विषय : मंगळाची स्थानागत फळे

संकलन : ज्योतिष मित्र मिलिंद

संदर्भ ग्रंथ : नवग्रह साधना

नमस्कार,

आज आपण मंगळाची स्थानागत फळे पाहणार आहोत.

प्रथम भाव : लग्नस्थ मंगळ जातकाला कोणताही व्यवसाय करण्यास प्रेरित करतो; पण जातकाला कोणत्याही व्यवसायात यश मिळन्यास खूप संघर्ष करायला लागतो. त्याला डोकेदुखीचा त्रास असू शकतो. जातक धाडसी, पराक्रमी पण स्वभावाने रागीट असतो. मेष, सिंह, धनु, कर्क व वृश्चिक राशीचा मंगळ लग्नी असेल तर अशा लोकांना पोलीस, सैन्यात विशेष लाभ मिळतो. उच्चीचा मंगळ वडिलां संदर्भात बाबतीत इष्ट फले देत नाही. पृथ्वितत्त्वाचा मंगळ जातक कंजूष वृत्तीचा राहू शकतो. जातक विचार करूनच मित्र बनवतो. लग्नस्थ मंगळ डॉक्टर- वैद्यांना चांगला असतो. वकिलांना तो प्रतिकूल  असतो.

द्वितीय भाव : मेष, सिंह, धनु यापैकी कोणत्याही राशीचा मंगळ दुसऱ्या स्थानी असेल, तर जातक धनवान बनू इच्छितो. असा जातक बहुधा लॉटरी, रेस, जुगार, शेअर्स इत्यादीमध्ये पैसा गमवितो. वृषभ, सिंह, कन्या, मेष राशीचा मंगळ द्वितीय भावात असेल व वक्री असेल, तर मिळालेली संपत्ती लवकर संपते व ती पुन्हा मिळणे दुरापास्त असते. वायुतत्त्वाचा मंगळ असेल, तर धनसंग्रह होतो. चिकित्सक व वकिलांच्या बाबतीत असा मंगळ लाभदायक असतो. वृषभ राशीचा मंगळ असेल, तर जातक खोटारडा, खादाड, बंधुद्रोही व कुल कलंकित असतो. नीचस्थ मंगळ असेल, तर जातक रोगी, सिंहस्थ मंगळ असेल, तर पुत्रहीन व धर्महीन असतो.

तृतीय भाव : कुंडलीच्या तिसऱ्या स्थानी मंगळ असेल, तर वाहन रेल्वे ई. भय जातकास असते. नातेवाईक व शेजाऱ्यांशी भांडणे होतात. उच्चीचा मंगळ असेल, तर काही शुभ फले मिळतात. राहूबरोबर मंगळ असेल, तर जातक वेश्यागामी, कपटी, दुःखी आढळतो. मेष, वृश्चिक, मकर राशीचा

मंगळ असेल, तर जीवन अस्थिर असते. इतर राशीत मंगळ असेल तर जातक धनहीन, सुखहीन, वास्तुहीन आढळतो.

चतुर्थ भाव : चतुर्थ भाव म्हणजे सुखस्थानात मंगळ असेल, तर बहुधा अशुभ फले मिळतात. स्त्री राशीतील मंगळ शुभ फलदायी असतो. कर्क, तूळ अश्चिक किंवा मिथुन राशीचा मंगळ चतुर्थ स्थानी असेल, तर आई किंवा पत्नी सुखाचा नाश होत नाही. इतर राशीतील मंगळ चतुर्थ स्थानी असेल, तर द्वितीय विवाह योग निर्माण होऊ शकतो. जातकाची प्रगती जन्मभूमीत होत नाही. परदेशात तो प्रगती करतो. अग्नी राशीचा मंगळ चतुर्थात असेल, जर घराला आग लागनेपासून सावध रहावे. कर्क, तूळ, मिथुन, वृश्चिक राशीत मंगळ असेल, तर मरेपर्यंत स्वतःच्या घरात राहण्याची जातकाची इच्छा असते; पण त्याचा अंत घरात न होता इतर ठिकाणी होऊ शकतो.

पंचम भाव : पंचम भावात बहुधा मंगळाची अशुभ फलेच मिळतात. स्त्री राशीतील मंगळाची शुभ फले मिळतात. वायुतत्त्वाच्या राशीचा मंगळ असेल, तर सिव्हिल इंजिनिअरिंग, ओव्हरसिअर, भूमी सर्वेअर इ. शिक्षणाकडे ओढ असू शकते. अग्नितत्त्वाच्या राशीतील मंगळ सैन्य, पोलीस, मोटार, विमानचालक, टेक्निकल शिक्षणात जातकाची रुची उत्पन्न करतो, डॉक्टर व वकिलांना पंचमस्थ मंगळ शुभ असतो. तो यश व किर्ती मिळवून देतो.

षष्ठभाव : षष्ठभावातील मंगळ कार्य करण्याची मोठी क्षमता जातकाला देतो. तो खादाड असतो. वृषभ, सिंह, वृश्चिक, कुंभ या स्थिर राशीत मंगळ असेल, तर गंडमाळा, हृदयशूळ व मूत्राशयाचे रोग होण्याची शक्यता असते. मेष, कर्क, तूळ किंवा मकरेचा मंगळ असेल, तर यकृत, संधिवात, फुफ्फुसात बिघाड, श्वासरोग, क्षयरोग होतो. जातकात कामवासना जास्त आढळते. स्त्री राशीचा मंगळ असेल, तर शत्रू असतात. पूर्वाजित धनाचा नाश होतो. मंगळ जातकाला दीर्घ कालावधीनंतर प्रसिद्धी मिळवून देतो.

सप्तम भाव : सप्तम स्थानी मंगळ असेल, तर ‘मांगलिक योग बनतो. पाप राशीचा मंगळ असेल, तर पती-पत्नीला पीडित, दांपत्य सुखात न्यूनता येते. वायुराशीचा मंगळ असेल, तर छापखाने कारखान्यात फायदा होतो. जलराशीचा मंगळ असेल, तर लाकडाच्या व्यवसायात यश मिळते. मेष, सिंह, मकर, कुंभ राशींपैकी एका राशीचा मंगळ असेल, तर द्वितीय विवाहयोग संभवतो. शुक्राच्या राशी वृषभ तुळेचा मंगळ असेल, तर जातक पत्नीवर खूप प्रेम करतो. कन्या व कुंभ राशीचा मंगळ असेल, तर अशा जातकाचा भाग्योदय विवाहानंतर होतो. चिकित्सकांना सर्जरीत, वकिलांना फौजदारी केसेस, पोलीस सैन्यात, टेक्निशियन इंजिनिअर यांना मंगळ फायदेशीर ठरतो.

अष्टम भाव : स्त्री राशीतील अष्टमस्थ मंगल विशेषत: कर्क, वृश्चिक, मीनेचा मंगळ संतती अधिक देऊ शकतो. वृषभ आणि कन्या राशिच्झा मंगळ अष्टमात असेल, तर संतती सौख्य अल्प असते. मिथुन, तूळ, कुंभेचा मंगळ अष्टमात असेल तर जातक दृढयोगी बनतो. अष्टमस्थ कर्क, मीनेचा मंगळ जातकाला राजकारणी बनवतो. जल राशीचा मंगल अष्टमात असेल, तर पाण्यात बुडून मृत्यू संभवतो. अग्नी राशीचा असेल, तर आगीत जळून मृत्यू संभवतो.

नवम भाव : नवम स्थानी मंगळ असेल, तर शुभ-अशुभ दोन्ही प्रकारची फले मिळतात. मीन व मकर राशीचा मंगळ नवम स्थानी असेल, तर जातक दुराचारी, हिसक, पापी व व्यभिचारी बनतो. इतर राशीचा मंगळ असेल, तर जातक विद्वान असतो. वृषभ राशीचा मंगळ असेल, तर विपरीत फले मिळतात. पुरुष राशीचा शुभ प्रभावित मंगळ राजकारणात छोटे-मोठे पद मिळवून देतो. नवमस्थ मंगळ असलेले जातक विवाहाला पवित्र व स्थायी बंधन मानत नाहीत. बाह्य स्त्रीशी संबंध जोडण्यास उत्सुक आढळतात.

दशम भाव : मंगळ दशम स्थानी असेल, तर जातक धैर्यवान, अभिलाषी आणि उतावळ्या स्वभावाचा असतो. व्यवसायात प्रवीण असूनही नफा-नुकसान होत राहते. स्वभावाने पशूसारखा असतो. दशमस्थ मंगळ सहजगत्या यश व मानसन्मान मिळवून देतो.

एकादश भाव : वायू व अग्नी राशीचा मंगळ एकादश स्थानी असेल,  तर संतती नाश संभवतो.  कोणत्याही स्वरूपात या राशीचा मंगळ पुत्रसुख दुर्लभ बनवतो. जल व पृथ्वी राशीचा मंगळ पुत्रसुख, यशप्राप्ती देतो. अशा जातकाचे धनार्जन व अधिकारप्राप्ती हे एकमेव ध्येय असते. मित्राकडून जातक फसवला जातो. जलतत्त्वीय राशीचा मंगळ एकादश स्थानी मित्राला जामीन राहिल्याने जातक अडचणीत येऊ शकतो. अग्नितत्त्वाच्या राशीचा मंगळ एकादश स्थानी असेल, तर जातक सट्टा, मटका, जुगार, लॉटरी अशा आकस्मिक धनलाभातून पैसे मिळवतो.

द्वादश भाव : बाराव्या स्थानी मंगळ असेल, तर ‘असा जातक बहुभक्षी व कामवेगाने पीडित आढळतो.  त्यास स्त्री सुख कमी लाभते. जातक उदार, सत्यभाषी व रागीट असतो. द्वादश भावस्थ मंगळ भाऊ व संततीला अनिष्ट असतो. अपवादात्मक परिस्थितीत हा मंगळ वंशक्षय करतो. अशा जातकाला पडल्याने इजा होणे, विषबाधा होणे व अपघात होण्याची भीती असते. कोणाला उसनवार दिलेले पैसे परत मिळत नाहीत, चोरामुळे धन हानी संभवते.

ज्योतिष मित्र मिलिंद (पुणे)
ज्योतिर्विंदया वाचस्पती
संपर्क : 7058115947
(सशुल्क कुंडली मार्गदर्शन)