विषय : शनीची स्थानागत फळे

संकलन : ज्योतिष मित्र मिलिंद

संदर्भ ग्रंथ : नवग्रह साधना

नमस्कार,

आज आपण शनीची स्थानागत फळे पाहणार आहोत.

प्रथम स्थान : प्रथम स्थानी शनी स्थित असेल, तर जातक धनवान, सुखी, दिसायला सामान्य, आळशी, अभिमानी, उदास वृत्तीचा, एकांतप्रिय, कामातुर, मंद बुद्धी, कमजोर स्मरणशक्ती असलेला, नेता, कमी केस युक्त असा आढळतो.

द्वितीय स्थान : द्वितीय स्थानी शनी स्थित असेल, तर जातक श्रीमंत, मुखरोगी, कटू बोलणे, मातृवियोगी, आयुष्यात चढ-उतार पाहणारा, व्यर्थ खर्च करणारा, चंचल नजरेचा, चोरी अथवा उचलेगिरी करणारा असू शकतो.

तृतीय स्थान : तृतीय स्थानी शनी स्थित असेल, तर जातक निरोगी, विद्वान, सभाचतुर, वक्ता, विवेकी, शत्रूवर विजय मिळवणारा, बंधू प्रेम, संतती, पत्नीसुख भोगणारा, लहानपणी थोडा लाजाळू वृत्तीचा असू शकतो.

चतुर्थ स्थान : चतुर्थ स्थानी शनी स्थित असेल, तर जातक आरोग्याच्या तक्रारी, दुःखी, आईस  अनिष्टकारक, कपटी, धूर्त, पित्तयुक्त, उदास वृत्तीचा, भाग्यवान, पोटदुखीने त्रस्त असू शकतो.

पंचम स्थान : पंचम स्थानी शनी स्थित असेल, तर जातक वातरोगी, संतती अभाव अथवा अल्प, व्यापारात नुकसान सोसणारा, चंचल स्वभावाचा, नेहमी अडचणीशी झुंजणारा आढळतो.

षष्ठ स्थान : षष्ठ स्थानी शनी स्थित असेल, तर जातक शत्रुवर विजय मिळवणारा, योगी, भोगी, धाडसी, हट्टी, दुर्व्यसनी, दुराचारी, उद्योगी, बलवान आढळतो.

सप्तम स्थान : सप्तम स्थानी शनी स्थित असेल, तर जातक एकांतप्रिय, वैवाहिक जीवनात दुःखी, वयस्कर जोडीदार, नीच व्याधी व स्त्रियांनी पीडित पण स्त्री भक्त आढळतो.

अष्टम स्थान : अष्टम स्थानी शनी स्थित असेल, तर उदास, वाचाळ, कपटी, भित्रा, धूर्त, कृष्ट, गुप्तरोगाने त्रस्त, विद्वान, दीर्घायु, स्थूल असू शकतो.

नवम स्थान : नवम स्थानी शनी स्थित असेल, तर जातक कृश शरीरयष्टी, वातरोगी, वाचाळ, प्रवासी, हट्टी, नास्तिक, कंजूष, मातृहीन, शत्रुवर मात करणारा, प्रवासात दगदग सहन करणारा आढळतो.

दशम स्थान : दशम स्थानी शनी स्थित असेल, तर जातक श्रीमंत, शत्रूला न जुमानणारा, नोकरांवर प्रेम करणारा, नेता, वरिष्ठ अधिकारी, बलवान, लेखक, ज्योतिषी, राजयोगी, महत्त्वाकांक्षी, भाग्यवान पोटदुखीने बेजार असू शकतो.

एकादश स्थान : लाभ स्थानी शनी स्थित असेल, तर कष्टी, श्रीमंत, दीर्घायू, रागीट, विद्वान, निरोगी आढळतो. 

द्वादश स्थानी : व्यय स्थानी शनी स्थित असेल, तर जातक अपयशी, खर्चीक, व्यसनी, अविश्वास, राजदंड, दुर्बल, रागीट, शत्रूकडून त्रास भोगणारा असू शकतो.

ज्योतिष मित्र मिलिंद (पुणे)
ज्योतिर्विदया वाचस्पती
संपर्क : 7058115947
(सशुल्क कुंडली मार्गदर्शन)