ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

विषय : पादुका व चरण स्पर्श

लेखक : ज्योतिष मित्र मिलिंद

संदर्भ : स्वअभ्यास व अवांतर वाचन

नमस्कार,

आज लेखनासाठी “पादुका व चरण स्पर्श” हा विषय मांडायची बुद्धी झाली आहे.

पादुका म्हणजे नित्य पूजा, उपासना, दर्शनासाठी देव अथवा गुरु यांचा पायाचा ठसा. पादुका पूजन हे आपल्या वैदिक संस्कृतीत अगदी रामाच्या काळापासून आढळून येते. श्रीराम वनवासात असताना भ्राता भरत याने त्यांच्या पादुका सिंहासनावर ठेवून श्रीरामांच्या वतीने राज्य कारभार सांभाळला, ही गोष्ट आपण लहानपणापासून ऐकत आलो आहोत. परकीय शत्रूद्वारे मूर्तीभंजनाच्या काळात, याच पादुकांनी वैदिक धर्म टिकवून ठेवण्यास मोठा हातभार लावला. दत्त संप्रदायात तर पादुकांचे महत्व अनन्यसाधारण आहे. दत्तात्रेयांचा वा इतर सर्व संत, ईश्वरी अवतार यांचा गुरु स्वरूपात सर्वत्र संचार असतो. वारकरी संप्रदायाचा पालखी सोहळा तर जगभर प्रसिद्धी पावला आहे. पादुकांच्या पूजनामुळे भाविकाचे अंतःकरण शुद्ध होते व पापांपासून मुक्ती मिळते, ही श्रद्धा आहे, त्यामुळे पादुकांचे महत्व आजच्या काळातही धार्मिकांमध्ये टिकून आहे. नरसोबाची वाडी, अक्कलकोट, औदुंबर, गाणगापूर, माहूर, कारंजा, कुरवपूर, पिठापूर, गिरनार ई. स्थळी आजही भक्तांची गर्दी उसळलेली आढळते.

भारतीय संस्कृतीत पायांचे अढळ स्थान आहे. पायाचे महत्व ठसवणाऱ्या बोले तैसा चाले, त्याची वंदावी पाउले ही म्हण, बटू वामन ची कथा, महाभारतात श्रीकृष्णाचे चरणी बसून अर्जुनास अवघा श्रीकृष्णच सारथी म्हणून प्राप्त झाल्याची कथा ई. अनेक म्हणी, कथा आजही प्रचलित आहेत. भरीव व समाजोपयोगी कार्य केलेल्या विभूतींच्या कार्याच्या पाऊलखुणा या जनमानसाच्या हृदयावर दीर्घ काळ उमटतात.

सद्य काळाच्या ओघात विसर पडत चालला असला तरी, आजही बरेच घरांमध्ये गुरुंच्या, थोरा-मोठ्यांच्या पायावर डोके टेकवून नमस्कार करण्याची परंपरा पूर्वापार चालत आलेली आढळून येते. या मुळे गुरूंची, श्रेष्ठांची, सत्पुरुषांची सर्व दैवी, आंतरिक शक्ती जी त्यांच्या चरणांत एकवटलेली असते. चरण स्पर्शाने जी कंपने निर्माण होतात, त्याद्वारे शक्तीच्या नियमाप्रमाणे (LAW OF ENERGY) ती शक्ती उच्च बल स्थानापासून निम्न बलस्थानाकडे वाहत येते आणि आपले आज्ञा चक्र जागृत होऊन, आपल्याला चरण स्पर्श लाभतो. काही जण पायांना शिव आणि शक्तीचे स्वरूप मानतात आणि चरणांना स्पर्श केल्यामुळे आपल्यात समतोलत्व निर्माण होते.

ज्योतिष अभ्यासक असल्यामुळे पादुका व चरण स्पर्श या विषयावर लिहिताना माझी पावले कुंडलीकडे वळणे स्वाभाविक आहे. काल पुरुषाच्या कुंडली मध्ये मेष रास किंवा कुंडलीमधील १ ले स्थान डोके दर्शवते व मीन रास किंवा १२ वे स्थान पाय दर्शवते. परम आत्मा (परमात्मा) हा निर्गुण निराकार असतो. म्हणजेच जो आत्मा सत्व, रज, तम या गुण अवगुणांच्या परे आहे, जो आकाराने अमर्याद आहे म्हणजेच निराकार आहे (Zero tends to infinity), अशा या परमात्माचा अंश आपल्या शरीरात प्रवेश करतो आणि शरीराचे बंधन प्राप्त करतो आणि आपला जन्म होतो. म्हणूनच आपल्याला आपल्या मूळ स्वरूपाचे विस्मरण होते आणि आपल्याला अहंकार (अहम आकार) होतो व आपण निर्गुण ऐवजी काम, क्रोध, लोभ, मोह, मद, मत्सर आदि षडरिपू मध्ये अडकतो. त्यामुळे जन्मलग्न कुंडलीतील लग्न स्थान हे जड शरीर, अहंकार आदि गोष्टी दर्शवते. कोणत्याही कुंडलीतील १२ वे स्थान व्यय स्थान दर्शवते. १२ वे स्थान मोक्ष त्रिकोणातील एक महत्वाचे स्थान आहे.

म्हणजेच आपल्या अहंकाराच्या मायेतून वा षडरीपुंचा व्यय करायचा असेल अथवा त्यांचे तावडीतून मुक्त होऊन आपल्या मूळ स्वरूपात परतायचे असेल, तर १२ वे स्थानाकडे एक एक पाऊल टाकावे लागेल. मोक्षाचे व पायांचे प्रतिनिधित्व करणारी मीन रास गुरुचे स्वामित्वाखाली येते. यावरून आपले मूळ स्वरूप, गुरु, पाय व पादुका यांचा संबंध स्पष्ट होतो.

ज्ञान कारक गुरूला ९ वी रास धनु व १२ वी राशी मीन यांचे स्वामित्व दिलेले आहे. ९ वे स्थान भाग्य, धार्मिकता, अध्यात्मिकता, उच्च ज्ञान, प्रगती, दीर्घ प्रवास, कीर्ती ई. गोष्टी दर्शवते. धर्म त्रिकोणातील ही एक महत्वाचे स्थान आहे. तर १२ वे स्थान आपले पाय जमिनीवर ठेवून, मोह मायेपासून अलिप्त राहून मोक्षाच्या अज्ञात प्रांतात विहार करणे दर्शवते. थोडक्यात आपले जगणे ९ वे स्थान दर्शित धर्म, उच्च ज्ञान, अध्यात्मिक (अधी म्हणजे बुद्धी. बुद्धी व आत्मा यांचा संगम असणारा म्हणजे अध्यात्मिक) उन्नती व १२ वे स्थान संयोगे भौतिक मोहांच्या जडत्वातून अलिप्ततेने सुटका, त्या जोडीला सेवावृत्ती, दान, सत्कृत्य यांची जोड या दोन भक्कम पायांवर उभे असेल तर, आपला जन्म खर्या अर्थाने सार्थकी लागेल.           

ज्योतिष शास्त्रात ९ व १२ या अंकांचे महत्व खूप आहे. ९ ग्रह व १२ राशी मिळून आपल्या आयुष्याची दशा व आपल्या आयुष्याची दिशा ठरवत असतात. नवांश कुंडलीचे सूक्ष्म फलीतातील महत्व सर्वांनाच माहित आहे. जन्मलग्न कुंडली जातकाचे बाह्यरंग दाखवत असेल, तर नवांश कुंडली त्याचे अंतरंग दाखवते. याची रचना देखील तुम्हाला हेच सांगते की, एका राशीचा नववा भाग म्हणजे नवांश. १२ राशीं गुणिले ९ भाग असे मिळून जन्मलग्न कुंडलीचे एकूण १०८ सूक्ष्म विभाग तयार होतात. या भागालाच किती समर्पक नावे आहेत बघा – पद किंवा चरण. जपमाळ यासाठीच १०८ मण्यांची असते.

सांगायचे प्रयोजन एवढेच की, आपला अहंकार गुंडाळून ठेवून श्रद्धा भावनेने त्या परम शक्तीस शरण जाऊन त्याचे चरणावर डोके ठेवले, तर आपल्याच डोक्यात ज्ञानाचा प्रकाश पडेल व जगात असताना भाग्यशाली (९) ठराल  व शरीराचा व्यय झाल्यावर जन्म मरणाच्या फेर्यातून मुक्ती (१२) प्राप्त होऊ शकते.

लेखाच्या शेवटी एकच गोष्ट सांगतो, की आजकाल स्वत:च्या तथाकथित उच्च शिक्षणाच्या वृथा गर्वापायी या भक्तांना अंधश्रध्द म्हणून हिणवले जाते. पण गर्वाचे घर हे नेहमी खालीच असते. खाली म्हणजे कोठे, तर पायाच्या ही खाली म्हणजे पाताळात असते, याचे सर्वांनी भान ठेवायला हवे व आपल्या पूर्वजांनी ज्या काही प्रथा, पद्धती आपल्याला दिल्या, त्याचे वैज्ञानिक व तात्विक पातळीवर विचार करून जे योग्य आहे ते अंगिकारावे.

हे देवा आम्हा सर्वांना योग्य मार्ग निवडण्यास बुद्धी प्रदान कर हीच तुझ्या “चरणी” मनोभावे प्रार्थना.

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

विषय : उत्तराषाढा नक्षत्र विचार

संकलक : ज्योतिष मित्र मिलिंद

संदर्भ : नक्षत्र ज्योतिष

नमस्कार,

आज आपण उत्तराषाढा नक्षत्राबद्दल माहिती घेणार आहोत.

उत्तराषाढा हे नक्षत्र चक्रातील २१ वे क्रमांकाचे नक्षत्र असून इंग्रजीमध्ये या नक्षत्राला ‘पाय साजिटरी’ असे म्हणतात. या नक्षत्रामध्ये २ तारे असून ते अतिशय तेजस्वी, पांढऱ्या रंगाचे व ठळक आहेत. नक्षत्राची आकृती मंचकासारखी तर काहींच्या मते हत्तीच्या सोंडेसारखी आहे. आषाढ महिन्यात हे नक्षत्र रात्रभर आकाशात दिसू शकते व सहज ओळखता येते.आषाढ तारका पुंजातील पहिला पुंजका पूर्वाषाढा नक्षत्राचा तर दुसरा उत्तराषाढा नक्षत्राचा आहे. मूळ नक्षत्राच्या पूर्वेस चमकणाऱ्या तारकापुंजातील नंतर उदित होणाऱ्या चतुष्कोनास उत्तराषाढा म्हणतात.

नक्षत्राचा स्वामी रवी, राशी स्वामी गुरु व शनी आणि देव विश्वदेव नावाची देवता  असल्याने या नक्षत्रात रवीची कीर्ती व उदात्तपणा, गुरूचा न्यायीपणा, शनीची चिकाटी व निश्चय आणि विद्येप्रमाणे समाजावर उपकार करणारे अशा सुंदर व सात्विक गुणांचा प्रभाव दिसून येतो. नक्षत्राचे वैशिष्ट्य महणजे शनि व रवि या विरोधी तत्वांच्या व शत्रुग्रहांचे शुभगुणधर्म विकसित झालेले दिसून येतात. म्हणजे शनीचा कंजूषपणा व संशयीपणा नसून चिकित्सक वृत्ती व कष्टाळूपणा दिसतो व रविचा स्थिर व उदात्तपणा दिसून येतो. उत्तराषाढा नक्षत्राचा १ ला चरण धनु राशीत व पुढील ३ चरण मकर राशीत येत असल्याने हे नक्षत्र त्रिपाद आहे. हे मंदलोचनी, अधोमुख, स्थिर व रजोगुणी नक्षत्र आहे. रवीचे हे नक्षत्र सहाय्याने पुढे येर्णारे आहे.

उत्तराषाढा या नक्षत्रावर जन्म झालेल्या जातक व्यक्ती सेवावृत्तीच्या, आज्ञाधारक, नम्र, विनयशील, नेकीने वागणाऱ्या, इमानी, कार्यतत्पर, कामसू, व्यवहारकुशल, थोडा स्वार्थी, स्वतःच्या कुटुंबावर जास्त प्रेम करणाऱ्या, न्यायी, देवधर्माला भिऊन वागणाऱ्या, बेताचे  धाडस करणार्या पण आनंदी व समाधानी वृत्तीच्या असतात.

उत्तराषाढा पुरुष जातकांना हे नक्षत्र बरेच अनुकूल आहे. कारण पुरुषांना लागणारे स्वावलंबित्व, धाडस, अधिकारयोग, स्वातंत्र्यप्रेम हे गुण पुष्कळसे आढळून येतात. या नक्षत्रावर जन्मणाऱ्या जातकांचा बांधा मध्यम, उंच, सडपातळ, सडसडीत, हाडापेराने मजबूत व कणखर असतो. सांध्यातील हाडे जरा मोठी दिसतात. काटकपणा जास्त असतो. बांधा जरा मजबूत असतो. कपाळ भव्य व चेहरा रुंद असतो. चेहरा तेजस्वी, नाकी डोळी सुरेख असला तरी चेहऱ्यावर जरा प्रौढपणाचे तेज असते. ओठ जरा जाड व विलग असतात. शारीरिक जीवन व रोग प्रतिकारक शक्ती बरी असते. स्वभावही नम्र, विनयशील, विद्याव्यासंगी, कष्टाळू, मेहनती, दूरदर्शी, व्यवहारकुशल, टापटीप व स्वच्छतेची आवड असणाऱ्या असतात. बुद्धी बरीच प्रगल्भ व खोल असते. हे नक्षत्र तसे दुय्यम अधिकार योग देणारे आहे.

उत्तराषाढा स्त्रियांनाही हे नक्षत्र पुष्कळसे अनुकुल आहे. या नक्षत्रावर जन्मणाऱ्या स्त्रियांचा बांधा थोडा हाडाळ व काटक असला तरी प्रमाणशीर, रेखीव असतो. नाजूकपणा थोडासा कमी असून त्वचा जरा जाड असते. गुडघ्यात जरा वाकलेल्या असून गुडघ्याच्या वाट्या मोठ्या दिसतात. कपाळ जरा रुंद असून डोळे मात्र टपोरे व भुवया रेखीव दिसतात. गाल नितळ असतात व नाक ठसठशीत असते व वरचे दात एका रेषेत असून वरची कवळी जरा पुढे आलेली असते, व हसताना दात एका रेषेत दिसतात. मात्र लहान कुमारिका दिसण्यास सुंदर असल्या तरी थोड्या प्रौढ व उदास दिसतात. या नक्षत्रावरच्या स्त्रिया तशा अतिशय हुशार, बुद्धीमान, चतूर, कष्टाळू, मेहनती, कामसू व कर्तव्यदक्ष आणि संसारी असतात. संसार व घर सांभाळून त्या इतर व्यवसाय करताना आढळून येतात. हौशी, रसिक, कलाप्रिय असल्या, तरी फाजील खर्चिक किंवा उधळ्या नसून योग्य ठिकाणी खर्च करतात. स्वच्छता, टापटीप व नीटनेटकी राहणी असते. स्वतःच्या रूपाला व रंगाला शोभेल असा पेहराव करतील. दिलखुलास, मोकळ्या मनाने खळखळून हसतात. मात्र संगीत, गायन, वादन, नृत्य यात फारसे यश मिळत नाही, अधिकार योग मिळतो.

उत्तराषाढा नक्षत्राखाली येणारा वर्ग विशेष करून मध्यमवर्गीय व सेवक वृत्तीचा असतो. वकील, अॅडव्होकेट, खाजगी कंपन्या, उद्योगक्षेत्री व्यापारी पेढ्या, बँका, कारखाने, रेल्वे पोर्टट्रस्ट, औषधी कंपन्या, विमा कंपनी, प्रॉव्हिडंड खाते, या ठिकाणी काम करणारा वर्ग, सेल्सटॅक्स, इन्कमटॅक्स यांचा स्वतंत्र व्यवसाय करणारे अथवा लहान लहान कारखानदार, कंत्राटदार, आर्किटेक्ट, लहान लहान शेतकरी, पोस्ट खाते, दळणवळण खाते, पेट्रोल पंपाचे मालक किंवा ज्या ठिकाणी थोडी अंगमेहनतीची कामे आहेत अशा ठिकाणी काम करणारा वर्ग येतो. तरी स्वतंत्र व्यवसाय व व्यापार करणारे आढळतात.

उत्तराषाढा नक्षत्रावर होणारे आजार फारसे दाहन नसले तरी बरेच चिकट असतात. विशेषतः सर्दी, पडसे, त्वचेचे विकार, गुडघे दुखणे, संधिवात, फ्ल्यूचा ताप, डोके दुखणे, तर शनि-बुध युति असता खुजेपणा, कुबडेपणा यांचा त्रास असतो. एखादा आजार झाल्यास तो बराच काळ टिकतो. तसेच पाठीचा कणा दुखणे अथवा हाड वगैरे सरकणे, मोडणे यांची भीती असते.

उत्तराषाढा नक्षत्री रवी बराच अनुकूल असतो. शरीरप्रकृती व बुद्धीमत्तेच्या दृष्टीने मध्यम असतो. मात्र गुणाच्या दृष्टीने चांगला, नम्र, विनयशील, सदाचारी व समाधानी असतो. साधारण अधिकारयोग मिळतो. चंद्रदेखील या नक्षत्रात चांगला असतो.

उत्तराषाढा नक्षत्री चंद्र असता दिसण्यात सुंदर, कांतिमान व सुडौल बांधा असतो. सर्व प्रकारची शक्ती मध्यम असते. स्वभावाने हौशी, रसिक, आनंदी, कलाप्रिय, विद्वान व धार्मिक असतो. मात्र दीर्घकालाने यश संपादन करणारा, यशापयश व भाग्यात चढउतार असणारा असतो. स्वभाव चिकित्सक व चौकस असतो. सांपत्तिक हव्यास मध्यम असतो.

उत्तराषाढा नक्षत्री मंगळ शरीरप्रकृती कणखर, सडसडीत, हाडापेराने मजबूत, काटक, चपळ व तरतरीत असतो. यांत्रिक कामाची बरीच हौस असते. हा मंगळ कारखानदारी अथवा दुरुस्ती करण्याचे कारखाने व जड वस्तू, लोखंड, हार्डवेअर अशा व्यवसायांना उत्तम तसेच डॉक्टर्स, इंजिनिअर व आर्किटेक्ट यांना चांगला. स्वकर्तृत्वाने धनवान होईल.

उत्तराषाढा नक्षत्री बुध असता मध्यम उंच पण सशक्त, तरतरीत व चुणचुणीत असतो. चपळ असतो. बुद्धीलाही बुध चांगला, विद्याव्यासंगी, अभ्यासू, उत्तम गणिती, हिशेबनीस, भाषा, व्यापार यांना चांगला. उत्तराषाढा नक्षत्री गुरू विद्या व अधिकार योगाच्या दृष्टीने साधारण. सांपत्तिकदृष्ट्या कमी महत्त्वाचा. शरीरं, बांधा मध्यम पण जरा कृशच, भारदास्तपणा कमी, चेहरा बुद्धीमान, विद्वान पण जरा प्रौढ दिसणारा. भाषा, व्याकरण, व्यापारी शिक्षण, तत्त्वज्ञान, कायदेशास्त्र व शिक्षक किंवा प्राध्यापक यांना चांगला. इतरांच्या सहाय्याची गरज.

उत्तराषाढा नक्षत्री शुक्र साठी फारसे अनुकूल नाही. चेहरा सुरेख पण बांधा सुडौल नाही. कांती जरा खरखरीतच, शरीरात मांसलपणापेक्षा हाडेपेरे जास्त व चेहऱ्यावर मादकपणापेक्षा उच्चपणा जास्त दिसतो. हौशी, रसिक असल्या तरी व्यावहारिकवृत्ती जास्त, कलेपेक्षा व्यापाऱ्याच्या दृष्टीने उत्तम.

उत्तराषाढा नक्षत्री शनी असता हाडापेराने मजबूत, काटक, जरा हडकुळा पण कणखर बांधा. कष्टाळू, श्रमिक, धडपड्या, मेहनती पण प्रामाणिक असतो. विद्येच्या दृष्टी बरा. सायन्स, कायदेशास्त्र जमाखर्च, संख्याशास्त्र यांना चांगला. नोकरीत बरेच कष्ट व काम, दाम कमी नेमक्या अशा नोकऱ्या मिळतात. व्यापारात पसारा व धन जास्त पण नफा कमी.

उत्तराषाढा नक्षत्री राहू असता शरीरप्रकृती व धार्मिकदृष्ट्या बरे. प्रकृत मजबूत, कणखर व निरोगी असते.

उत्तराषाढा नक्षत्री हर्षल या नक्षत्रात बांधा मजबूत पण जर बेढब. संशोधन व बुद्धीमत्तेच्या दृष्टीने बरा असला तरी बुद्धीवैशिष्टच आढळून येत नाही. अनाठायी विदयेकडे जास्त लक्ष असते व बऱ्याच बाबतीत अर्धवटपणा असतो. कारखानदारीस चांगला असतो.

उत्तराषाढा नक्षत्री नेपच्यून फारसा शुभ फलादेश देत नाही. शरीर बांधा बरा असला तरी मन जरा उदास व निराशामय असते. अंतःस्फूर्ती किंवा मनोविकार जागृत नसतात.

उत्तराषाढा नक्षत्री जन्मणाऱ्या व्यक्तीचे अक्षर जरा मोठे, शब्द उभट असतात व फराटे जास्त देतात. नक्षत्रावर १ व ३ अंकाचे वर्चस्व वाटते. रवीचे माणिक किंवा गुरुचा पुष्कराज चांगला असतो. हे मंदलोचनी नक्षत्र असल्याने या नक्षत्रावर वस्तू हरवल्यास ही वस्तू थोड्याशा प्रयत्नाने सापडते. वस्तू दक्षिण दिशेला गेलेली असते.

मुहूर्तशास्त्रामध्ये उत्तराषाढा नक्षत्र सर्व शुभकार्यांना चांगले आहे. शुभकार्ये यशस्वी होतात. हे शुभ व स्थिर असल्याने या नक्षत्रावर घराचा पाया घालणे, खणणे, बी पेरणे, देवालये, विहिरी, बागाईत कामास आरंभ, शांतिकर्म, नवीन अलंकार धारण करणे, अष्टप्राशन, विद्यारंभ, अग्निहोत्रादी क्रिया, राजदर्शन, पुंसवन, राज्याभिषेक, विवाह, वधू प्रवेश, प्रयाण, उपनयन ही कार्ये करावी.

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

विषय : गोचर रवि पासून जन्म नक्षत्राचे  फळ

संकलक : ज्योतिष मित्र मिलिंद

संदर्भ : नवग्रह साधना व उपासना

नमस्कार,

आपल्या पूर्वासुरींनी भविष्य कथनासाठी इतक्या विविध पद्धतीचा अनुमाने घेण्यासाठी वापर केला आहे की, ते पाहून थक्क व्हायला होते. अशीच एक अनुमान घेण्याची एक पद्धत वाचनात आली. ती आपल्या माहितीसाठी देत आहे. अशा छोट्या छोट्या अनुमानांचा प्रत्यक्ष कुंडली परीक्षण करायच्या आधी स्थूल मानांने अंदाज घ्यायला उपयोग होतो.

गोचर रवि ज्या नक्षत्रात असेल त्यापासून आपले जन्मनक्षत्र मोजावे. गोचर रवि ज्या नक्षत्रात आहे त्यापासून आपले नक्षत्र मोजल्यावर जे नक्षत्र येईल त्याच्यानुसार खालीलप्रमाणे फले मिळतील.

नक्षत्र क्र. १ २ ३ स्थिती डोळ्यावर, फलित यशप्राप्ती, मान सन्मान

नक्षत्र क्र. ४ ५ ६ स्थिती मुखात, फलित रुचकर अन्नाची प्राप्ती

नक्षत्र क्र. ७ ८ स्थिती खांद्यावर फलित सुखोपभोग

नक्षत्र क्र. ९ १० स्थिती बाहूत, फलित धन व अधिकार प्राप्ती

नक्षत्र क्र. ११ १२ स्थिती हातात, फलित उत्साह, पराक्रम, आरोग्य

नक्षत्र क्र. १३ १४ १५ १६ १७ स्थिती हृदयात, फलित धनप्राप्ती, सुख, शुभफल

नक्षत्र क्र. १८ स्थिती बेंबीत, फलित धैर्य संतोष प्राप्ती

नक्षत्र क्र. १९ स्थिती गुह्येत, फलित कामविकार, पर स्त्री समागम

नक्षत्र क्र. २० २१ स्थिती जांघेत, फलित देश-विदेश भ्रमण

नक्षत्र क्र. २२ २३ २४ २५ २६ २७ स्थिती पायात, फलित शारीरिक अस्वस्थता

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)