विषय : ज्योतिष शास्त्रातील ऋण विचार

संकलक : ज्योतिष मित्र मिलिंद

संदर्भ : लाल किताब

नमस्कार,

अनेकदा आपल्याला आपल्या आजूबाजूला अशा गोष्टी आढळतात की, ज्याची तर्क संगती लागणे मुश्कील असते. चांगल्या सुस्थितीत असलेले कुटुंब एकदम कर्जाच्या खाईत सापडून लयास जाते, संपूर्ण पिढीस वारसच जन्मास येत नाही जो घराण्याचे नाव पुढे लावेल, घरातील विवाहितांचे वैवाहिक संबंध अचानक मोडकळीस आलेले दिसतात, गृह कलह, कुटुंबियांची आपसात जोरदार भांडणे, उच्च गुणवत्ता असून देखील, त्याचे फळ मिळण्यात बाधा, अपमृत्यू इ. गोष्टी घडताना आढळतात. जन्म कुंडली मध्ये राजयोग दिसत असतानाही अनिष्ट फळे मिळत राहतात. अनेक उपाय, तोडगे करून देखील योग्य फळ मिळताना दिसत नाही. तर असे का घडत असावे याचे उत्तर न मिळाल्यामुळे डोके सुन्न होऊन जाते.

तर अशा लोकांच्या कुंडलीत ऋण योग आहे का हे तपासणे देखील गरजेचे असते. ऋण योग म्हणजे आपल्या पूर्वजांनी, पितरांनी किंवा घरातील मोठ्यांनी केलेल्या पापाचे भोग जे ते पूर्वसंचीत फळ पक्व झाल्यावर चालू पिढीला कुप्रभाव भोगायला लागणे. दुसऱ्या शब्दात सांगायचे तर, हे ऋण म्हणजे इतरांनी केलेल्या चुकीची परतफेड चालू पिढीने करणे. कुंडलीतील ऋण योग नातेवाईकांच्या कुंडलीत देखील दिसून येऊ शकतात. ह्या ऋण योगाचे परिणाम संपूर्ण कुटुंबावर होतो व त्यासाठी संपूर्ण कुटुंबाला मिळून त्यावर उपाय योजना करावी लागते. हे ऋण उतरल्याशिवाय कुंडलीतील ग्रह शुभ योगाचे फळ देण्यास असमर्थ ठरतात. त्यामुळे सर्व प्रयत्न करूनही मार्ग सापडत नसेल तर या लेखासोबत दिलेले ग्रह योग जन्म कुंडलीत असता सांगितलेले उपाय केल्यास फायदा ऋण मुक्त होऊ शकतो.

हे ऋण योग अनुभवास येताना दिसतात व त्यावरचे उपाय हि प्रभावी ठरताना दिसतात.

ज्योतिष मित्र मिलिंद (पुणे)
संपर्क : 7058115947
(सशुल्क कुंडली मार्गदर्शन)