
११ वे स्थान : ९ वे स्थानापासून ३ रे स्थान असल्याने वडिलांचे धाकटे भावंड म्हणजे आपले धाकटे काका दर्शवते.
११ वे स्थान : ११ वे स्थानापासून ३ रे स्थान आपण धाकटे भावंड असल्याने ११ वे स्थान आपला मोठा भाऊ दर्शवते.
१२ वे स्थान : ७ वे स्थानापासून ६ वे स्थान असल्याने पत्नीचे मामा किंवा मावशी दर्शवते.
अशा प्रकारे कुंडलीमध्ये एखादे नाते तपासताना अशा प्रकारे विचार करून त्या स्थानास लग्न स्थान मानून त्याप्रमाणे ग्रह व कुंडलीतील इतर शुभाशुभ घटक तपासून त्या नात्याविषयी व नाते संबंध कसे असतील, हे माहित केले जाऊ शकते.
ज्योतिष मित्र मिलिंद (पुणे) संपर्क : 7058115947 (सशुल्क कुंडली मार्गदर्शन)
विषय : वर्ग कुंडल्यांची तोंडओळख लेखक व संकलक : ज्योतिष मित्र मिलिंद संदर्भ : टेक्स्ट बुक ऑफ अस्त्रोलॉजी
नमस्कार, आपल्याला सर्वसाधारण पणे लग्न कुंडली, राशी कुंडली व सूक्ष्म फळीतासाठी नवमांश कुंडली ई. माहित असते. कृष्णमूर्ती पद्धतीत सूक्ष्म फळ साधण्यासाठी विशोत्तरी दशेच्या प्रमाणात नक्षत्रांचे उपविभाग करून त्या आधारे फळकथनाची पद्धत विकसित केली. पण त्याही कित्येक आधी आपल्या प्राचीन हिंदू ज्योतिष आचार्यांनी फळांमध्ये वेगवेगळ्या फळीताची सुक्षमता साधण्यासाठी विषयानुसार राशीच्या ३० अंशाचे वेगवेगळ्या अंशात व वेगवेगळे विभाग करून फळ पाहण्याच्या वेगवेगळ्या कुंडल्या विकसित केल्या होत्या. त्यांना वर्ग म्हणतात. वर्गांना इंग्रजी मध्ये डिव्हिजन (division) आणि वर्गावर आधारित कुंडली (वर्ग चक्र) ला डिव्हिजनल चार्ट (divisional chart) म्हटले जाते. आज आपण याच वर्ग कुंडली विषयी तोंडओळख करून घेणार आहोत. या विषयाची व्याप्ती खूप मोठी आहे. सततच्या अथक प्रयत्नांनी व सरावाने या कुंडली परीक्षणात प्रावीण्य मिळवले जाऊ शकते.
वर्गांना ज्योतिषमध्ये नाव दिले गेले आहे जसे राशीला दोन भागात वाटले गेले तर, अश्या भागाला होरा म्हणतात. याच प्रकारे जर राशीचे तीन भाग केले तर त्याला द्रेष्काण म्हणतात, नऊ हिस्से केले तर त्याला नवमांश म्हणतात. अश्या प्रकारे प्रत्येक वर्ग विभाजनाला नाव दिले गेले आहे. आजकाल सोळा वर्ग विभाजन बरेच प्रचलित होत आहे आणि त्याला षोडषवर्ग म्हणतात. सोबत तोंड ओळख होण्यासाठी तक्ते देत आहे, जेणेकरून तुम्हाला कोणत्या विभाजनास काय नाव आहे व किती अंशाचे किती भाग केले जातात व त्यावरून कोणते फळ पाहिले जाते याची माहिती होईल.
ज्योतिष मित्र मिलिंद (पुणे) संपर्क : 7058115947 (सशुल्क कुंडली मार्गदर्शन)
ज्योतिष मित्र मिलिंद (पुणे) संपर्क : 7058115947 (सशुल्क कुंडली मार्गदर्शन)
ज्योतिष मित्र मिलिंद 