आजच्या धकाधकीच्या काळात माणूस दिवसागणिक यंत्र होत चाललाय. आणि त्यात सुद्धा त्याला खुद्द यंत्रमानवांची देखील स्पर्धा आहे. कोविड सारख्या घातक साथी, जगभर युद्धाचे सावट अशा गोष्टींमुळे आर्थिक अस्थिरता अवघ्या जगभर पसरत चालली आहे. उद्योजक, नोकरदार मंडळी यांच्यावर कमालीचा आर्थिक ताण आला आहे. महागाई वाढत चालली आहे आणि उत्पन्न मात्र दिवसेंदिवस अशाश्वत होत चालले आहे.बेरोजगारी वाढत चालली आहे. आणि सामान्य माणसाची तर रोजच जगण्यासाठी अथक लढाई चालू आहे.

त्यामुळे हल्ली अनेक वेगवेगळ्या कुंडल्या माझ्याकडे येताहेत, पण रोख साधारण सारखाच की आमचा अडचणीचा काळ कधी संपणार आणि आर्थिक उन्नती कधी होणार? म्हणून आज हाच विषय घेऊन सर्वांशी बोलायच ठरवलं.

पारंपारिक ज्योतिष शास्त्रात आपल्याकडे ४ त्रिकोनांना फ़ार महत्व आहे.
१. धर्म त्रिकोन ( १ ५ ९ ) : तुमचे धर्म कार्य, कर्तव्य याबाबतीत तपासावयाचा त्रिकोन
२. अर्थ त्रिकोन ( २ ६ १० ) तुमचे धनप्राप्तीचे योग, प्रयत्न व कर्म याबाबतीत तपासावयाचा त्रिकोन
३. काम त्रिकोन ( ३ ७ ११ ) तुमचे वैवाहिक, सांसारिक आयुष्य याबाबतीत तपासावयाचा त्रिकोन
४. मोक्ष त्रिकोन ( ४ ८ १२ ) तुमचे निवृत्ती, मोक्ष याबाबतीत तपासावयाचा त्रिकोन

यावरुन तुमच्या लक्षात आले असेलच की आपल्या ला अर्थ त्रिकोन तपासणे आर्थिक उन्नती पाहताना तपासणे आवश्यक ठरते.

अर्थ त्रिकोन हा २ रे, ६ वे, १० वे स्थान मिळून तयार होतो. या तीन ही स्थानात नव पंचम वा शुभ पंचम योग तयार होतो. म्हणजेच प्रत्येक स्थान हे एकमेकांकडून ५ वे व ९ वे येते. मुळात त्रिकोनाचे वैशिष्ट्य हे असते की या स्थानातील प्रत्येक राशीची सुरुवात ही समान तत्वाचे नक्षत्र भावारंभास येते. उदा. मेष मधील अश्विनी या केतुच्या भावारंभाने सुरुवात झाली तर ५ वी रास सिंह व ९ वी धनू या तीनही राशींची सुरुवात केतूच्या नक्षत्रानेच होते. त्यामुळे समन्वय साधला जातो.

आता एक एक स्थान क्रमा कमाने आपण ‘बघू या.

२ रे स्थान : या स्थानाचे नाव धन स्थान असे आहे. आर्थिक स्थिती कशी असेल? धनलाभ अथवा धनहानी केव्हा संभवते हे या स्थानावरून समजते.

६ वे स्थान : या स्थानाचे वरुन धनप्राप्ती साठी करत असलेले प्रयत्न समजतात. हे एक संंघर्षाचे स्थान आहे. प्रयत्न केल्या शिवाय धनप्राप्ती होणे फार अवघड आहे. नोकर किंवा नोकरी या स्थानावरुन पाहतात.

१० वे स्थान : या स्थानास कर्मस्थान म्हणतात. तुम्ही करत असलेले कर्म अथवा कर्माकडे असलेला नैसर्गिक ओढ या स्थानावरून समजते.

११ वे स्थान : या ३ स्थानां बरोबरच ११ वे स्थान देखील पाहिले जाते. तुमची धनप्राप्तीची शक्यता, प्रयत्न व योग्य कर्म यांच्या लाभाचा विचार या स्थानावरून केला जातो.

वरील मुख्य स्थानांबरोबरच १ ले व ९ वे स्थान तपासणे देखील गरजेचे असते.

१ ले स्थान जे लग्नस्थान म्हणुन संबोधले जाते, या वरुन तुमचे व्यक्तिमत्व व प्रतिमा लक्षात घेतली जाते तर ९ वे स्थानावरुन भाग्य व कीर्ती पाहिली जाते. व्यक्तिमत्वाची व भाग्याची साथ असेल तर आर्थिक उन्नती साठीच्या कष्टांना व प्रयतांना नक्कीच बळ प्राप्त होईल.

कृष्णमूर्ती पद्धतीनुसार १, ५, ९ ही अर्थ त्रिकोनाची व्यय स्थाने असल्याने ती जास्त बलवान असतील तर नोकरी व्यवसायात वा कामाच्या स्वरूपात बदल संभवतो.

या जोडीला नकारात्मक स्थाने म्हणून ८ वे व १२ वे स्थानाचे अवलोकन करणे गरजेचे आहे. ८ वे स्थान (मृत्यू स्थान) धनहानी व दूर्भाग्य दर्शवते. १२ वे स्थान व्यय स्थान असल्याने . खर्च, नुकसान दर्शवते. ( ८ वे स्थान अकस्मिक धनलाभ वा सासर द्वारे धन लाभ ई. सुद्धा दर्शवते )

परिक्षण करताना या स्थानातील राशी, त्यांचे अधिपती कोण व कोणत्या स्थानात वा भावात स्थित आहेत, भावारंभावर कोणते नक्षत्र व राशी आहेत, कारक ग्रह स्वभाव उदा. गुरु वाढ दर्शवतो, शनी संकुचित फळ वा विलंब ई., दृष्टीवयोग अशाअनेक गोष्टींचा अभ्यास करावा लागतो, तेव्हा कोठे आर्थिक उन्नती कधी होणार याच्या उत्तराच्या जवळ जाता येते.

याकारक ग्रहांच्या दशा अंतर्दशेत अनुकूल वा प्रतिकूल परिणाम प्राप्त होतात .

एखादा जाणकार ज्योतिषी या सर्व बाबी विचारात घेऊन आर्थिक उन्नती कधी होईल या बाबत योग्य मार्गदर्शन व आवश्यक उपाय वा तोडगे सुचवू शकतो.

ज्योतिष मित्र मिलिंद ( jyotishmitramilind )

ज्योतिष सल्ला व मार्गदर्शनासाठी संपर्क : 7058115947(whatsapp only)
contact@jyotishmitramilind.in
jyotishmitramilind.in