तुमच्या – माझ्या मनातील प्रश्न व त्याची उकल

जेव्हा मनुष्य अंतर्मुख होतो तेव्हा, माणसाच्या आयुष्यात कधी ना कधी हे प्रश्न जरुर डोक्यात येतात. त्यांची उत्तरे संक्षिप्त रुपात येथे देण्याचा प्रयत्न केला आहे.

१. आयुष्याचा हेतू काय आहे ?

आयुष्याचा हेतू त्या चैतन्यास जाणून घेणे आहे, जे जन्म आणि मृत्यू च्या बंधनाच्या परे आहे. हे जाणून घेणे म्हणजेच मोक्षप्राप्ती आहे.

२. जन्म आणि मृत्यू च्या बंधनापासून कोण मूक्त आहे ?

ज्याने त्या परम आत्म्यास जाणले जो जन्म आणि मृत्यू च्या बंधनापासून मूक्त आहे तो.

३. संसारात दू:ख का आहे ?

मोह, स्वार्थ आणि भीती हे संसारातील दू:खाचे मूख्य कारण आहे.

४. देवाने दू:खाची रचना का केली ?

देवाने संसाराची रचना केली आणि मनुष्याने आपल्या विचाराने आणि कर्माने सुख-दू:खाची रचना केली.

५. देव आस्तित्वात आहे का ? कोण आहे ? कसा आहे ? स्त्री आहे की पुरुष ?

कोणत्याही कारणाशिवाय कार्य नाही. हे जग त्या कारणाच्या आस्तित्वाचे प्रमाण आहे. तुम्ही आहात म्हणून तो आहे, त्या परमोच्च कारणास अध्यात्मात देव संबोधले आहे. तो न स्त्री आहे न पुरुष.

६. भाग्य काय आहे ?

कोणतीही कृती हा कार्याचा एक परिणाम आहे. परिणाम हा चांगलाही असू शकतो किंवा वाईटही असू शकतो. या परिणामाचे दुसरे नाव भाग्य आहे, तुम्ही आज कर्म पेरलेत तर कालांतराने तुमचे भाग्य म्हणून उदयास येईल.

७. या जगातील सर्वात मोठे आश्चर्य कोणते ?

या जगात रोज हजारो लोक मृत पावतात हे आपण सर्वजण पाहतो, तरीही जास्त काळ जगण्याची धडपड करत राहतो यापेक्षा मोठे आश्चर्य काय असू शकते.

८. कोणत्या गोष्टीचा त्याग करुन माणूस धनवान बनू शकतो ?

लोभाचा त्याग करुन माणूस धनवान बनू शकतो.

९. सुखी होण्याचा एकमात्र उपाय कोणता ?

चांगला स्वभाव हाच सुखी होण्याचा एकमात्र उपाय आहे.

१०. कोणती गोष्टी गेली की माणसास दू:ख नाही होत ?

राग गेला की माणसास दू:ख नाही होत.

११. कोणती गोष्ट या जगात धर्मापेक्षा मोठी आहे ?

या जगात दया ही धर्मापेक्षा मोठी गोष्ट आहे.

१२. कोणती गोष्ट ईतरांना अजिबात देऊ नये ?

दू:ख व धोका ईतरांना अजिबात देऊ नये.

१३. कोणती गोष्ट ईतरांकडून अजिबात घेऊ नये ?

ईतरांचा तळ्तळाट अजिबात घेऊ नये.

१४. कोणती गोष्ट आयुष्यात सर्व काही करायला भाग पाडते ?

मजबुरी आयुष्यात सर्व काही करायला भाग पाडते.

१६. कोणती गोष्ट या जगात सर्वात जास्त विकली जाते ?

या जगात खोटेपणा सर्वात जास्त विकला जातो.

१७. कोणती गोष्ट या जगात सर्वात जास्त समाधान देते ?

या जगात परोपकार सर्वात जास्त समाधान देतो.

१८. कोणती गोष्ट मनुष्यास सर्वात घातक आहे ?

मनुष्यास मोह हा सर्वात घातक आहे.

१९. सर्वात मोठे पडलेले स्वप्न कोणते ?

आयुष्य हेच सर्वात मोठे पडलेले स्वप्न आहे.

२०. या जगात न बदलता येणारी गोष्ट कोणती ?

मृत्यू ही या जगात न बदलता येणारी गोष्ट आहे.

२१. अशी कोणती गोष्ट आहे जी स्वत:ला लवकर समजत नाही ?

स्वत:चा मूर्खपणा स्वत:ला लवकर समजत नाही.

२२. अशी कोणती गोष्ट आहे जी चिरंतन आहे ?

आत्मा व ज्ञान चिरंतन आहे.

२३. अशी कोणती गोष्ट आहे जी कधीही थांबत नाही ?

काळ कधीही थांबत नाही.

मी स्वत: हे व अशा अनेक प्रश्नांची उकल करुन ती आयुष्यात अंगिकारण्याचा प्रयत्न करत आहे. त्यात किती यशस्वी होईन ते येणारा काळ च ठरवेन. आपण ही आपले प्रश्न व त्याची उत्तरे शोधा व अध्यात्मिक प्रगती करा. इथे लिहिले तर ईतरांना त्याचा त्यांचा प्रकाश मार्ग शोधण्यासाठी उपयोग होईल.

आपणांस शुभेच्छा….

-ज्योतिषमित्रमिलिंद

ज्योतिष सल्ला व मार्गदर्शन साठी संपर्क :

(७०५८११५९४७) (Whatsapp/Text Only)

For More info Visit : jyotishmitramilnd.in

(वाचनात आलेल्या लेखाचा व विचारांचा स्वैर अनुवाद)